حامل ودراسة صعبة وريل فوقهم ؟!!

[واثقه بالله]

قوووه بنات

بس بسالكم منو فيكم جربت الدراسه خصوصا اذا كانت علميه صعبه مع الحمااال ومجابل الريل

هل من الممكن توفقين بين الاثنين خصوصا اذا تبين تكونين متفوقه وشاطره ؟؟؟ مو بس نجاح وعليكم السلام لا دراسة تفوق


هل مقدووور عليها ولا تعب وصعبه ظروفي تلزمني احمل مع الدراسه ؟؟ ولا أجال الحمل ؟؟ :080402ask_prv:


خبراتكم يابنات بليييز فيدونا ومشكورين :eh_s(7):​

 

[حبـ admant ـك]

انا احس تعب
احسن شي اجلي الحمال لين ماتخلصين
وجابلي دراستج وريلج احسن

 

[زهرائي ~]

رد : حامل ودراسة صعبة وريل فوقهم ؟!!

والله انا اعرف مرت اخوي وبنت اختي ..

هم كانووا حمل وهم آخر سنة لهم ..

تعبوا وايد وانجحوا لكن بالدز 69% - 73%

راح تقدرين تنجحين بس بتفوق ماظن .. !

موفقه حبيبتي ..

 

[DooLy88]

الله يعينج

 

[واثقه بالله]

لا ليش جذي ماتشجعوني يعني الي تحمل ماتقدر تتفوق صعبه

الله يعيين ان شاءالله

 

[NauGhty nuRse]

اكيد تفوق مع دراسه والحمل شي صععععععععععب
انا مجربه وانا الحين بالكليه وحامل
والله ماني قادره احك راسي فوق هذا عندي بنوته الله يخليهااااااااا لي
انا اقول اذا في مجال اجلي الحمااااااااااااااال او شدي حيلج والتوفيق من رب العالمين

 

[احب المنتدى]

رد : حامل ودراسة صعبة وريل فوقهم ؟!!

تقدرين بس مع تنظيم الوقت

موفقه ان شاء الله

 

[غنوة ستايل]

انا الكورس اللي طاف حامل و نزيف ودراسه بالجامعه وتعب وريل وشغل . فوقفت شغلي كلش .
واهتميت بس بالريل والدراسه . صحيح التحصيل العلمي مو ذاك الزود والمعدل نزل . بس شسوي الحمد الله نجحت وخلصت .
والحين بولد على شهر 8 ان شاء الله ومن الولاده على الجامعه . بعد العيد مباشره يعني ياهل صغير ودراسه وزوج وشغل بس الحمد الله على كل حال المهم انج تنظمين وقتج ودراستج ما تتكود عليج

 

[الهندية]

الله ايعينج ان شاء الله البنات ايفيدونج

 

[om MaRyooM]

هلا حبوبة ..


الدراسة + الزواج = عملية صعبة

الدراسة + الزواج + حمال = شبه عمليه مستحيلة

لوول والله انا اشوف ان حتى لو في بنات حمل ويدرسون لابد يكون في تقصير بشي معين يا اما البيت او الاهتمام بنفسج او بالدراسة


بالنسبة لي جربت الدراسة كنت اخر سنة بالجامعة .. وشرط على زوجي مابي احمل الا لما اتخرج لأن تخصصي كان صعب حيل . . ومع ذلك مستواي الدراسى شوي نزل لأن كنت اهتم بالبيت وتنظيف وبزوجي وبنفسي ودراستي .. فكانت مهمة صعبة وايد

فشلون اذا مع الحمال !!!!!!! اكييد أجلي الفكرة لأن لاحقة عالحمال انشالله


حلاته الوحدة تحمل واهي متفرغة حق روحها عشان تعيشين اللحظة

وانشالله السهالات من الله

 

[ريتااجي]

رد : حامل ودراسة صعبة وريل فوقهم ؟!!

أنا كنت آخر سنة لي وكنت حامل

ونزل معدلي مع إني كنت طول الاسبوع بعيدة عن ريلي

وكنت بس أشوفه خميس وجمعة ومع جذي معدلي نزل

فالافضل تاجلي الحمل

 

[ملكه افكاري]

عن نفسي شخصيا
الدراسخ والزواج تعب

 

[om Firas]

الله يعينج ان شالله

 

[Daleela]

انا اذكر كنت شارطه اخلص دراسه بعدين احمل يعني والله صعب الحمل والدراسه وزوج
اول شي ما عجبه بس بعدين قدر ظروفي
وانصحج ياه ان الحمل تخلينه ليه بعدين او توقفين قيدج وتحملين وبعدين تكملين دراسه ولو ان مستحيل التفوق

 

[ورده الكويت1]

تقدرين بس مع تنظيم الوقت

موفقه ان شاء الله

 

[حبيبه ماجد]

والله حبيبتى انا كنت ادرس وحامل وكنت في شهوري الاولى بلحمال وادرس بس الحمد الله جبت معدل عالى الحمد الله ممتاز والله
اعزمىوتوكلى على الله بس بصراحه زوجى كان مساعدنى كان يجيب الاكل من برا عشان مااطبخ ومن ناحيه البيت والتنظيف عندى خادمه بس والله جبت معدل عالى

 

[*-*Lo0o0Raaa*-*]

انا من ايام دراستي

وكنت اشووف بنات يدرسون وحمل وزوج وبيت

لويه لويه لويه

فكنت اقوول ماني متزوجه الا بعد خلص دراستي

بس اهيا على حسب الوحده

يعني في ناس كملوا عادي وتوفقوا
وفي ناس طلعوا وماكملوا دراستهم

او بطلعة الروح تتخرج او تتأخر في الدراسه

يعني اهيا توفيق وتوقف على الوحده وشخصيتها واذا ريلها والظروف تساعدها او لا

بس انتي شدي حيلج وعطي كل حق حقه والله يوفقج ويسهل عليج يا ربي

 

[حب وحزن]

خالتي عندها ولد عمره سنه ونص والحين توها ولدت ومتفووووووووقه ماشا لله عليها

بالعكس تقول الموضوع سهل مو بذاك الصعوبه

وتقدرين لكن يبيلها تنظيم وقت

الله يوفقج

 

[ديانا سبنسر]

انا ابي اشجعج بنت خالتي عيال وريل لاوساكنة مع حمولتها ونجحت بتفوق وانتي اذا هذا اول حمال لج اظن تقدرين توفقين

 

[أمواج^الكويت]

رد : حامل ودراسة صعبة وريل فوقهم ؟!!

يعتمد حبيبتي على طبيعة كل وحده وظروفها وهل ريلها من النوع اللي يقدر ولا اتكالي ..

إذا إنتي من النوع الطموح وعندج إصرار وإرادة وبنفس الوقت قدرة على تنظيم الوقت وتنسيقه مابين الريل والدراسة والحمال وبعدها تربية الياهل توكلي على الله أما إذا شايفه نفسج ماتقدرين فالأحسن إنج تأجلين موضوع الحمال لآخر سنة في الدراسة أفضل ..خصوصاً إنج تبين التفوق والامتياز ..

ولج حرية الاختيار ..