حالي حال رفيجتي شوف زوجها شنو مسوي لها سوى لي غصب عنك

[وردة-الكويت]

شرفتوني بردودكم

حياكم الله

 

[كويتية بروما]

موضوع رووووووووعه
تسلمين
واللي تقارن عمرها ماتعمر بيت ولا يدوم لها ريل
وان احب اطبق كلمه ابوي الله يطول بعمره
(ان عافاك اغناك) الصحه العافيه اهي الغنى بالهدنيا

 

[وردة-الكويت]

صح لسانج اختي كويتيه بروما

 

[جوانا2010]

صادقه حبيبتي

 

[جولينار]

اصلا استحي اقوله شوف زوجة فلان وعلان عندها وانا لاااا

معليش بس احسه اسلوب صغار


الحمد لله عن نفسي اكره المقارنات


بس مجتمعنا للأسف عايش على هالشي

تربى عليه


والاطفال صغار يقولون لهم شوفو ولد الجيران شاطر ويسمع كلام امه خليكم مثلة

كبر شوي هالطفل قالو له ولد عمك جاب النتيجة الفلانية ودخل الكلية اللي يبيها خلك مثلة

توظف هالولد قالو له خلك مثل ولد فلان اصغر منك ورصيدة كيت وكيت


وبالتالي انتقلت للأزواج الزوج يقول شوفيه فلانه والزوجه تقول شوف فلان وش سوا لحرمته


ثقافة مجتمع لازم تتغير




عمتي الكبيرة الله يطول عمرها زوجها متوفي من زمان

ومرره تسولف لنا عنه تقول : اول ماتزوجته كنت اذا شفت شي على زوجة حماي

اقول لزوجي شوف اخووووك سوى وسوى وجاب لزوجته


تقولنا : قالي كلمة وحدة ( روحي تزوجية )


عمتي تقول وتووووووووووووووووووبه معاد اقارن

 

[دآنة آلرشآيده]

معآج حق
اللي بتقارن حياتها بغيرها بتتعب
لان كل واحد بهالدنيا بياخذ نصيبهـ​

 

[انتظر حبه]

انا معاج بكل كلمه بان المراه لازم تكون قنوعا وماتسوي مقارنات مع غيرها من الحريم لا ن ظروفها غير عن ظروف الحريم وكلن ياخذ نصيبه بهالدنيا*

 

[متى افرح]

هو لويعطيني حقي الشرعي من المصرف اكون له شاكرة

 

[kuwaitya_zoGaa]

صاجه كلامج 100% صح
انا دايما اقول من راقب الناس مات هما
بس انا بمسك الموضوع من ناحيه ثانيه يكون الله مرهي عليها وتطالع الفقيره المحتاجه ليش ؟؟
وتبين الصج فى بنات مو كفو يعني الريال عندة سوالف الكماليات مو ملزوم فيها ومو مهمه تلاقين الوحده كل شهر تبي جنه بال 400 وفوق هذا قسط مو جنطه وليش كل شهر ؟؟ حرام فبنظر الريال انه البيت اولى واذا ماعطاهم قالو بخيل وتلاقين معاشها خاشته اشدعوه ...
وبنفس الوقت فى رياييل مايستحون الله مرهي عليهم وومضيج على مرته واذا شافوه الناس يمدحون فيه وبكرمه
ماقول الا الله يعين

 

[الجيكرة ام عيون]

كلامج صح وفعلا بعض الحريم يقولون ريلي يوديني ويسفرني ويطلعني مطاعم وسينما وهي تجذب تلقين يرجفها رجف .

 

[ضماي هو وهناي]

هالاسلوب مو بس يخلي الريال يكره رفيجتج وريلها يمكن بعد يكرهج لانج بتحسسينه بالتقصير دايم
حذاري من هالاسلوب وخلي نفسج مكانه لو قعد يقارن بين اسلوبج معاه واسلوب مرت رفيجه ...........
بتكرهين ام يابت هالمره وريلها وبعد بتقومين تحسين ان ريلج ما يحبج او يحبج عشان شي وانه لو يشلع عيونه همين مقصر ..
رايي وراي ريلي من زماااااااااااااان وهو دايم ينبهني اني ما اتكلم ولا اقارن او اعرض حياتنا مع بعض لاي مقارنه حتى لو كانت قشره عشرته لان الرفيجه بتزيد ما بتنقص الشر..
يعني مثلا لو قلنا اني باشكيلها ان ريلي مقصر معاي بالروحات والييات ولا يوديني الا بطلوع الروح الثانيه يمكن بتقول امبيه لا فلان مو جذي بسم الله عليه اصلا ما يحب اطلع بروحي او مااروح لمكان الا ولازم يدق او ادق له ... وعلى قولت ريلي يمكن هي صاجه بس يمكن بالامر غير يمكن يشك فيها او يمكن ويمكن والاكثر راكزه ببالي لا تتكلمين مع حريم اخواني عن اي شي يخص حياتنا لا من بعيد ولا من قريب ولا من خرم الابره .........
وفعلا انا ماشيه على هالاسلوب ومريحه بالي لو بيقصر اكيد ببعض امور لكن شاسوي ؟! عشان حياتي هذي وعشرتنا تدوم نطوف ونتنازل وهالشي علمني القناعه بكل شي .....
مايهمني الا رضا ربي ورضاه ورضى الوالدين من اجل الحياة بالدنيا وبالاخره اللي هي اهم وبس ............
موفقه وياربي اتمنى لج وللكل السعاده ....

 

[نجاة80]

يسلم فمج

يعطيج العافيه الصراحه درر وجان زين البنات يفهمووون

تدرين المشكله انهم ما يشوفون النعم اللي الله عطاهم ياه لا ... يشوفون وين الناقص يبونه

الله يديم علينا نعمته ... امين

 

[وردة-الكويت]

حياكم الله يابنات

 

[honey lust]

هاذي مشكله اغلب الحريم الغيره و الحسد

و تشوف فلانه و علانه بدون ما تقدر ان ظروف كل شخص غير

الله الهااادي ان شاء الله

 

[عاشقة هواك]

خووووووووش موضوع