حامل وبسافر

[نونا**]

السلام عليكم

بنات انا بسافر ان شالله الخميس الياي

للمالديف وبقعد يومين فيها وبعدها ماليزيا وان شالله بقعد فيها 15 يوم

المشكله انا حامل ويوم 18-1 ادخل الرابع ان شالله

تهقون في ضرر عالجنين

وثاني استفسار الملابس الصيفيه

احنا عندنا برد واهم حر شنو البس بالكويت ومن وين اشتري الملابس الصيفيه:eh_s(6):

ابي نصايحكم

 

[مشتطة وبس]

نونة الله يسهل عليج وتييبين لنا النونو الصغير بالسلامة.............من ناحية ضرر ولا لأ مادري سالي دكتورج احسن هو يدري بحالتج........انا من ناحيتي اخاف لان حمالي على طريف مثل مايقولون........بس الله يسهل انشالله...........بس مافهمت عليج من ناحية الملابس الصيفية قصدج من وين تشترين من هني ولا هناك؟؟؟؟؟؟؟؟؟؟؟؟

 

[ديرتي الغاليه]

لو مخليتها علي طلعت الاربعين تكون احلى واحلى علشان الحركه والتنقل ............والملابس روحي للافنيوز في تنزيلات علي ملابس الحوامل باكثر الحوامل وصيفي .بس اعتقد ما لج بطن الحين يعني عادي اي شي ء يكون مو ضيج عليح

 

[om MaRyooM]

الله يهداج في وحدة تسافر دولتين بعااد واهيا حامل ..


اصلا رح تتقيدين بحركتج وبتخافين ع البيبي ... اهوا السفر مومضر للحامل بس لازم تسألين دكتورتج قبل لاتسافرين أحسن


لأن اول ثلاث اشهر معروووفة حبيبتي لازم راحة وماتتحركين ولاتتعبين وايد ..


وبالنسبة للهدوم والله مادري ماعندي فكرة ..

وموفقة حبيبتي

 

[rooh23]

انصحك لوجه الله انا كنت حامل بكري وزوجي اهداني سفرة لتايلند (ما اعرف انه خطر اسافر بالاشهر الاولى )مع العلم سالت دكتورة قالتلي عادي وتدرين ركبت الطيارة ونزلتها والتمشي هناك ما رديت الا والجنين اسم الله عيج توقف النبض عنه-والحين زوجي واهله رايحين تايلند علاج وانا حامل الحين ويعورني قلبي ليش ما رح سافر لكن رح اصبر وان شاء الله بس اطلع من الاربعين ما بروح تايلند الا احسن عنها بعد
وانتي ادرى بمصلحتك .

 

[..مفاهيم الغرور..]

الله يعينج

حبوبة انتي يتسافرين يعني تبين تتسحين و السياحه كلها مشي و تعب

خصوصا ماليزيا

سن واي لاجون برووحه يقطع القلب خخخخخخخخخخخخخخخخخخ


انتي شوفي مصلحتج وين

الرحلة تتعوض

بس الجنين نهي ماما ما يصير يرجع مرة تاني خخخخخخخخخخخ

 

[*الزينه*]

انا الصراحه اجلت سفرتي الشهر اللي طاف لان طلعت حامل
لان تعرفين ماليزيا كلها تمشي ورحلات بحريه وجت سكي ولعب ووناسه فقلت حرام اطق درب جم ساعه بالجو واخرتها كله قاعده واللي نفسج فيه ماتسوينه
وانتي بكيفج

روحي لبنان مصر دبي اقرب ؟؟

 

[حـلا و ذوق]

انا بالرابع سافرت ..

بس مامشيت بالسفر وايد كنت اطلع بس بليل اتعشى برا وارجع ..

ترى المشي الوايد والتسوق بهالفترة ماهو زين !!

والله يثبت مابرحمج

 

[toot^o^mishmish]

صرررررراحة والله انا اشوف اذا كل وضعج اوكي ان شاء الله اتوقع مافي ضرر انج تسافرين وترى هناك لوصار شي والا تعبتي ترى دكاترتهم احسن من الي عندنا مليووووووووووووووون مرة ...
انا سافرت لندن 20 يوم وانا حامل بنص الثاني يعني اخطر شي والحمدلله بنتي الحين عمرها 3سنين وماعليها شر بفضل الله...
استشيري دكتورتج وعقبها استخيري وتوكلي على الله...
موفقة ان شاء الله

 

[toot^o^mishmish]

صرررررراحة والله انا اشوف اذا كل وضعج اوكي ان شاء الله اتوقع مافي ضرر انج تسافرين وترى هناك لوصار شي والا تعبتي ترى دكاترتهم احسن من الي عندنا مليووووووووووووووون مرة ...
انا سافرت لندن 20 يوم وانا حامل بنص الثاني يعني اخطر شي والحمدلله بنتي الحين عمرها 3سنين وماعليها شر بفضل الله...
استشيري دكتورتج وعقبها استخيري وتوكلي على الله...
موفقة ان شاء الله

 

[Meeesh]

اب اب نبي تجارب

 

[أم سيف وسلطان]

انا نفسج حيرانه