حامل وبسافر

[تسابيح]

السلام عليكم بنات انا كنت حاجزه لندن باريس على 20 الشهر وطلعت حامل لي اسبوعين تقريبا شرايكم عادي اسافر والا اكنسل خاطري بالسفره حيل شنو نصايحكم بليييييييييز قةلةلي:krkrkr:

 

[وافية*]

اول شي مبروووووووووووك الحمال وعسى اللة يثبتة ويهون عليج
حبيبتي انا رحت المانية وانا حامل بالرابع وكلة مشي وفرارة والحمدللة مافي الا العافية
اذا حمالج دايما طبيعي وماعندج اي مشاكل عادي روحي بس هااااااا حاسبي على نفسج طبعا يعني كل ماتحسين بتعب ريحي شوي وانتو رايحين تتمشون وتستانسون يعني كل شي عالراحة
انا من ناحيتي اشوف عادي السفر وانتي حامل​

 

[تسابيح]

تسلمين الوافيه الله يطمن قلبج يعني ما يأثر الضغط بالطياره

 

[وافية*]

لا مالة شغل بس مايصير تسافرين اذا انتي حامل بالشهر السابع وفوق لانة يخافون ينخفض الضغط او تولدين بالطيارة بس تحت ال7شهور عاااااااادي جدا

 

[remoo_007]

هلا فيج امممممممم انا سافرت وانا بل الثامن بس بل السياره رحت بل السياره صراحه وااايد تعب لان ثقل بس انت توج فا اتوقع سهالات والاحسن تسالين دكتوره

 

[بنت جنيف]

لا تسافرين وانتي يداية الحمل لما يصيرلج 3 شهور سافري السفر ممنوع خطر في بدايه الحمل ونهايته

 

[سينتيا]

اعتقد السفر ممنوع لين تكملين 3 اشهر على الاقل
احسن لج راجعي دكتورتج

 

[كويتيةولي الفخر]

:0bee2e8d89::0bee2e8d89:لاحقة علي السفر نصبحتي اجليه لأني السنه الماضية سافرت وطول السفرة نساة وظيقة خلق ودي اشق هدومي واول ما رديت طاح البيبي اسم الله عليج تحذري وانا حاسه بمشاعرج ودج تسافرين وتغيرين جو بس لاحول ولا قوة بعد الأربعين يصير خير

 

[سما النوير]

شاوري دكتوره احسن

 

[بوشه_بوشه]

انتي رايحه مع ريلج وعيالج



اا اي فكري قبل لا تروحين لان تعب مع يهال



واا بروحكم توكلي على الله وروحي اخف لج احسنلج بعد ما تزلدين ترتبطين بياهل وراح تاجلين سفرج خصوصا ا\ا ما كان عندج احد تخلين عنده الياهل بص طبها شاوري دكتورتج قبل
وموفقه

 

[وافية*]

عشان جذية قاعدة اقول اذا وضع اوكي وحمالج اللي قبلة مافية مشاكل اذا كنتي حامل من قبل استشيري دكتورتج وتطمني على نفسج وتوكلي على اللة بس اذا تحسين في شي لايبة قعدي احسن لج والسفر لاحقة علية

 

[ماريا 2006]

والله حبيبتي انا لما كنت حامل يسموني بن بطوطه بكل الاشهر سافرت والدكتور ماقالي شي بطياره سافرت وبسياره سافرت بس تأكدي من طبيبج احسن يمكن حالتج غير بس نصيحه لا تاكلين الا باماكن زينه الواحد يخاف عالياهل من الاكل الملوث

 

[<Miss ROoSe >]

حبيبتى استشيرى دكتورتج قبل لا تسافرين هى أدرى بحالتج
لأن فيه ناس يسافرون ببداية الحمل وربج يسهل أمورهم وناس سبحان الله تصير لهم مشاكل
وكل شى بيد رب العالمين ربج الحافظ ان شاء الله

 

[شمايخ]

أنصحج تستشيرين دكتورتج انا السنه اللي طافت سافرت وانا بالرابع بس انا استشرت دكتورتي وواهي اسمحتلي فالافضل انج تروحين وتقولين لها والله يوفقج

 

[تسابيح]

تسلمون بنات مشكورين على تفاعلكم وانشالله باسال الدكتوره

 

[moonkides]

حياتي انا اختي سافرت اكتشفت انها حامل اول ما وصلت لانها كانت شاكة بس اسكتت علشان اتسافر بس اطلعت السفرة من جبدها حدها تعبانة وحاولت اتجدم الحجز ما اقدرو الا بعد اسبوعين من السفرة واهي كانت حاجزة شهر واتقول اهي ما تطلع كلة خايفة من ردتها في الطيارة تعب وان شاءالله اليوم اهي توصل بالسلامة انا اقولج السفر وانتي حامل تعب تعب وانا جربتة وما افكر اسافر وانا حمل خلي فلوسج لما تولدين سافري والله يوفق الجميع

 

[Um Al-Joud]

اصلا حتى لو سافرتي ماراح تتمشين على راحتج ولا راح تستانسين كلش

اول 3 شهور مايصير والرابع والخامس والسادس فترة امان تقدرين تروحين بعد استشارة الطبيب والسابع والباجي لاتسافرين

والافضل تسافرين بعد الاربعين وانتي خفيفة احلىىىىى


انا سافرت لماليزيا وانا بنص الرابع بس احس لو ماكنت حامل جان استانست اكثر لان في شكثر اماكن مادشيت لها بسبب حملي

 

[صريحة النسب]

نفس ماقالوا البنات سألي الدكتوره اول

بس بنات بسأل .. منو جربت تسبح واهي حامل ..عادي ؟ خاصة اذا الحمام السباحه خاص ؟؟؟؟؟؟؟؟؟؟؟؟؟؟؟؟؟

 

[Assolah]

اجلي سفرتج شهرين لين تصيرين بالرابع تخف النساة ونفس الوقت تكونين مو ثقيلة واستانسي الحين مع ريلج قبل لا يي الياهل وترتبطين فيه

 

[موني موني]

انه مييييييييييييييييته و اسافر ..

حدي بسافر و الحين انه بنص السابع اكيد ما راح يخلوني صح بنات ؟؟؟