حبايبي ابي ديودرانت مافيه مواد ضاره وريحته مو عرق

[Lourdez]

جربي تسوين ديودرنت طبيعي
نشا مع بيكربونات الصوديوم مع زيت شجره الشاي و قفشه زبدة ككاو بالمر عجييييييب تلقين طريقته باليوتيووب

 

[شيخه_البيض]

اي والله صاجة
انا استخدمت ريكسونا وحسيت انه الإبط صار لونه غامج شوي فتركته ومحتارة شنو استخدم
مشكورة ع الموضوع

 

[دبدوبه عوبه]

انا استخدم دووف الي لون المغطا ماله ازرق ريحة بودر وايد احبه

بس بغيت اسال منتجات بزلين وين احصلها وايد يمدحووووون الديودرنت مالهم حابه اغير

 

[tbola]

كنت استخدم كونفدونس زيين

 

[Fajory]

احلى واحد جربته من صيدليه بوتس اسمه ديونات بالصبار صج روعه مافي مواد ضاره ولا يسود بالعكس لاحظت انه يبييض

 

[Mrs Prada]

آنا مع خواتي إللي قالوا بايوت ,,,,,,, أنصحج فيه طبي وريحته روعة ويدوم بعد
بايوت وبسسسسس

 

[Mrs Prada]

وللأمانة آنا جربت كونفيدنس مال الشايع وما قدرت أتحمله ريحته عرق

 

[نــوف 14]

حبيبتي احلا شي دوووووووف اسئلي مجرب ولا تسئلين شسمه

 

[قطوووة]

بايؤت + كؤنفدنس

 

[LoLaTi]

ديودرنت ( بايوت ) طبي وماله ريحه ابدااا وفوق هذا يفتح المنطقه مع الوقت جربيه وراح تدعين لي
سعره ب 5 دنانير وتحصلينه بالصيدليات

 

[toota ali]

انا جربت بايوت وفيجي بس اماااانه للحين ما لقيت اللي يريحني
انا اعرق واااااايد واحس مفعولهم بس بالبيت اذا طلعت ورديت احس بريحة عرق

 

[شذى الحب]

روكسانا حلو

 

[@شمس الضحى@]

في المناسباات استخدمhr (هيلينا روبشتاين )لانه اقوي وريحته عطرر يجنن
وبالايام العاديه كلارنس
واثنينهم رووعه من عمر وانا استخدمهم لاسواد ولامشاكل