حامل و بالشهر الخامس , الحين اخذ حبوب كالسيوم ؟!!

[LuLuwa-NaDra]

السلام عليكم
مبارك عليكم الشهر


بنات انا الدكتورة وصفتلي حبوب الكالسيوم بنص ال4 و خذيتهم اسبوعين و من دشيت ال5 ما خذيت , دايما انسى
و الحين ابي اخذهم ان شالله كل يوم
المهم
ينضر الجنين بالاسبوعين اللي وقفتهم فيه ؟
و انتوا متى وصفولكم دكاترتكم حبوب الكالسيوم ؟
حسيت بتأنيب الضمير لاني وقفته :eh_s(11):
للعلم اني متلزمة بحبوب الفوليك اسيد و حبوب الحديد
ردوا علي الله يخليكم :yaaaaaarb:

 

[om__jana]

هلا قلبي
انا اللي اذكره كنت اخذ حبوب حديد ومعاها فولك اسيد \ حبوب الفيتامينات بريغنازون\ وحبوب كالسيوم

مافيها مضره قطعتيهم اسبوعين لكن ردي اخذيهم احسن لاتقطعينهم خصوصا اذا اكلج ماكان كامل انا دكتورتي قالتي وقفي حبوب الكالسيوم اذا وايد حبوب عندج وشربي حليب واكلي روب بس انا اكره الحليب فظليت اكل حبوب الكالسيوم

ولاتنسين تاخذين لهوم الالياف وشربي عصير برتقال كل يوم واكلي تييييين لأن هالحبوب تسبب امساك وبآخر الاشهر تتأذين فحاولي دايما تاكلين ألياف تفاح \خضار\تين

 

[virgo88]

لاحبيبتي ما ينضر انشالله عادي بس ضروري تاخذينهم لان الحين الجنين محتاجهم علشان يبني عظامه وعلشان انتي لا تتعبين بعد الولاده انشالله تكون اسنانج قويه واعضامج لان هذا في تأثير عليج انتي بعد وانشالله ماكو الا العافيه حبيبتي

 

[ZOHOR]

عادي انا اخذ كالسيوم واخذ فولك اسد عادي لان ظهري يعورني فقالت لي اخذ كالسيوم مافيها شي..

 

[رضاهم جنه]

عادي ما فيها شي بس ليش تاخذين فوليك اسيد لحد الحين !!! انا دكتورتي بعيالي تقطهم لي من الشهر الرابع وبعدين ابدا بالكالسيوم والحديد

 

[miss mama]

لا تهاونين بحبوووب الكالسيوم انا جبت ولدي فيه نقص كالسيووووم والسبه اني ماكنت اخذ الحبووب مره اي وعشره لا يسمووونه كساااح لين عظام الطفل الي فيه نقص كالسيوم وفيتامين د ... .. والله تاخر بقعدته وتاخر بالحبي وتاخر بمشيته والله العالم شكثر تبهذلت من ورا هالشي والحمدلله على كل حال

 

[miss-winter]

لا عادي شدعوا وايد قبل ماياخذون حبوب وهالفتامينات والله يكتب الي في الخير يارب وان شاءالله مافي الا العافيه

 

[فله]

والله انا نفسج بس فوار كالسيوم ومرة اخذ وعشرة اطنش
والامر اني ماحب لاحليب ولالبن
الله الحافظ

 

[بيبي بدر]

لازم تاخذين حتى ماينقص عنده الكالسيوم لان اذ فيج نقص راح ينقص عنده اما اذ طبيعي عندج ان شاء الله مافي ضرر عليه لانه ياخذه منج

 

[حكاية لليلة]

اذا ما خذيت الحبوب ما تاثر بالجنين الان اهو ياخذ الكالسيوم لي بجسمج يعني انتي لي فقتي الكالسيوم وعادي ما صار شي ردي خذيهم
وبالنسبة للدكتورة اوصفت حبوب الكالسيوم وانا لي 3 ونص...
وبعد لازم تاخذين حبوب الفتامينات الشامله اسمة بركنت( الحامل) مخصص للحوامل

 

[LuLuwa-NaDra]

رد : حامل و بالشهر الخامس , الحين اخذ حبوب كالسيوم ؟!!

بجرب حظي بهالرد
كل ما اكتب رد يحطولي ردي سجلي و لما اسجل و ايي اكتب نفس الفلم :/

عالعموووووم مشكووورين بنات كل اللي ردوا علي
اذا وصل الرد برد عليكم وحدة وحدة

 

[LuLuwa-NaDra]

رد : حامل و بالشهر الخامس , الحين اخذ حبوب كالسيوم ؟!!

هياااااااااااااااااااااااااااااا
اخيييييييييييييييييييراااااااااااا

ام جنى : مشكووورة حبيبتي , الحين التزمت خفت لا اضر البيبي اسم الله عليه

فيرقو 88 : نفس الكلام اللي قالتلي اياه امي , انا بالطقاق اهم شي اهوا

زهور : نفسي , انا مرة قمت من النوم جسمي يعورنيييييي , وقف قلبي قلت خلص الكالسيوم على الياهل لووووووووووووول

رضاهم جنة : ما ادري اول ما حملت عطتي بس فوليك اسد و عقب فوليك اسد مع حديد و الحين بريقنا بلان فيها فوليك اسيد

مس ماما : الله يشفي ولدج , اي خلاص انا تأدبت

وحدانية : انا لي بقيت اريح نفسي افكر نفسج , اقول قبل ما ضرهم , لكن قبل اكلهم صحيييي مو انا كل يوم ماكدونالدز و فاست فود

فله : نصييييييييييحة غيري الفوار ,انا كنت اخذ فوار بس كانت تلوع جبدي اساسا من الماي فما اقدر اخذه , رحت الدكتورة و غيرتلي اياه اريح حبة عادية

بيبي بدر : ان شالله انا الحين ملتزمة فيه و ما اعتقد ان الكالسيوم عندي زين لاني مو من ربع الحليب و اللبن و ربعهم

حكاية لليلة : اي الحمد الله بريقنا بلان ملتزمة فيه و الكالسيوم عقب ما نزلت الموضوع قمت اوسوس و احرص عليه



بنات مشكووورين على الرد ما قصتواااا :**

 

[نواره 22]

مايضر بس الاهم من جذي انه تاخذين الحديد بيوم والكالسيوم بيوم لان اذا خذيتيهم مع بعض يبطل مفعولهم وما ينفعونج بتاكدين من هالشئ لما تقرين الورقه اللي داخل الدوا وهم سالي دكتورتج وبعد لما كنت بالمستشفى كانوا يعطوني يوم كالسيوم ويوم حديد عشان يفيدون جسمج والبيبي اكثر

 

[LuLuwa-NaDra]

رد : حامل و بالشهر الخامس , الحين اخذ حبوب كالسيوم ؟!!

نواااره صججج والله ؟؟؟؟؟
الدكتورة ما تكلمت , قالتلي بريقنا بلان و حبة الحديد بعد وجبة مع بعض بعد وجبة و حبة الكالسيوم بعد وجبة ثانية مو معاهم :"(
الحين كل هالاشهر البيبي ما استفاد شي !!!!!

 

[LuLuwa-NaDra]

رد : حامل و بالشهر الخامس , الحين اخذ حبوب كالسيوم ؟!!

موعدي الاسبوع الياي , ان شالله ما تصدمني