حامل بنت او ولد بدون سونار!!!!

[قلبي ابيض]

في البنت تحبين الطلعات وتكرهين البيت والولد عكس <<<< كنت اضحك لما اسمع جذي بس اللي شفته صح

 

[عزف المشاعر]

؟؟؟؟
الله اعلم

 

[جروح تبتسم]

انا عكسكم حملي في بنتي خفييييييييييييف ماشاءالله

عكس الاولاد واااااااااو لوعه وترجيع وحمممم فظيع الحمدلله على كل حال


وفي ولدي الاخير عرفت انه ولد من هالسالفه

 

[sunshine22]

البطن بالبنت لي جبدج مرتفع ولي قعدتي برززززز
الولد البطن ناااااااااااازل

وفعلا هذا اللي اشوفه وعشته

 

[سيلينا]

بالنسبه للحركه صح بولدي كانت اول حركه له من اليمين الي اليسار

بس كنت امووت ع الككاو ما احب الموالح

 

[! بنت العاشره !]

يسلمـــــــــــــــــــــــــــو خواتـــــــــــــــــــــــــــــــي

على تجاوبكم مع الموضوع

وفعلا في اشياء صح ميه ميه قلتوها


اما من ناحيه الوحام ترى يفرق من وحده لي وحده



ومشكووريــــــــــــــــن مره ثانيه

بس مافي وحده حامل وعارفه شنو فيها نبيها طبق الكلام


ونشوف شنو من اللي قلناه صح

 

[جوك احلى جو]

ومنكم نستفيد

 

[دلوعةq8]

انا اعرف من احساسي وحملت حملتين وضبط بس هالمره مادري يضبط ولا لأ
باقي شهر ونص تقريبا واعرف

بس اذا عن الوحام انا بولدي بغييييييييييت امووووووووووووووت
وبنتي لا عادي الوحام العادي الترجيع العادي يعني تعب وترجيع وضيقه خلق عاديه مو اوووووووووووفر نفس لدي
وانا ما احكم على الوحام لان كل وحده تختلف عن وحده
بس يمكن بالمالح والاحماض يصير لان بولدي كنت جذي واللي شفتهم ياكلون الملح والاحماض بنساتهم جابو صبيان

هذا والله اعلم


>>>>>>>>>>>> شقايله هذا والله اعلم خخخخ

 

[أم حمودي**MALL**]

شوفي حبيبتي انا اعرف من اول حركة للبيبي
اذا كانت مثل طقه او رفسه او جنه فقاعه انبطت يعني بنت
واذا كانت مثل رجفه-نفضه-موجه يعني ولد

 

[Mar Mar]

والله مادري بس أنا خالتي كانت تقول من الفرارة مالت الراس يعني الي بجرها فرارتين يعني بتييب ولد و الي فرارة وحدة يعني بنت انا بنتي فيها فرارتين يبت ولد و ولدي فرارة وحدة و انا حامل اب بنت

 

[*دانة الخليج*]

تصدقون انا العكس اذا سمريت اعرف اني حامل بنت اذا حلويت يطلع ولد

سبحان الله

 

[زينانه]

انا سمعت ان الولد حركته باليمين والبنت بكل مكان يعني ماتقعد بمكان واحد......واعرف وحده معاي بالدوام تعرف نوع الجنين من شكل البطن.....فعلا كل وحده قالت لها نوع اللي ببطنها طلع صح...مشالله عليها اقولها شلون قالت بالخبره اعرف...وهم يقولون البنت تخلي امها جيكره والولد يزين امه ...اشرايكم

 

[ام وليد hamood]

انا بصراحه كل واحد من عيالي نساته غير بس الولد على اليمين والبنت على اليسار ببدايه الاشهر. بس بعدين لا طبعا بكل الاتجاهات.

 

[بيتي بوب بس كويتيه]

خالت ريلي شافت بطتي وحطت ايدها ومسحت عليها ولا تقولي ولد وصج ولد>لانه بطني مدوره
وحتى الاكل حماتي تقول الي بولد تحب المالح
بس مو شرط كل وحده وجسمها

 

[بنت باباتي]

ما ادري ماعندي خبره

 

[S.Y.M.B.E]

ومنكم نستفيد

 

[اروبه]

انا في بنتي كنت حيل تعبانه اول ثلاث شهور ونساة ولوعه بس بهالحمال التعب كان شهر واحد بس والحين انا في بداية الثالث والحمدالله ما احس بشي واحساسي ولد انشالله يارب لانه هم من الاحلام فسرتها حقي ام وليد انشالله ولد وهم شفت الجيس وشكله هلالي او بيضاوي نفس ماقالو البنات وانشالله يارب ولد باخر الثالث بسوي سونار رباعي عشان اعرف وبقولكم اذا احساسي صج ولا فاشل ادعولي بنات بالولد الصالح المعافي يارب

 

[star_tete]

طيب اللي باول شهور حملها واول مره ...بجر اشلون تعرف ولد والا بنت انا بخلص الثانيه باقي جم يوم وودي اعرف
بس انا اتحلم احلام تفسيرها ولد والله كريم
وعن تجربة حريم اخواني لما كانوا يتوحمون حيييييل مرتي اخوي في بجرها حيل تعبت وكانت بنت والثانيه مرت اخوي نفس الشي تعبت حييل وكانت بنت
ام الثالثه كانت عاديه وحام عادي ماحسيت انها تعبت وجابت ولد
وانا احس نفس الاخيرة وحامي احسه عادي موتعبني ولله الحمد
بس مادري اللي يجي من الله طيب وكريم​

 

[شيخه الكويت]

الله يعلم
انا ما اعرف الا بالسونار

 

[كتكوته22]

ااب اب