حالتي النفسيه تعبانه بسبب اسم بنتي

[الباسمه]

حلو مو حلو هذي مسأله ذوق
اهم شي انه معروف ومعناه حلوو
وبالنسبه للي يسألون تراهم يستعبطون من تصوري
خليها ريناد ويوم بكرا بتشكرج على الاسم لان وقتهم غير وقتنا الحين

 

[لؤلؤية]

رد : حالتي النفسيه تعبانه بسبب اسم بنتي

ريناد حلو
وانا اسماء بناتي اغرب
ومرت علي حالتج
لدرجة انه مريت على دكتور وسألني اذا كان زوجي شاعر...عشان اسم بنتي
بس ما غيرت اسم ولا وحدة
ثنتين من بناتي...ماكو بالمدرسة مثل اساميهم ابد
والحين كبروا واساميهم عاجبتهم

عموما انتي استخيري وشاوري ريلج..والله يقدم لج اللي فيه الخير

 

[شيخة الحلوة]

من صجج؟

لا تغيرينه
اينن الاسم مافيه شي
صح شهد حلو حيل مو شوية
بس ريناد هم حلو مافيه شي

والناس مافي شي عاجبهم ترى واذا غيرتي اسمها بيعايرونج طول العمر انج غيرتي اسمها لان ماراح يعجبهم شي

خليه بنتج رنووده اتينن لا تغيرينه

 

[ام اغلى الناس]

بالعكس الاسم حلو
الله يخليها لج

 

[Tender Heart]

رد : حالتي النفسيه تعبانه بسبب اسم بنتي

من صجج بالعكس اسم ريناد حلوو وايد وهم اسم شهد يهبل

 

[درر في مكانها]

حلو اسم ريناد لا تغيرينه

 

[كيان انثى 4]

رد : حالتي النفسيه تعبانه بسبب اسم بنتي

يسلمواخواتي الغاليات على اهتمامكم واناان شاء الله ناويه اغيره
وبقاء اخذ ريكم بالايم الثاني0

 

[روان_الكويت]

رناد حلو بالعكس واشكثر مسمينه
بنت حماتي مسميه بنتها رناد وانا بغينه قبل بس ما يتني بنت ورا بنتي الاولى

 

[كيان انثى 4]

رد : حالتي النفسيه تعبانه بسبب اسم بنتي

يسلمواخواتي الغاليات على اهتمامكم واناان شاء الله ناويه اغيره
وبقاء اخذ ريكم بالايم الثاني0

 

[love love]

تبين راينا بشهد؟ حلو

تبين اسامي ثانيه

دام عندج فاطمة وساره هم حلو الثالثه مريم او ريم علشان لا تغيرين بحرفها

 

[نكهةالبرتقال]

أنا أقول لا تغيرينه ، اللي عاجبه يعجبه و اللي موعاجبه بالطقاق


باجر يعايرون الياهل يقولون كان اسمك جذ ى و غيروه

 

[& دلوعه زوجها &]

تبين الصدق ريناد احلا من فاطمه وسارة

واسم عااااادي يعني مو صعب

والقرار يرجعلك

الله يخليهم لك

 

[MyLittleBerry]

رد : حالتي النفسيه تعبانه بسبب اسم بنتي

من صجج تهتمين بأحد

انا ولدي اسمه البراء ماسلم من تعليقات الناس


بس عاجبني وماراح اغيره لو شنو يصير

واذا كبر انا راح احببه بالاسم واذكره هذا كان اسم منو وسميناك على اسمه

اذا الاسم عاجببج ليش تحطين حساب حق الناس

مالهم شغل فيج هذي بنتج مو بنتهم

 

[دنيتى زوجي M]

بالعكس مافيه شي

مالج شغل بالناس

 

[Creamy Girl]

مادري احس حرام البنيه تعودت على اسمها فجأه يتغير عليها

اخاف تتعب نفسيتها


وانا بنتي اسمها يديد واغرب من اسم بنتج وقبل ما اسميها كانت واصلتني ايملات تحرم هالاسم بسبب ان في لغة من اللغات معناه مو حلو ولما تأكدت من هاللغه وعرفت ان ماعندهم شي بهالاسم سميته ومن سميته زادت الناس اللي تدزلي نفس الايميل بس لان مقتنعين فييه مافكرنا نغيره

بس صراحة تميت يومين افكرر شنو اسميها اسامي البنات تحير مو نفس الصبيان

والله يخليها لج اهي واخواتها

 

[Creamy Girl]

توني اشوف ردودج شكلج خلاص ناويه تغيرينه وقاعد تشاورين بالبديل

انا عند رايي صعبه اليهال يتغير عليه اسمه اللي اول مانولد ينادونه فيه

بس على اسم شهد حلو وخفيف

واذا تبين شي من طقة فاطمه وساره عندج مريم ودلال وشيخه

 

[كيان انثى 4]

رد : حالتي النفسيه تعبانه بسبب اسم بنتي

يسلمواخواتي الغاليات على اهتمامكم

 

[المميزه84]

رد : حالتي النفسيه تعبانه بسبب اسم بنتي

حبيبتي لاتغيرين الاسم عشان الناس
لو عشان الله جان قلت لج اكيد
انا كنت بسمي بنتي ملاك بس قالوا حرام وسالنا شيوخ دين قالوا حرام عاد قلت عان ربي بغيره وصج كنت حيل متضايقه بس قلت عشان ربي
وسميتها دانه والله الحمدلله الكل يمدح اسمها وفعلا ان من ترك شيئا لله عوضه الله به
لكن اسم بنتج مو حراام ولا شي لاتغيرينه عشان الناس بالطقاق مردهم بيحفظونه وان ماحفظوه كيفهم مشكلتهم
ولايهمج حيااااااااااتي ولاتحاتين اسمها يهببببل

 

[خاتم ذهب]

شحلاااااته

 

[حرمه المصون]

معنى اسم ريناد:
جمع رند ، والرند هو البخور وهو شجر يكثر في الشام ذو زهور بيضاء ورائحة زكية
وقيل موطن الغزلان
الاسم حلووو وصاحبة الاسم تحلية والله في ناس اساميهم مب حلووه وغربيه بس خلاص راح الاسم عليهم ويحلوون الاسم بعد وانا يهمني المعنى.