حبيبتي لـيش تعشمينه وانتي تدرين انه اللي في بطنج بنت ؟؟
ليش تخلينه يحط براسه الولد غصب اكثر مما اهو بخاطره وتعشمينه مو حرام يعني
تصرفج اكبر غلط قاعدة اتخلينه يتمسك اكثر بالولد!!!! والمفروض العكس انج تهيئينه على انه يستقبل خبر انها احتمال بنوته!
والمفروض تشوقينه على البنات
يعني ما ادري شقولج صراحة انقهرت من تصرفج بدال لا تهيئينه ع البنت هيأتيه ع الولد
قولي له شنو قالج السونار يعني سواء الحين والا بعدين لا ولدتي بيعرف
خليه يعرف من الحين احسن من لمه تولدين اذا نوعه يزعل ويتضايق عشان بنت خليه يتضايق من الحين لان بعدين راح يتقبل !! بس تبين تصدمينه بلحظة الولادة مادري مو حلوة كلش
وبعدين خل يحمد ربه استغفرالله آنا جم مرة مع ريلي نقاشات على هالسالفه صج الرياييل ما يحسون بالرزق اللي اييلهم من الله
ولد بنت شنو يعني والله ان ربي رزقني خمس ست عشر بنات ورا بعض الحمدالله نعمه من ربي باجر ينفعوني حتى لا مت يدعولي
و انتي لا تشجعينه على ان لازم يحصل اللي يبي ولازم يصير اللي يبي !! قوليله البنات والاولاد كلهم نعمه من ربي واللي ربي رزقنا فيه لازم نكون قنوعين سبحان الله القناعه كنز لا يفنى الانسان القنوع انسان سعيد بالدنيا
شلون على الناس اللي مو حاصلهم ياهل واحد وسنين يتعالجون شلون لو اهو بمكانهم خل يحمد ربه على رزقه ربي اللي رازقه اياه وانتي لج إيد بإقناعه بهالشي بس اذا خفتي من ردو فعله و جنج مسوية شي غلط لا انتي اسمحيلي قاعدة اتشجعينه على هالشي
