حالتنا كسيفه خخخخخخخخخخخ

[atoootta]

مرحبا بنات



مادري وين اكتب موضوعي بس ضايق صدري شوي ومتوترة

والمشكله موضوعي مضحك :denya:




الله يسلمكم بنتي يوم السبت بدش المدرسه اولى ابتدائي وبما اني مادخلتها روضه ولاحضانه --> مو معترفين فيها حيل هني

فصايرين انا وابوها متوترين حيل

يعني مثلا على لبسها رايحيين للعليا ندور لها مريول خخخخخخخخ نبي شي فخم وراقي --> بدلة عرس حشا :krkrkr:

ونطلع من السوق الفلاني ونروح مول ثاني عشان عزكم الله جوتي المدرسه

وبعدين مذركير عشان الدلاغات على قولة زوجي ابي دلاغات تريح رجول بنيتي :krkrkr:

وطبعا الشبابيص مشكله سببتلنا ارق خخخخخخخخ

ماخلينا شباصه بيضاء ماشريناها :krkrkr:

طبعا كل شي منه 2 او 3 يعني مراييل وجواتي وجناط لكل الشخصيات اللي تحبها

وباجر بوديها الصالون اسوي شعرها اقصه واستشوره

وشايله هم لادشت المدرسه السبت راح تبجي ؟ والا انا اللي ببجي ؟ :tomato2:

راح تتأقلم والا انقلها لمدرسه ثانيه ؟

و زوجي يقول لي منساع : شنو بنسوي لمن تدش اول يوم ؟ شلون بيكون شعورنا ؟

وشلون بنتنا كبرت بسرعه ؟ جنها امس يوم انولدت ؟

:gr4uu:






كل هذا عشان شنو ؟

توني قعدت افكر بيني وبين نفسي شفيني انا وزوجي انهبلنا خخخخخخخخخخخخخخخ
يعني رايحه تدرس وتتعلم والا تكشخ ؟

كلمت امي وقلتلها عن اللي سويناه وقالت : يااااااااااااااااااااا الله انك تخلف بس :denya: خخخخخخخخخخخخخ

ياربي ماني قادره اهدأ ولا زوجي قادر... مشغله بالنا هالشغلة

صار معاكم جذي ؟

والا الامر عادي ؟



والا احنا اللي مو صاحيين خخخخخخخخخخخخ

 

[( مي )]

هلا أتووووت
هلا حبي عادي عادي وايد عادي

انا بنتي الوسطية بالذات من كثر ما اهي متعلقة فيني
اول ما البست هدوم الحضانة اشتغلت عليها تصوير
لا واول يوم ببدلها اهي بجت جان ابجي
قلت لها يخالف ماما غيبي باجر تداومين السنة طويلة عادي لووووول
ثاني يوم بجت قلت لها ميخالف حبيبتي كملي نومتج لوووول
على ثالث او رابع يوم خليتها تداوم بس الله وكيلج كل ما اتخيل شكلها بالمدرسة ابجي
لانها لازقة كانت فيني وايد وحياوية مو اجتماعية وتمص صبعها ومابي احد يحرجها

بس بعدين تتعودين وماودج اصلا تغيب ،، ودج تروح مدرستها من هني ،، وتطلعين انتي تتسوقين من هناك
ههههه

 

[cat_women]

رد : حالتنا كسيفه خخخخخخخخخخخ

حيااااااااااااااااتي والله

لو تتزوج بنتج شتسوين ؟:eh_s(20):

تبين الصج انتو مو صاحين شويه بس مو واجد

و بنفس الوقت مالومكم مستااااانسين فيها

ما عليج بتروح اول يوم و تبجي عااااادي الوضع سهالات

بس اهم شي انتي و ابوها لا تبجون :eh_s(16):

مدام المحاتاة فيكم فيكم

ما فكرتو شنو تريقونها اول يوم دراسي :flower:

 

[Heaven Light]

لا بالله منتو صاحيين






لا لا اتغشمر الا صاحيين ونص وهذا شي طبيعي اول بنت لج بتدخل المدرسة واللي فهمته انج كويتية بس عايشة بالسعودية يمكن هذا الشي بعد له سبب انج تخافين وتحاتيين ..

اول يوم توقعي يكون في شوية بجي وتلزق .. بس انتي لا تضعفين خليها وروحي ..

والله يخليها لكم ويخليكم لها ..




​

 

[a7la MUM]

رد : حالتنا كسيفه خخخخخخخخخخخ

ويييييييييي حبيبتي
الله يخليهاااااااا لكم يحليلها والله
اتوقع عادي هالشعر وان حنها امس انولدت حلاتها
بس صدقيني بتتعودين
الله يحفظها لكم وتشوفونها بلبس التخرج مال الجااااااااااااااامعه يارب

 

[( المـلاك )]

رد : حالتنا كسيفه خخخخخخخخخخخ

عادي حياتي
لانكم ماجربتوا وضع الحضانه ولا الروضه
و فجاة وعقب كل هالسنين ابتدائي
عشان جذي منصدمين
و دام انها اول بنت تروح للمدرسه
يعني الوضع طبيعي
بس شوووي مبالغين شوووي مو وايد
وديري بالج اهم شي لا تبجين عندها
=)

 

[atoootta]

رد : حالتنا كسيفه خخخخخخخخخخخ

مي


عاد بشري درست بنتج والا لا خخخخخخخ
ياحلوج والله
على خير ان شاءالله .. الله يسهل

مشكوره فديتج



كاتو

خخخخخخخخ مشكوره
امبلا مفكرين انريقها بزيت وزعتر لوووووووول
ياختي عسى ربي يرزقج بالضنا وتجربين المعاناة اللي احنا فيها !
عسى ماتدور السنه الا بيدج بيبي ان شاءالله


تعبت لين قلت بس


اي انا كويتيه متزوجه سعودي
والله يمكن خصوصا اني مو عارفه ولاشي عن نظامهم ولا طبيعة دراستهم
كل مابغيت اعرف شي دقيت على حماتي وهريتها اسئله خخخخخخخخخ
الله يعين يارب






مشكوووووووورين حبيباتي

 

[اروى..]

رد : حالتنا كسيفه خخخخخخخخخخخ

ههههههههه واي شوقتيني ابي بنتي تكبر بسرعه عشان اشوفها بلبس الروضه فديتها والله

حالتكم اتوقع حدها طبيعيه ولو انا منج اتوقع بسوي نفس الشي ويمكن اخيط لها مريول الروضه عند مصمم ههههه < اشدعوا بنت شيخ:dddds:

 

[مراسي الشوق]

لوووووووووول انا مو متزوجه اساسا ..بس اتوقع وفيه احتمال انها بتبجي باول يوم بس لا تضعفين جدامهاا بالعكس لان اذا شافتج متساهله بتزيد دلع ترى اليهال اذكياء ماشاءالله بهالسوالف وعقباااال ما اتشوفينها خريجة بالجامعه يارب

 

[ضي]

واااااااااااي ما الووووووووومج

انا لمن دخلته الحضانه وانا ابجي ما الووووومج

وشعوركم طبييييييييييييييييعييييييييييييييييييييييي

 

[املى كبير]

هههههههههههههههههههههههههههههههههههههههههههه


فديتها ليونه مبررررروك مدرستهااا

اما حالتكم عاااااااادى نفس حالتى انا وزوجى فى بيتى


موااول سنه روضه والله انى دخلتها الروضه انا وابوها وطلعنا من الصف كل واحد مسك له دريشه ونطل عليهااا


وتصوير وبلاوى هههههههههههههههههههههه

 

[@ دهن العود @]

الله يخليهاااااااا لكم

 

[*peace*]

هههههههههههههههههههههههه

لاحالتج طبيعيه

احنا جذي اذا اكو مناسبه او عيد والله اطلع كل يوم تقريبا عشان اشتريلها

حياتي اهيا

 

[ضايعة بدنيتي]

رد : حالتنا كسيفه خخخخخخخخخخخ



هههههههههههههههههه

حبيبتي عااااااااااااادي جدا الي مسويينه .

انا صديقتي بنتها توها بتدخل الروضة وكانت كل يوم تتصل علي وشوي وتبكي تقول مادري كيف بخليها بروحها في الروضة وبمشي عنها احس اني بموت . وساعة تتكلم عن المريول وساعة عن شنطاتها وساعة عن مادري شنو .

يعني عادي الي تمرون فيه . حبيبتي نصيحة مع انها فضاوة شوي .. كتبي لك مذكرات فيها اهم ايام حياتكم مع بنتكم وكتبي تفاصيل هذا اليوم الي هو بتروح فيه المدرسة وكل التفاصيل الي سويتوها ومريتو فيها ولا تنسين تصورينها ومن كل الجهات وبكل الحالات وحتى فطورها صوريه خخخخخخخخ .

ربي يخليها لكم ويبلغكم فيها ويسعدكم يارب

 

[ام زاكي]

ذكرتيني بولدي كنا نفسكم ماوديناه روضه ولا شي بس يوم جينا بندخله المدرسه
حسنا حوسه فيه
والحمد لله ماصياح وستانس من دخلته المدرسه وجاني مبسوط بالطلاب والاساتذه
عادي حبيبتي شعورج

 

[كلى امل]

هههه ذكرتيني فيما مضى اول اسبوع من الروضه يوصل الروضه ويرد معايا ماقدر اقاوم اصراخه واخذته خالتي يعني احسن مني الا ترد فيه خخخ والحل الاخير مامشى الا مع عمته ماعطته ويه دخلته الصف وسكرت الباب وراحت
اما المدرسه معاناتي اول يوم قعدت معاه لي عشر وطلع وياي واليوم الثاني المصيبه دخلته وزخته الابله واهو يبجي وطلعتني وقعدت بالسياره بمصافط المدرسه بجي تقول احد ميت عندي بعدين كل يوم لما اوديه يكسر قلبي مع انه مستانس شكوو ابجي ليما صار الوضع طبيعي ​

 

[احب الكاكاو]

لا ابشرج انتي الي راح تبجين
وهي تشوووفج تيجي صار معاي بثلاث اسم الله عليهم
لاني واايد معاهم ما اهدهم وحتى لما اروح الدوام اسهرهم لي 3 الفجر علشان طول ما انا بالدوام هم نايمين

وبالتاااالي اطلعت من عيني

شوفي لا تبجين جدامها ومن الحين قوليلها قصص عن اللبنات اليدرسون يصيرون اميرات والي ما يدرسون يصيرون زبالات ويخمون الشارع وما عندهم فلوس يشترون اكل
وخلي البطلة الشاطرة اسمها والكسلانه مثلا صديقتها لانها بالعمر هذا تغار من اي بنت بالعايلة من عمرهاااا

واشتري هدايا بو مادري جم ريال ( بوميه فلس ) دفاتر استكرز خل توزعها على صديقاتعا بالصف علشان لا تخاف وتكش منهم
واول يوم دشي معاها واخذي جولة بالمدرسة علميها وين الحمام واذا في فراشة عطيها المقوم وقوليها خلي بالج على بنتي بالفرصة لا اخاااف يعصرونها بالزحمة وفري اي شي لها تحبه بشنطتهاااااا


ايييييييه والاهم دشي عالناظرة والاخصائية ومن اول يوم قابلي ابلاتها وشرحي وضعها انها مو مجربة المدرسة علشان لا تزفهااااااااااااااا



وبس اذا ذكرت شي راح اقولج هذه تقريبا خلاااصة تجاربي مع اليهاااال

الله يعينج بس لا تبجين ولا تسولفين جدامها حق ابوها انج خااايفة صيري قوية وادري اني هشة من داخل عليها بس تحملي وترا كلها اسبوع او اسبوعين البجي والحنة

وشنوووووو

ايييييييييييييييه


شنطة الاكل حطي كل الي تحبه وعلميها شنو جرس الفسحة ( الفرصة) انها تاكل الصمونه والعصر وتالي الكاكاو
والماي لا تنسين في مطارتها وتكون كبيرة

لا تخلينها تدخل المقصف ( يمكن تسمونه كافيريا الي يشترون منها البنات الاكل

 

[Hello_kitty]

حبيبتي عادي خاصه انها مارحت روضه ولا حضانه شي يديد عليكم بس والله حرام راحت من عمرها 6 سنين تقريبا ما استفادت شي

انه اعيالي صغار يس من الحين اتخيلهم اذا بيروحون الحضانه تخيلتهم ابجي اذا شقت جناط مدرسه تدمع عيني

اذا اشفت بنتي تلعب وتضحك المها حيل واتخيلها بالمدرسه الأبله تهاوشها او احد يكسر بخاطرها اقولها وانه المها ماما انه امووووووت اموت

اذا احد ضايقج بربع كلمه تكفين الدنيا تهون ولا اشوف دمعتج<<<<<واي الحين ببجي

وكل مره اقعد اقول اسمها بصوت عالي وايبب يعني جنهم ينادونهم بحفله التخرج<<<<<الله يبلغنا يارب ويفرحنا

واقول حق اهلي ان شاء الله بدخلتهم الروضه بييلهم القصار يزفهم لي الصف هههههههههههههه

حبيبتي هذي فرحه استمتعي فيها وعيشي لحظاتها وعقبال يوم عرسها

 

[روح مغليهآ]

رد : حالتنا كسيفه خخخخخخخخخخخ

لووووووول

احلا شي ردة فعل امج ههههه
الله يخليها لكم ويبلغكم فيها متخرجه وتجهزون لعرسها

 

[noo7a]

لوووووووووووووول
الله يخليها لكم و تجزهونها و اهي عروس
دايما فرحه اول طفل تكون غير بكل شي