حامل وبكريه

[الجوري70]

السلام عليكم


شلوونكم بنات وكل عام وأنت بخير


أنا حامل بكري ومدحوا مستشفى العدان للولاده البكريه


بأعرف أحد بكر ومجربه


ياليت يفيدني

 

[ورد وردي]

والله اعرف وايد ناس تمدح العدان تصوري ! خالتي ام ريلي تقول شزين ولادتهم وحتى السسترات اهو نصيب على حظج منو يومها هناك،،، حتى معاي بنات بالدوام يسولفون يقولون احسن شي بالعدان امراض النسا والولادة ،، غير عمتي ولدت فيه وتمدحة بس هذيل كلهم طبعا ماكانوا بالبكر ،،،، الولادة من الله انا اؤمن بهالشي وسهاله الولادة مالها علاقة بالدكتور لان الولادة ايام قبل حريم يقومون فيها ومو دارسين طب ولا شي ،،،،، لكن الفرق الي الناس اتكلم عنة هو من ناحية الاهتمام لان الخاص بفلوسج يعني ان صار عدم اهتمام تقدرين تحاسبينهم .............. بس اذا تبين السسترات بالحكومة يهتمون فيج بعد رب العالمين طبعا هو الي يسخرهم لج (عطيهم بقشيش)
احس اني قرقت سامحيني وقولي اللهم سخر لي من في السماوات والارض

 

[كويتيه مصرقعه]

صحح معرووف وخصووصاا بالسنوات الاخيرره
ان مستشفى العدااان يهتموون بالولاده البكريه

 

[عشق]

مستحيييل العدان لا يحووووشك
رفيجتي شافت وحده الدم بين اريولها ومو راضيين يولدونها واهي تصارخ بالممر ومو عارفه شنو تسوي ومحد معبرها
ووحده معاي بالدوام اختها اولدت بالعدان بس معورين ايد الياهل وشهرين علاج طبيعي غير هذا مخلينها بالممر تمشي علشان تولد

 

[golden tears]

اصلا يسمون العدان الاعدام منو اللي يمدحها ؟؟؟؟؟؟؟؟؟؟؟

 

[الجوري70]

ورد وردي مشكوره على ردج الحلو واللي يطمن وفعلا التساهيل على رب العالمين

 

[الجوري70]

كويتيه مصرقعه تسلمين صرقووعه وهذا اللي سمعته

 

[الجوري70]

عشق هلا وغلا ومشكوره وفعلا هذا اللي أنا خايفة منه الاهمال

 

[الجوري70]

motamashkesa هلا وغلا ومشكوره على مشاركتج وأنا سمعت أنه مجزره بس يقوولون البكريه يهتمون فيها أكثر

 

[paris]

والله بالايام الاخيره وايد يمدحونه
والولاده مثل ماقالوا البنات تساهيل من رب العالمين

وانا اعرف بنات والدين بالمستشفيات الخاصه ومسوين فيهم البلاوي

اهم شي عليج بالادعيه وتوكلي على الله واهم شي استخيري على المستشف اللي ودج تولدين فيها

 

[جكورة]

السهالات من رب العالمين سواء بخاص أو حكومي ..

بس تجربه شخصية مو مجربتها .. مرت حماي تمدحهم ..وأنا مجربة الصباح حيل يهتمون فيج بالولادة بس عقب الولاده الله لايوريج