حاط عينه على نومتي!!! ش سوي!!!

[احساس امومة]

السلام عليكم خواتي

مالي غيركم بعد الله
حتن ما حب اسولف مع امي وخواتي عن اللي بقوله لكم الحين....

اول شي احب اقولكم اني وحدة روتينية وما حب السهر بس برمضان يتغير كل شي
يعني انام بعد صلاة الفجر

بس زوجي يسهر لي الصبح ويسهر اليهال معاه وانا دايما اقوله ليش تخليهم لي الصبح !! خلهم ينامون عشان الواحد يقدر يقراله شوي!! اهو يقول كيفهم مافيهم النوم
وتمو يسهرون لي 8 الصيح
انا قمت اصلي الفجر واقرا للشروق واصلي ركعتين ونام .. بس الصراحة ما عرف انام الا لمن ينامون عيالي....

وهذا الشي خلاني اتعب وايد وما اشبع نوم وظل نايما لي العصر.. حتن ما احس بالصيام

الحين ريلي شايش علي ... يبيني اقوم اسوي شي.. يعني اشوف اليهال .. اطبخ... بس هو بالاساس ما يتفطر, بس يشرب شوربة ... لانه يتسحر متاخر و ما يشتهي يتفطر

الحين المشكلة والله اني محتارة.....
اليوم صحاني الظهر وقعدت وقعدت اليهال وصلينا وكان راسي يعورني.. صكرت ليتات الغرفة جان يقول لا تنامين.. قتله راسي يعورني.. وليش اقعد انت ما تبي فطور..ش سوي اقعد...

خذا اليهال وطلع ...
انا رديت نمت .. اصلن ما كنت ابي انام بس السهر لي الصبح يهلكني!!

المهم ... رد قبل المغرب ب شوي ولقاني ليلحين بفراشي... جان يعصب ويزعل وعافس ويهه!!!

قمت وغسلت وقتله .. شفيك معصب!! قام يصارخ جدام عياله.. : مرا لي المغرب نايمة.. انتي شنو .. ما تشبعين نوم...
قتله تعبانة...
وعل الفطور قتله: لا تعفس ويهك علي!! انا ما غلطت عشان اتنكد علي.
قام يصارخ مرة ثانية...
صعدت ل غرفتي وخذيت سلطتي وياي.. وقمت اكتبله عل الوتس اب انه ماله حق يزعل
انا ما قصرت مع عيالي ولا معاه... اهو يبي سحور وانا كل يوم اسويله طبق ياخذه للديوانية.. ها المرة ليش يبيني اقعد امبجر واصلن اليهال مو موجودين.... ش يبي من والله تعبت

وهو معطيني طاف ولا رد علي وراح صلى العشا ورد شافني اقرا بالغرفة جان يقول صكري الليت ابي انام...
انا هني قمت اصارخ.. لمن تبي تنام تنام ولمن تقعد تقعد البيت كله .. شتب مني شتبي

قام يصارخ ويقول... ما تشيبعين نوم ... وقلم اسبني.. هو يصارخ وانا اصارخ... ليما قال سكتي يا الكلبة وراح ودزني لي الباب وقال برة...

انا صحكتني البوها.. اول مرة يعاملني جذي... مادري ش سوي

ش سوي!!!

اروح الليلة انام عند امي وخلي اليهال
انا م غلطت عشان يزعل
قهرني

 

[محتارة وبصيح]

لا تحاتين بعد العيد بيتعدل كل شي لما هو ينام انتي نام ولما يقعد قعدي

 

[miss_whitemocha]

حبيبتي عادي وايد ناس يكرهون النوم الزايد و يعتبرونه نوع من أنواع الربادة..عموما الوضع كله بيتغير عقب رمضان إنشالله و بتتعدل نومتج..لا تعطين الموضوع أكبر من حجمه و تروحين بيت أهلج خليج في بيتج و مكانج و مع عيالج..وطوفي عادي لا تدققين على كلامه..يمكن إنه متضايق من شي برة و طلع حرته فيج..وسعي صدرج و هدي بالج ماكو أحد يسوى تزعلين نفسج عشانه.​

 

[فوفو22]

علاج مشكلتج بينتهي بعد اسبوع بانتهاء الشهر الفضيل

هو متضايق من نومك

وانتي لديكي اسبابك

هو بهالوقت لا تقّنعه اعذارك

وانتي متضايقه من رده فعله

الحل الفوري ....................تتقاضين عن كل زلاته

وتبتعدين عن اثارته

حتى لا تكبر المشكله بشكل اوسع وهي تافهه

وبعد العيد لما تفتحين الموضوع .........اكيد تجاوبه واستماعه للمشكله بكون افضل بكثبر

هونيها وتهون حبيبتي

فوفو

 

[iLLuMinaTion]

وسعي صدرج

 

[قطوووة]

طوفي .. واللي يشوف مشاكل غيره تهون عليه مشاكله

 

[PuPa^^SWeeT]

عموما الريال مايحب يقعد ويلاقي مرته نايمة


لا قعدي اببيتج شكو فيه

بس انتي كنتي المفروض تحقرينه لاتصارخين وياه ولاتردين عليه


واذا عفس ويهج خلييه يرضى بروحه


اذا ريلج يدخن اكيد مايشتهي الاكل لأنه بس همه السجاير


حبيبتي تعوذي من ابليس و قعدي ويا اليهال


و نوميهم مبجر شكو يقعدون اليهال لي الصبح ؟؟؟؟ يهال هذيل مو كبار

 

[خط احمر]

من الاول ليش ما قلتيله انت عودت العيال على القعده لي الصبح وانا ما اقدر انام الا هم نايمين
بعدين تطلب مني اني اكون رايقه
شي بديهي بيكون راسي اشكبره من الارهاق
انتي حاجيه وان شاء الله بيتفهم الموضوع ويعدله بس هاااه
لا تسوينها وتروحين تزعلين ببيت اهلج

 

[Model Look]

من حقج تزعلين وشنو طلعي برا

انا هالكلمه تنرفزني اكثر من الدزه والله

انا كان زوجي يقولها على غشمره مره طوفت مرتين بلعتها لانه علبو غشمره المره الثالثه زعلت

وقلت والله المره اليايه لي قلت برا ماراح ارجع

شنو هالاسلوب

فيه شي اسمه احترام وين قاعدين

بس زعلي وثقلي عليه

لا تروحين بيتكم وخليج بدارج

يوم يومين لما يطخ شوي فهميه هالكلمه تضايق وخايسه ومايعيدها

 

[๓ίşś зśŏłả..!]

الله يعينج ويهديه

 

[Freakya]

شهالريايييل قطع

شنو يسبج و يدزج

زعلي عليه و عطيه طاف

بس لا تطلعين من بيتج

 

[*شوق*]

انتي امهم انتي الي تمشين حياتهم بتنظيم يومهم نومي عيالج ونامي تري مو حلوة الام نايمة والعيال ماتدرين عنهم

 

[جوري 2007]

حبوبة ، الصبح قعدي اليهال مبجر عشان ينامون بالليل مبجر وانتي تنامين بعد ،، اذا عاندوا وابوهم قواهم روحي نامي

عودي روحج تنامين واهما ابوهم بيجابلهم ،، ريلج اناني بس شتسوين تكيفي مع الوضع بس حاولي تبينيله انج متضايقه

من كلامه وحركته ...

 

[فله شمعه منورة]

صحيهم كلهم بدري هم وابوهم لكن باسلوب حلو ولاينامون لك قبل الليل وبكذا وبدون عوار راس راح ينتظم نومهم
حاولي تضغطي على نفسك هذا الاسبوع حتى لو مرهقه الله يعينك لايرجع للبيت وانتي نايمه واصحي معه الله يسخره لك ويحنن قلبه عليك

 

[Tom ♥ Jerry]

,


آلله يهديج مره عندج بيت و عيال و ريال تنآمين ليه المغرب ! :/
أوكي ليه العصر يعني الساعه 3 حدج ! شدعوة نآيمه ليه الساعه 6 !

وبعدين لا تتحججين باليهال يا قلبي :*
اليهال نوميهم و حآولي تنومينهم مبجر .،
حلو آنه المره تقم قبل الريال تشوف البيت
تصحي اليهال حق الصلاه ، تصحين ريلج حق الصلاه !
حتى لو مآكو فطور على قولتج !
شغلي نفسج باي شي .، آقري قرآن
الريال يحب يشوف المره قاعده ! مو يطلع يصلي الظهر و يرد آنتي نآيمه
يصلي العصر و ايي انتي نايمه
يطلع ليه المغرب و يرد و آنتي نايمه مآ يصير حبيبتى :*

قومي على الاقل ليه الساعه 2 أو 2 و نص
آعتقد آنتي خلاص شبعآنه نوم .، مآله دآعي تنآمين ليه 6 !
و اليهال خليهم ينآمون مبجر عشان يقعدون مثلج مبجر و بس آنتهت المشكله :*
ريلج يبي يحس انج مثل الحريم الباجي
تقعدينه من النوم حق الصلوآت ، و تقعدين اليهال تلبسينهم تزهبينهم اذا كآنو يبون يطلعون ويا ابوهم
يمكن كآن حآط في بآله انه انتي بعد تطلعين وياهم !


:*

 

[Rawonah]

وسعي صدرج والله يهديه انشالله

 

[دلـع آل مـرّه♥]

حبيبتي عادي صيآم وتعب وحالته حاله بيحط حرت التعب فيج تحملي فديتج عشان عيالج وبعد العييد خلي كل شي منظم
ولا تقولين اروح انام عند امي تحملييي! شيلي هالفكره من بالج
اللي عليج انج تستحملييينه ترى صج رمضآن وتعب وترى الرجاجيل يعصبون على اقل شي بس يبون يصارخون

 

[Gifts&Occaions]

ميخالف حبيبتي طوفي تلاقينه منرفز لاتخلين الموضوع يوصل للشد الي صار بينكم

 

[أم توتو]

شوفي انا عيالي ينامون طول الليل والصبح يقعدون وطبعا لا انا ولا ابوهم يخلونا ننام كل شوي داشين علينا يما نبي ونبي ونومي مقطع بس اقعد الساعه وحده انظف البيت واطبخ وعيالي قاعدين وابوهم يقعد خلاص ماعندنا احد ينام لين العصر اعتبره مرض عاد ينامون بعد الفطور واهي نومه ليصبح الله يحفضهم مابي اخرب نومهم لان نومتهم زينه للمدارس

 

[Moon-ae]

الغالية حاولي تغيرين وقت نومج يعني شوفي وقت انتي فاضية وماعندج مسؤووليات
مثلا بعد صلاة العشاء او بعد صلاة المغرب وشي طبيعي انتي متزوجة لازم تعدلين نومتج !
وتعوذي من ابليس ترى الريال اذا عصب يقط اي كلمة عشان يسكت المرة