حبايبي السعوديات اللي بالكويت تعااااااالو طلبتكم :(

[@ دبلوماسيــه @]

السلام عليكم .. صباحوووو

من الاخر سالفتي اني سعوديه وخطبني كويتي

مو متقبله نفسي اعيش بالكويت ومتردده .. رغم ان الرجال شاريني وراضيه فيه بس مو متخيله اخلي ديرتي وترابها وهواها وغبرتها خخخخخ

س/ صار مره ندمتم ع الكويت ؟؟ وشلون تفكير الرجال الكويتي ؟
وطبيعة الحياه بالكويت تفررق كثير عن السعوديه والا كيف ؟

للمعلوميه الرجال مو غريب وخوالي كويتيين .. لاكن محتاره




ادعووولي في ظهر الغيب :yaaaaaarb:

 

[البندري11]

الكويت نفس السعوديه

الفرق بس ان البحر بكل مكان << لا والله ههههههههههههههههههههههههه

يعني توكلي على الله ووافقي عليه

والله يوفقج ....


انا سعوديه متزوجه كويتي... ويالله لك الحمد .. كأني عند اهلي .. الفرق بس اني ما اشوف امي وابوي ههههههههههههههههههههههههه

والحمدلله ...

والله يرزقج ويوفقج يالغاليه

 

[@ دبلوماسيــه @]

البنـدري 11

ياهلا ومرحبا فيك والله يسعدك ويريحك

والله يسخر لك زوجك واهله واهم شي امه خخخخخ

تسسسسلمين يابنت العم :eh_s(17):

 

[ليالى الحنين]

استخيرى وشوفى والله يوفقك

 

[ام المسك]

الكويت حلوه واهلها طيبين ولاصار عندك اهل احلى واحلى
تطمني دام الرجال زين ..ماراح تحسين بالغربه.
انا نفس حالتك والحمدلله هي مساله وقت وتتاقلمين .
استخيري وموفقه

 

[cat^q8]

واي الله يعينكم

انا لووو شنو مافارق امي وابوي

بس استخيري اولا واخيرا ماتدرين شالصالح فيه

 

[‏إنگِسَارْ آلشَـوْق ..!]

استخيري
وموفقه يارب

 

[gala q8]

أستخيري .. و إن شاء الله الله يكتبلج الخير .. موفقه يا رب

 

[ريـــاح الشيشان]

انا اللي اعرفه ان اللي يجي الكويت ماوده يطلع ..واعرف كثار سعوديات ماودهم يرجعون السعوديــــــــــــــــة
فديت ديرتي الكويت واهلها
وياحيــــــــاــكم الرحمــــن بديرتكم الثانية

 

[بين الوطن والحب]

اذا كان الرجال زين توكلي على الله انا نفس حالتك بس انا متزوجة من كويتي لي 4 سنين اكيد المسالة مو سهلة وشوقي للسعودية ذابحني بس لا صرتي سعيدة مع زوجك وتحبينة يخفف من الغربة وعسى الله يوفقك

 

[شموخي مهابه]

والله روعه الكويت واهلللهااااااا الله يسخر لج ياارب

 

[dandooosh]

انا نفس حالتك والحمدلله ،، وصج اذا عندج أهل في الكويت زي حالتي بيكون أحسن >> يعني عمام و خوال
وماشالله البنات قالو كل اللي كنت بقوله ونفس كلامي بالضبط
بين الوطن والحب: والله دمعت عيني من كلامك " وشوقي للسعودية ذابحني "
اشتاق للسعودية كثيييييييييييييير بس مستانسة بالكويت ومرتاحة والحمدلله

 

[سيدة الذوق]

اهم شي التوفيق من الله ..وان الرجال يكون زين

انا ماني شايف شي يحير يعني معروفه اللي تجي من السعوديه للكويت تحيا والعكس صحيح

اشوف بنات عمي تزوجوا كويتيين وجوا هني وماشالله حياه ثانيه حريه كل شي موجود

وعندي بنات عم كويتيات تزوجوا سعودي والله هاه تنازلوا عن اشياء واجد وظيفه سياره طلعات مو مثل قبل

يعني اقول توكلي عل الله ووافقي

 

[بين الوطن والحب]

سيدة الذوق انا مابي ارد بنفس الكلام اللي قلتية عني ديرتي الغالية ديرة العز بس ابي قولك ان محد يرتاح بالعيشة بعيد عن ديرته واهلة وناسة وانا عن نفسي متزوجة من اربع سنين والى الان ماتاقلمت ولا ارتحت ومن جد وبعيد عن العواطف انا اشوف ان الرياض احلى من الكويت بكثير وارتب ومجمعاتها واسواقها اكثر وافخم وكل شي فيها حلوفديتها
والله يخليلنا ابومتعب تاج على الروس

 

[بين الوطن والحب]

سيدة الذوق انا مابي ارد بنفس الكلام اللي قلتية عني ديرتي الغالية ديرة العز بس ابي قولك ان محد يرتاح بالعيشة بعيد عن ديرته واهلة وناسة وانا عن نفسي متزوجة من اربع سنين والى الان ماتاقلمت ولا ارتحت ومن جد وبعيد عن العواطف انا اشوف ان الرياض احلى من الكويت بكثير وارتب ومجمعاتها واسواقها اكثر وافخم وكل شي فيها حلوفديتها
والله يخليلنا ابومتعب تاج على الروس

 

[فرحة قلبي]

:انا متزوجة من6 سنين وربي مافي غير السعودية لي هوى اذا رحت احس الروح ترجع لي:krkrkr:
احس الحياة تدخل لجسدي بس بالنسبة لموضوعك اذا عندك خوالك وامة زينة توكلي على اللة واذا بغيتي شي احنا موجودين افا عليك فزعة بنات بو متعب واستخيري وربي يوفقك




وللذوق وربي عمري ماقلت عن الكويت شي علشان ما احب احد يذكر المملكة بشي يضايقني مو ضعف موقفي بس احترام لعيالي واهلي الكويتيين ارجو تتفهمين وادري مو قصدك شي بس توضيح

 

[دلولي]

حبيبتي صلي صلاه استخاره وتوكلي على الله بعدين انتي قلتي عندك خوال هنا بالكويت خلاص يعني مو بروحك

 

[فرحة قلبي]

:انا متزوجة من6 سنين وربي مافي غير السعودية لي هوى اذا رحت احس الروح ترجع لي:krkrkr:
احس الحياة تدخل لجسدي بس بالنسبة لموضوعك اذا عندك خوالك وامة زينة توكلي على اللة واذا بغيتي شي احنا موجودين افا عليك فزعة بنات بو متعب واستخيري وربي يوفقك




وللذوق وربي عمري ماقلت عن الكويت شي علشان ما احب احد يذكر المملكة بشي يضايقني مو ضعف موقفي بس احترام لعيالي واهلي الكويتيين ارجو تتفهمين وادري مو قصدك شي بس توضيح

 

[روز نجد]

اختي دبلومابسيه

أنا بتكلم عن نفسي مستحيل اطلع من الرياض الا اذا اراد ربي وطلعني غصب عني

لاني والله ماتحمل اطلع من الرياض اسبوع واحد كل ماسافر لدمام ولا مكه ولا اي مدينه سعوديه حدي اسبوع واملّ واشتاق للرياض ومن ادخلها ينشرح صدري مو بس انا كل اهلي وكل اهل الرياض وسكانها اللي هاجرو لها من مدن ثانيه قرى مجاوره شلون عاد اروح لدوله ثانيه ؟؟؟
سبحان الله المدينه هذي ساحره ومحبوبه بشهاده اللثي هاجرو لها ولاهو قصور بالمدن والقرى الثانيه كل انسان اكيد انه يعشق ديرته

بس انتي غير يمكن انتي تتحملين وبعدين خوالك كويتيين يعني اخف واذا الرجال زين لاتفوتينه لان الحين نادر الرجال في هالزمن ماتضمنين يجيك احد بعده ولا لا

ولا اوصيك بالاستخاره

 

[روز نجد]

انا اللي اعرفه ان اللي يجي الكويت ماوده يطلع ..واعرف كثار سعوديات ماودهم يرجعون السعوديــــــــــــــــة
فديت ديرتي الكويت واهلها
وياحيــــــــاــكم الرحمــــن بديرتكم الثانية

ماتوقع ان الكلام هذا صحيح لسبب واحد الكل يعرفه مافي احد يتحمل الغربه وما احد يبي البعد عن امه واهله وخوانه عشان يعيش في الكويت ؟؟؟؟

ياكثر السعوديين المبتعثين لدول أوروبيه يعني طبيعه وجو وحريه وديموقراطيه ومع هذا ردو للسعوديه بشوق ووله

وعلى فكره فيه كثير سعوديين مخترعين وعباقره عرضو عليهم الجنسيه الامريكيه والعيش فيها لكنهم رفضو

ولو فرضنا كلامك صحيح اتوقع انه سعوديين من مواليد الكويت او لهم اهل واقارب ؟ وهذا غير طبعا لان من عاشر القوم اربعين يوم صار منهم

يعني باختصار شديد حدث العاقل بما لا يعقل فإن صدق فلا عقل له !!!!!!!!!!!!