حامل ودراسة صعبة وريل فوقهم ؟!!

[نور وشموع]

الله يتمم عليج ان شاء الله تتوفقين

 

[omy nour 3any]

حبيبتي الموضوع كله يعتمد على الشخص نفسه وهم على الزوج....
انا اعرف وحده تزوجت عمرها 16 سنه وكملت دراستها وجابت عيال ودشت الجامعه وتفوقت وكرمها الامير وكملت الماستر .....
وبصراحه زجها ما قصر معاها اهو الي شجعها....
وفي بنات ما يقدون يوفقون بين الدراسه والزواج....

 

[نكهةالبرتقال]

حبيبتي ، الله يوفقك وين ما تكونين

نصيحتي

ما دام زوجك راضي عادي أقدمي على الخطوة ،


ترا المسألة مو صعبة بس تحتاج حق تنظيم وقت + همة عالية

و انتي ماشاالله همتك عالية

في بنات قلة قليلة تفوقوا و أبدعوا و اهم حمل و متزوجات و كانوا يدرسون بأصعب الكليات العلمية

ليش ما تكونين منهم !

ترا ماكو شي بعيد

 

[واثقه بالله]

مشكوووووووورين على التشجيع

والي يقولون مستحيل مااظن في شي مستحيل

على الوحده مثل ماقالو بعض البنات الوحده ووو اصرارها وهمتها


يعطيكم الف عافيه ماتقصرون

 

[@عسولهـ@]

رد : حامل ودراسة صعبة وريل فوقهم ؟!!

راح اقولك تجربتي وربي يشهد علي ..
تزوجت من خلصت اول ثانوي..والحمدلله حملت بثالث ههههه وكنت خايفه مووت بس الحمدلله زوجي سااعدني وشديت حيلي
وجبت نسبة 93% وانا علمي وكنت اختبر وانا بشهري الثامن وكان معي الآآآم مو طبيعيه ..وبعد ماولدت اظطريت اترك الدراسه سنه اقابل بنتي لانها صغيره وتتعب من صدرها..وبعدين كملت سنتين بالكليه وحملت بولدي الثاني مع العلم انو الكليه خارج منطقتي تبعد 80 كيلو يعني اطلع من فجر الله وما ارجع الا وجه المغرب ووبيت وزوج وبنت صغيره وحااامل واختبارات والحمدلله جبت ولدي ولساتني اكمل بهالدراسه ...يعني ما اقوول مافيه تعب الا فيه تعب موووت بس يبي صبرررررررر
ووفقني ربي مع العلم ماعندي شغاله وساكنه مع اهل زوجي ..

 

[Miss_Tiger79]

رد : حامل ودراسة صعبة وريل فوقهم ؟!!

لا تقدرين اذا عرفتي شلون تنظمين وقتج
والله يوفقج

ترى مافي شي مستحيل او صعب اذا انتي تبينه

 

[سلايل*عبس]

ويييي ذكرتيني بنفسي والله

واي مأساه سوري مابي اضيق خلقج بس بس تذكرت فيني بجيه

انا عن نفسي كنت جيدا جدا والحين انخفاض معدل

سوري يعمري بس انقلج تجربتي

وهم عالوحده يختلف

اانا انهزاميه شوي بامور الدراسه

اذا تبين التفوق نصيحتي نضمي وقتج

وبالنسبه للحمال اا ذا تبين الله يرزقج- بس وقتي نفسج اول 3شهور ممكن بس عقبها وقفي قيدج بحيث توقتين ولادتج بالصيف يعني توقفين الكورس الثاني والصيف تولدين بجذي لازم تحملين شهر 10اخره تولدين شهر 7

خلي علاقل ساعتين باليوم درسي وبتنجحين بس اذا بتصيرين نفسي وتدرسين يوم الامتحان مستحيييييييل


موفقه يارب

 

[miss_lavendar82]

بالاصرار والتحدي والعزيمه

كل شي يصير

بس تحتاجين تنظمين وقتج

واشويه تقدير من الزوج لوضعج

وكل شي سهالات باذن الله

بس بعد هالبيبي اتوقع تاجلين الحمال لي بعد التخرج

وموفقه يالغاليه

 

[ام احلى خلودى]

صعب صعب سألى مجرب

 

[mafio98]

اختي يعتمد على الوحده نفسها اذا اهي تبي هالشي تقدر انا كنت حامل وكنت اداوم بالكليه من ٩ الصبح-٨ بليل ومن اول شهوري وانا انزف ونمت بالمستشفى ماقولج معدلي مانزل نزل بس شوي بسبة الغياب لان كليتي عمليه وحتى لو عندج طبيه مايعترفون فيها !!!!!
وعندج مثال ثاني وحده تصيرلي وتدرس صيدله واحملة باثنين واهي تدرس ومع هذا متوفقه
فراجعي نفسج اذا تقدرين توكلي على الله

 

[انا مو هني]

انا كنت كل ما احمل اوقف قيدي والله تحسفت وايد
وايد بنات حملووو وولدوو وما اثر هالشي على دراستهم وخلصوو وانا ليلحين ادرس

 

[نـــــ أم ـــــور]

سأليني انا

انا درست عاشر والحادي عشر والثاني عشر كلها وانا متزوجه اللهم بارك
حمال وولادة وعقب مع بنتي حملت بعد وطرحت والضروف شوية كانت صعبة بس الحمدالله اصريت اني اكمل

بس بصراحه انا قبل الزواج كنت متفوقة ويوم تزوجت وحملت قلت نسبتي
79.5
وتوني هالسنه الحمدالله افتكيت بعد معاناه 3 سنين

وقدمت على الجامعه يمكن مايقبلوني المكان اللي ابيه بس عادي اهم شي ادش وعقب احول المكان اللي ابيه ويارب الله يكون بعوني وبعونج بعد لانه شويه فيها تعب وخصوصا انا 3 سنين وبنتي حنانه واااااي
بس اذا عندج ارادة بتقدرين صدقيني وانا طموحي اكون مدرسة وتوكلت على ربي ثم سعيت والحمدلله يارب

 

[احلى ـآ وحده]

اصلا انا ماصرت شاطره الا يوم حملت .. لان ابي الفكه ..
الحمدلله على كل حال

 

[LuLiTa]

اي حبيبتي تقدرين تتفوقين و نص ,,,,وااايد من اهلي من هالنمووونة ,, دراسة و ريل و عيال مو ياهل واحد و يطلعون من اوائل الدفعة بعد ,,,كل سهل اذا نظمتي وقتج ,,,,

 

[سمو ذاااتي]

رد : حامل ودراسة صعبة وريل فوقهم ؟!!

والاراده وقوت العزيمه تصنع المعجزات

الله يوفقج

 

[دلع حياتي]

حبيبتي الارده تصنع المعجزات انا درست جامعه كلها مع زوجي وحملت ولادة وبعد ولادتي باسبوع رحت اختبارت وماكنت حارمه نفسي من شي خرجات وزيارات وشغل بيت نظمي نفسك وراح يكون في وقت لكل شي

 

[(ضحاوي)]

رد : حامل ودراسة صعبة وريل فوقهم ؟!!

إذا عندج طموح و هدف و اصرار مافي شي مستحيل
بقولج تجربتي أنا كملت دراستي الحادي عشر و الثاني عشر و بنسبه حلوه و كان عندي عيالي إثنين و كنت حامل بالطفل الثالث و بالامتحانات الفتره الأولى
كنت نفاس يعني تخيلي خياط و بلاوي و امتحنت و جبت أعلى درجات و أنا الاولى على مدرستي بعد شتبين ؟؟؟؟
و أزيدج بعد كان زوجي مو مساعدني يعني بإمتحانات أخر السنه يقعد عندي و يشغل الأغاني و يخليني ما أقدر أدرس كلش من غير لويه عيالي
كله يتهاوشون و البيبي الصغير بعد ما خليت شي
بس حبيبتي أنا أصريت لأن أبي أدش الجامعه و الكليه اللي أبيها
و الحمدلله ماشاءالله جبت النسبه اللي أبيها
و إنتي بعد حبيبتي تقدرين لا تضيعين السنين عليج و تتحسفين
أدري قرقرت لأن أنا قلت نفسج و ضيعت علي سنين و ليما الحين متحسفه
موفقه حبيبتي

 

[najla86]

تقدرين تقدرين بس انتي خليج قويه ونفسج خفيفه لاتدققين على كل شي عدي وطوفي


الله يعينج وخليج قويه وواثقه من نفسج

اللهم لا سهل الا ما جعلته سهلا وانت تجعل الحزن ان شئت سهلا