- إنضم
- 18 أغسطس 2010
- المشاركات
- 612
- مستوى التفاعل
- 0
- النقاط
- 0
- الإقامة
- الكويت
- الموقع الالكتروني
- www.mediafire.com
بسم الله الرحمن الرحيم
حال الناس بالديرة من جم سنة مو طبيعي، الاهتمام الزايد بالمظاهر و التفكير السطحي و الابتعاد عن الدين بشكل غريب، الناس مفتونة بالدنيا و قليل اللي يفكر بالآخرة للأسف، يعور قلبي منظر بنت متحجبة حاطة مكياج عرس بالسوق و لبسها مو ساترها و عيونها طايرة تطالع هذا و هذا، و شباب بس يفترون بالمجمعات مستانسين بالسيارة الكشخة و التلفون الغالي و التي شيرت الماركة و الهدف وحده يقدر يقص عليها و اذا مو في باله هالشي ما عنده هدف بس يبي يضيع وقت بالفرارة بالمجمعات!
الأمهات تنازلوا عن دورهم للخادمة اللي الياهل ينادينا يما بدال امه، همها مواجيبها و كشختها و يمكن مقصرة مع زوجها، الأزواج اللي شيلوا حريمهم مسئوليات مو لهم او حط له سايق يبي يفتك، سبحان الله ناس الله معطيها الذرية و مو مهتمة و ناس تدور العلاج و تصبر سنين و تدعي رب العالمين يرزقها لو طفل واحد بالدنيا.
بنات العم و بنات الخال صاروا غرب عن بعض، يتشاوفون بس بالمناسبات، ليش الأخوان او الخوات ما يجتمعون؟ ما يبون بيوتهم و أثاثهم يتوصخون من اليهال! حتى بعض يدات هذا تفكيرهم تقول لعيالها انا ازوركم تخاف على أثاثها!!! شفايدة بيت كبير مؤثث أحلى أثاث بس فاضي ما فيه حس جنه قبر مو بيت سكن و ونس لأهله، كبرت البيوت بمساحتها بس ضاجت على أهلها، أفرح لا زارتني أختي مع عيالها و نامت عندنا، أفرح لا زارنا عمي و قال بنام عندكم جم يوم لأن زوجته بتسافر و ما يبي يسافر، جمعت أهلي عندي بأول يوم العيد و لوما أدري بتكون ثقيلة عليهم جان سويتها مرتين بالشهر!
وين أيام أول لما كان العرس بالحوش حريم و يهال و ما تروح الصالون الا العروس و المعازيم في بيوتهم يكشخون؟ وين لما كنا نتغدى بالزوارة على الأرض و كل واحد ينجب من الغنجة اللي جدامه؟ وين لما كنا نروح البحر بيوم الزوارة نتعشى هناك و العشى صمون محشى بالبيت و سحارة بيبسي؟ ما انكر الذرابة بس المبالغة بكل شي، استقبال بالمستشفى للوالدة، استقبال للي ردت من السفر، استقبال للي ردت من الحج، استقبال للي و اللي و اللي.. ماكو نفس أول فلانة ولدت يا يروحون لها بالمستشفى أو في بيتها و يطبخون لها أكل نفاس، وين بيت الحمولة اللي كل يوم جنة تطبخ و كل وحدة تسوي اللي عليها و ما تقول شمعنى فلانة...
الجيران يعرفون بعض و شايلين بعض، الحين محد يعرف الثاني، أسر مفككة و العيال اللي جاحدين والديهم استغفر الله، عايشين بين الناس بس بغربة محد يدري عن الثاني و ديننا دين ترابط و تلاحم بس مادري شنو صار..
أنا أبالغ بكلامي؟ يتهيأ لي؟ تشوفون اللي أشوفه؟ أدري سودت الدنيا بس مو قصدي و هالشي موجود، الأولين لا طاح واحد الكل يركض له يقومه و الحين اللهم يا كافي يقولون مو شغلي او ما نعرفهم!
أبي رايكم و أفكاركم بكلامي..
الأمهات تنازلوا عن دورهم للخادمة اللي الياهل ينادينا يما بدال امه، همها مواجيبها و كشختها و يمكن مقصرة مع زوجها، الأزواج اللي شيلوا حريمهم مسئوليات مو لهم او حط له سايق يبي يفتك، سبحان الله ناس الله معطيها الذرية و مو مهتمة و ناس تدور العلاج و تصبر سنين و تدعي رب العالمين يرزقها لو طفل واحد بالدنيا.
بنات العم و بنات الخال صاروا غرب عن بعض، يتشاوفون بس بالمناسبات، ليش الأخوان او الخوات ما يجتمعون؟ ما يبون بيوتهم و أثاثهم يتوصخون من اليهال! حتى بعض يدات هذا تفكيرهم تقول لعيالها انا ازوركم تخاف على أثاثها!!! شفايدة بيت كبير مؤثث أحلى أثاث بس فاضي ما فيه حس جنه قبر مو بيت سكن و ونس لأهله، كبرت البيوت بمساحتها بس ضاجت على أهلها، أفرح لا زارتني أختي مع عيالها و نامت عندنا، أفرح لا زارنا عمي و قال بنام عندكم جم يوم لأن زوجته بتسافر و ما يبي يسافر، جمعت أهلي عندي بأول يوم العيد و لوما أدري بتكون ثقيلة عليهم جان سويتها مرتين بالشهر!
وين أيام أول لما كان العرس بالحوش حريم و يهال و ما تروح الصالون الا العروس و المعازيم في بيوتهم يكشخون؟ وين لما كنا نتغدى بالزوارة على الأرض و كل واحد ينجب من الغنجة اللي جدامه؟ وين لما كنا نروح البحر بيوم الزوارة نتعشى هناك و العشى صمون محشى بالبيت و سحارة بيبسي؟ ما انكر الذرابة بس المبالغة بكل شي، استقبال بالمستشفى للوالدة، استقبال للي ردت من السفر، استقبال للي ردت من الحج، استقبال للي و اللي و اللي.. ماكو نفس أول فلانة ولدت يا يروحون لها بالمستشفى أو في بيتها و يطبخون لها أكل نفاس، وين بيت الحمولة اللي كل يوم جنة تطبخ و كل وحدة تسوي اللي عليها و ما تقول شمعنى فلانة...
الجيران يعرفون بعض و شايلين بعض، الحين محد يعرف الثاني، أسر مفككة و العيال اللي جاحدين والديهم استغفر الله، عايشين بين الناس بس بغربة محد يدري عن الثاني و ديننا دين ترابط و تلاحم بس مادري شنو صار..
أنا أبالغ بكلامي؟ يتهيأ لي؟ تشوفون اللي أشوفه؟ أدري سودت الدنيا بس مو قصدي و هالشي موجود، الأولين لا طاح واحد الكل يركض له يقومه و الحين اللهم يا كافي يقولون مو شغلي او ما نعرفهم!
أبي رايكم و أفكاركم بكلامي..
