حبوب جلوكوفاج ؟؟؟

[هامورة]

:eh_s(17): السلام عليكم ورحمة الله

مساء الخير

بنات بنت خالتي طلع عندها تكيس او كيس في المبايض ماعرف الاسم بالضبط لانها كانت تشكي من الدورة وخربطتها تطول على ما اتييها والدكتور كتب لها انها تاخذ الحبوب هذيل .. قال لها لهم مفعول قوي ولهم ايجابيات وووووووايد

خصوصا حق اللي عندها الهرومونات متخربطة

وانه علاج ممتاز لتكيس المبايض!!

فيريت اللي تاخذ العلاج هذا تقول لنا عنه ؟؟؟ واستفادة منه ولا لا؟؟؟

وكل شي يعني:eh_s(17):

لانها تحاتي وتدرون اول مرة تاخذ علاج جذي​

 

[نووووونا]

عليكم السلام

اذا كنتى تقصدين حبوب الجلوكوفاج فهذى الحبوب تستعمل لمرضى السكرى

عشان تحرق السكر وتوكل بعد الاكل واهى تساعد فى تنزيل الوزن لمرضى

السكرى ............. وحبيت افيدك

 

[irresistible]

walla madri sara7a bas an asta3mlhom i take 1000 gram per day 3lshan feni sukari

 

[نووووونا]

نسيت اضيف ان حبوب الجلوكوفاج فى منها نوعين 500 مج

و850 مج وهذا للعلم

 

[هامورة]

يعطيكم العافية بنات

اهي تستخدم ال 500مج

ومافيها سكري

ونصحها اول يوم تاخذ واحده وتتدرج ليمن يصيرون 3 مرات في اليوم مع الاكل او بعده

ونصحها مع تخفيف وزنها

بس اهي تشكي من اسهال خفيف والصيدلاني قال لها اول 10 ايام بيصير فيج جذي

ليمن تتعود معدتها عليه !

شرايكم؟؟؟

اتمنى واحده عندها تكيس ومشاكل في الدورة وتاخذه تفيدنا اكثر

 

[supermarket]

منو دكتورها؟

 

[coffee]

سلامتها هاموره

اهي فعلا احبوب لمرضى السكر وتنزل الوزن وحاليا يستخدمونها لعلاج تكيس المبايض

انا استخدمتهم فترة بس معدتي ما تحملت تكرمين بس ارجع ومع الوقت حاشني اكتآب منهم وهديتهم..

اهي شنو الهرمونات اللي مرتفعه عندها بالضبط ؟ وهل سوت فحص للسكر اللي يعطونها جلوكوز؟

 

[هامورة]

سلامتها هاموره

اهي فعلا احبوب لمرضى السكر وتنزل الوزن وحاليا يستخدمونها لعلاج تكيس المبايض

انا استخدمتهم فترة بس معدتي ما تحملت تكرمين بس ارجع ومع الوقت حاشني اكتآب منهم وهديتهم..

اهي شنو الهرمونات اللي مرتفعه عندها بالضبط ؟ وهل سوت فحص للسكر اللي يعطونها جلوكوز؟

يسلمج من كل شر حبيبتي

الله يسلمج الدكتور قال لها بداية اخذي حبة ليمن تتعود معدتج عليهم!

يعني ليمن توصل الى 3 حبات في اليوم

مع الاكل

بس من صجج يسببون اكتئاب!!!!!؟ ولا انتي تضايقتي من الوضع؟

اهي سوت فحص الهرمون وتطلع النتيجة عل الاسبوع الياي

بس اهي متينة وفيها شعر زائد والدكتور قال لها العلاج هذا زين حق حالتها

وكان عندها هرمون الحليب عالي! بس سوت فحص يديد علشان تتاكد

في واحدة قالت لها انه الحبوب هذيل وايد زينين بس في البداية يتعبون لانهم قواية على المعدة بس بعدين عادي

ولهم نتائج زينة حق اللي عندها تكيس في المبايض

فانا قلت اسالكم واشوف البنات اللي استخدموهم

بس صج اهي تقول وانتوا مكرمين اسهال وجبدها تقلب

والحمدالله مافيها سكر

 

[ii DareeN ii]

هالحبوب عطاهم الطبيب حق رفيجتي واهي تقريبا بنفس حاله تقريبا خلل هرموني دوره غير منتظمه وتكيس بالمبايض تقول اول شي تعبوها بعدين مشو وياها وصج نزل وزنها عليهم بس اهي بالفعل حق مرضى السكر بس هم مرضى الخلل الهرموني يوصفونهم لهم بس ليش علم هالشي عند الطبيب يمكن احد اسباب تكيس المبايض السمنه او شي مثل هذا

 

[هامورة]

هالحبوب عطاهم الطبيب حق رفيجتي واهي تقريبا بنفس حاله تقريبا خلل هرموني دوره غير منتظمه وتكيس بالمبايض تقول اول شي تعبوها بعدين مشو وياها وصج نزل وزنها عليهم بس اهي بالفعل حق مرضى السكر بس هم مرضى الخلل الهرموني يوصفونهم لهم بس ليش علم هالشي عند الطبيب يمكن احد اسباب تكيس المبايض السمنه او شي مثل هذا

اي الدكتور قال لها السمنة لها دوووووور كبير بالموضوع

ونصحها مع العلاج هذا تسوي ريجيم صحي

والله يشفي كل مرضى المسلمين يارب:eh_s(17):

 

[coffee]

اهلين هاموره

انا سببولي اكتئاب وعوار معدة ما قدرت اتحمله بس اساسا كانو مسويلي تحليل سكر اللي يعطون جلوكوز.. اهي سوته ؟

صح اول شي لازم تكون الجرعة قليله لان مثل ما قلت لج سببولي ترجيع بس الدكتور كان قايلي مرتين باليوم يعني 1000 ليش اهيه ثلاثة ؟ خل تتاكد.. وفعلا السمنة تعيق علاج الهرمونات وهم اذا البنت عدت ال 25 وما تزوجت تزيد اعراض التكيس...

الله يسلمج انا اول الفترات مشو معاي وانتظمت الدورة بعدين انتكست وتعب معدة على الفاضي فهديتهم من كيفي..

اذا تبي نصيحتي خل تنزل وزنها ورياضة بس تشتغل على عمرها صح وتاكل تمر على الريج يوميا يعني ريجيم ربيع مادري شسمه وتجربه جم شهر واترد تسوي تحليل.. او انها تسافر بريطانيا ترى اهني مو زود بعلاج الهرمونات.

وما تشوفون شر ان شاءالله

 

[هامورة]

اهلين هاموره

انا سببولي اكتئاب وعوار معدة ما قدرت اتحمله بس اساسا كانو مسويلي تحليل سكر اللي يعطون جلوكوز.. اهي سوته ؟

صح اول شي لازم تكون الجرعة قليله لان مثل ما قلت لج سببولي ترجيع بس الدكتور كان قايلي مرتين باليوم يعني 1000 ليش اهيه ثلاثة ؟ خل تتاكد.. وفعلا السمنة تعيق علاج الهرمونات وهم اذا البنت عدت ال 25 وما تزوجت تزيد اعراض التكيس...

الله يسلمج انا اول الفترات مشو معاي وانتظمت الدورة بعدين انتكست وتعب معدة على الفاضي فهديتهم من كيفي..

اذا تبي نصيحتي خل تنزل وزنها ورياضة بس تشتغل على عمرها صح وتاكل تمر على الريج يوميا يعني ريجيم ربيع مادري شسمه وتجربه جم شهر واترد تسوي تحليل.. او انها تسافر بريطانيا ترى اهني مو زود بعلاج الهرمونات.

وما تشوفون شر ان شاءالله

اي اهي من قبل لا تاخذهم تراجع عند دكتور تغذية ونزلت مشالله بس هم تحتاج بعد تنزل

بس بقولج شغلة صح لازم 3 حبات مع الاكل لانه حتى على العلبة حاطينلج صورة ريوق وغدا وعشا

والصيدلاني قالها صح 3 حبات في اليوم بس تبدي تاخذهم حبة وتتدرج على ساس معدتها

بس انتي عطوج حبوب ثانين حق الدورة؟؟؟ ولا بس كلوفاج؟؟

والله اهي مافيها سكر بس الاسبوع الياي نتيجتها

ودكتورها شاطر والكل مدحه لها فاهي راحت متطمنة عرفتي

والشر ماييج حبيبتي مشكورة بس الحين شلون دورتج ؟؟؟ انتظمت

 

[coffee]

اهلين هامورة

ذكرتيني شوفي هالحبوب اللي عليهم الصور يدد ووايد احسن من القدم.. وفعلا عليهم صور ثلاث وجبات بس الدكتور كان قايلي 1000 باليوم.. ولازم تاكلهم مع الوجبة مو على معده خاليه.. اما بخصوص تحليل السكر مو العادي اللي يصير اكثر من سحبه

حزتها كان معطيني حبوب تنزل الدورة بس انا ما كملت علاجي وما احس ان هالحبوب فادتني ومن فترة شفت دكتورة ويبنا طاري هالحبوب هم قالتلي ما نفعو وياها.. يمكن يفرق من جسم لي جسم..

وعلى اللي اعرفه ان بريطانيا اشطر ناس بعلاج هالحالات لان كل هرمون يعالجونه اما اهني تجارب وعلاج الهرمونات صعب ودقيق ما يبيله مجازفه علشان جذي معظمهم يصرفون هالحبوب وما يعالجون كل هرمون بروحه واذا صارت لها فرصة ختروح بره ودزيلي على الخاص اذا حابه مكان زين للعلاج اهناك

 

[رقي]

الحين اهوا العلاج الدارح للتكيس
مامنه اثار جانبية
ويوخر التكيس

 

[هامورة]

اهلين هامورة

ذكرتيني شوفي هالحبوب اللي عليهم الصور يدد ووايد احسن من القدم.. وفعلا عليهم صور ثلاث وجبات بس الدكتور كان قايلي 1000 باليوم.. ولازم تاكلهم مع الوجبة مو على معده خاليه.. اما بخصوص تحليل السكر مو العادي اللي يصير اكثر من سحبه

حزتها كان معطيني حبوب تنزل الدورة بس انا ما كملت علاجي وما احس ان هالحبوب فادتني ومن فترة شفت دكتورة ويبنا طاري هالحبوب هم قالتلي ما نفعو وياها.. يمكن يفرق من جسم لي جسم..

وعلى اللي اعرفه ان بريطانيا اشطر ناس بعلاج هالحالات لان كل هرمون يعالجونه اما اهني تجارب وعلاج الهرمونات صعب ودقيق ما يبيله مجازفه علشان جذي معظمهم يصرفون هالحبوب وما يعالجون كل هرمون بروحه واذا صارت لها فرصة ختروح بره ودزيلي على الخاص اذا حابه مكان زين للعلاج اهناك

صح كلامج يختلف من حالة لي حالة

وانشالله بقولها عن لندن واذا احتجنا اي معلومة براسلج

يعطيج الف عافية :eh_s(17):

 

[هامورة]

الحين اهوا العلاج الدارح للتكيس
مامنه اثار جانبية
ويوخر التكيس

صح هذا كلام الدكتور لها والله يشفيها انشالله :eh_s(17):

مشكورة اختي

 

[tabola]

انا بعد عطتني ياهم الدكتوره لان هرموناتي متلخبطه بس انا فتره مااخذهم اكشت بس لو استمر زين

 

[اثير]

انا استعملهم صارلى خمس سنوات علشان ينزل السكر اكلهم بعد الوجبه موشرط اتسوى لوعة جبد من الاول لا يمكن مع الايام بس مانى عارفه اشدخل هالحبوب بالتكيس والله ماتعرفون حق هالدكاتره يلعبون فينه حسبى الله عليهم

 

[فتونة الكويت]

حبيبتى انا اخذهم عشان السكر بالكويت ما قالولى لما رحت لندن صرفهم لى الدكتور قال لى عشان يساعد على حرق السكر اول الايام تعبت منهم وال اسبوع حبة عقبة ثانى اسبوع حبتين وثالث اسبوع 3 حبات والحين صار لى 7 شهور اخذهم بس ليما الحين تسبب لى اسهال كرمكم اللة بس نزل وزنى عليهم 7 كيلوات اهى تساعد على نزول الوزل وبعد سمعت ان عشان التكيس بس انا اخذتهم عشان السكر والحين الحمدللة منتظمةعليهم وما فى مشاكل

 

[رهوف]

تبون تعرفون شنو علاقة هالحبوب بالتكيس

آنا اقولكم لأن هذي حالتي بالضبط ومن كثر ما افتريت وسألت صار عندي دكتوراه بهالموضوع:eh_s(9):

اول شي اثبتت الدراسات ان الناس اللي يكون عندهم تكيس يلقون عندهم هرمون الأنسولين عالي ومعروف ان هالهرمون اهو اللي يساعد على حرق السكر ولما يزيد هالهرمون بالجسم يبدي يحول اي سكر يدش جسمج الى دهون تتخزن بكل مكان بما فيهم المبايض

والملاحظ ان بهالحالة ممكن يكون اكلج مو وايد بس اي نشويات او سكر تاكلينه راح يتحول بسرعة الى دهون فتردين تيوعين بسرعة وتحتاجين النشويات بالذات وتستمر الدائرة وكل هذا بسبب زيادة هرمون الأنسولين

والشي الثاني الأخطر منه ان لما يتعود الجسم على الكميات الرهيبة من الأنسولين ما راح ينفع في حرق السكر ويطلع معاج السكري النوع الثاني المقصود فيه ان جسمج ينتج انسولين بس يكون عديييييييم الفايدة


ولو تسوين تحليل هرمون الأنسولين اكيد راح تلقينه اكثر من 22 وهالشي يعني ان نسبته عالية عندج مع العلم ان في لندن اعلى نسبة انسولين 18 واذا صارت اكثر راح يكتبون لج جلوكوفاج

فالشغلة ماهي سهلة ومهمة جدا في علاج التكيسات والرياضة والرجيم اهم شي عشان يحرق اي سكر زايد عندج

ملاحظة : انسب ريجيم لهالحالة تخفيف الكربوهيدرات
والدكتورة اللي كنت اعالج عندها د لطيفة الدويسان
اتمنى ان يكون كلامي واضح وما قرقت عليكم