حامل وضغطي يرتفع :(

[غضى]

مرحبا بنات شلونكم

انا تقريبا بنهاية الثامن بس صارلي اسبوع ضغطي يرتفع والدنيا تلف فيني

سويت تحاليل زلال وشامل كل شي اوكي بس موعارفين ليش يرتفع

يمكن دكتوري اللي اراجع عنده مايعرف شي


طمنوني احد صارله مثلي؟؟ واخذتو علاج

وشرايكم بدكتور حيان الاحمد ؟؟



ويعطيكم الف عافيه

 

[روان_الكويت]

الله يسهل عليج وتولدين بالسلامه
الي اعرفه ارتفاع الضغط مو زين كلش احرصي على عمرج وراجعي الصباح او العدان شوفي شيقولون

 

[انتيكا]

شربي كركديه بارد ينزل الضغط

وقللي ملح وقهوة

و التعدي عن الضغوط خلج ريلاكس

وان شاء الله ينزل

 

[مذهلة2013]

حبيبتي الدكتور حيان انا اراجع عنده الحين اينن وشاطر حييييل حييل والله
روحيله وشوفي اكيد بترتاحين له لانه شاطر

 

[noshii92]

اول شي الضغط موزين للحامل يسبب ولادة مبكرة بعيد الشر عنج
واللي فيها ضغط ماتاخذ ابرة ظهر نصيحة لاتفكرين تاخذينها
اختي بغت تموت لانها ماناسبت لها فجاه جاها ضغط
والله يحفظج حبيبتي لازم تشوفين دكتور او دكتوره كبيره وعارفين لهالشي يكشفون عليج ويعرفون
ويعدلون الضغط وخلج ريلاكس وارتاحي لاتجهدين نفسج وابتعدي عن الضغوطات اللي تأثر فيج
اهم شي النفسيه

 

[noo7a]

انا اييني ضغط بالحمال
و اخذ حبوب الدوميت
على بجري ابتعدت عن الملح بشكل كامل
بس الدكتوره قالت لي هذا ضغط ايي بالحمال ماله علاقه باكلج
و سبحان الله اول ما اولد يروح

 

[TINA]

حبيبتي روحي طوارئ الصباح احسن دكانرة بالهشي صار مع اختي ديري بالك الضغط مو هين و ريحي نفسك والله يتمم عليج و على تشوفين البيبي سليم معافى بحضنك

 

[سور المدينه]

انا بعد احس يرتفع ضغطي فجاة وتدور فينب الدنيا
ورحت طوارئ ضغطي 155 قالت لي زين
مع اني احس انه مرتفع بس شكلها ماتفهم

 

[New_bride]

مره ارتفع الضعط عندي رحت الطواري نزلوه لي ونزل لتحت المستوى الطبيعي
ركبوا علي سيلان ورجع طبيعي الحمدلله