حبوب جلوكوفاج ؟؟؟

[Snow-White]

انا صارلي جم سنه استعملهم.. الدكتور وصفلي اياهم حق اضطراب الدوره والتكيس والحمدلله انتظمت الدوره وضعفت وايد عليهم.. بس طبعا كل شي لازم تحت اشراف الطبيب ومع متابعته

 

[صغيرة على الحب]

صج اضعفون بس اسببون اسهاااااال كرمكم الله
بالنسبة للتكيس وحدة بدون هالادوية بس سوت رجيم و ضعفت ماشاء الله بسرعة حملت اهو تراكم الدهون على الرحم و المبايض اعيق و اسبب تاخر الحمل و السمنة مضارها كثيرة

 

[العنودة]

حقت السكر كلوفاج ولا لا

 

[farawla_q80ia]

انا استخدمهم لعلاج السكر من النوع الثاني اول شي بديت اب 500 مرتين بعدين 1000 مرتين بعدين 850 ثلاث مرات باليوم مم ما احس ضعفوني او سوولي شي لاني ما كنت اتبع نظام غذائي بس ال850 اثرت في البداية وايد علي صار لي اعياء وارهاق شديد بس عقب تعودت

 

[GASSS]

انا نفس حالة رفيجتج وكتبتهم لي دكتورتي 3 مرات باليوم
وللعلم كلام رهوف صحيح 100%
لان الدكتورة قالتلي ان جسمج كله انسولين بسبب هالتكيسات نصحتني فيهم مع علاج ثاني اخذته شهرين لتنظيم الدورة ومع الدايت الخفيف نزلت 6 كيلو قبل كان اي رجيم فاشل معاي وزني يزيد جنون وماينزل رغم ان اكلي عادي والدورة غير منتظمة .. عموما التكيسات خل اقولج شنو سبب تكونها وارتبطاها بالاختلال الهرموني
كلنا نعرف ان من اول ماتبلغ البنت كل شهر رحمها يتهيء للحمل ويغلف الرحم وتنزل البويضة من احد المبيضين وتالي اذا تمت 28 يوم وماتم التلقيح تنزل الدورة لكن في حال عدم نزولها البويضة ترجع وتلصق بالمبيض وتسمى تالي بالتكيس وتخيلي معاي الي دايما دورتها غير منتظمة شكثر التكيسات عندها وهذا يسبب لها سمنة بسبب ارتفاع الانسولين بالجسم ويتعب بشرتها ويسبب لها اختلال هرموني لان الهرمون الانثوي عندها ينزل ويرتفع الهرمون الذكوري

طبعا انا دكتورتي بطت جبدي وبغيرها لسبب مهم ان انا قبل لا اراجع اي دكتور اسوي سيرج واقر عن المرض والاعراض واكون فكرة واروح له على دراية .. تخيلي قالت لي التكيسات خليها عادي ماتروح ترى تظل .. وهالشي صدمني لاني قريت وتاكدت من دكتور اجنبي اكدلي الي قريته قالي تتعفن داخل الرحم او تورم وتسبب سرطان وبلاوي زرقا خاصة ان هرموناتج ماراح تتعدل لين ينظف رحمج منهم .. المفروض ان الدكتور يتابع معاج التكيسات ويسوي لج سونار كل شهر يشوف النتايج هل التكيسات تقل او لا وهذا دليل انج متبعة العلاج صح .. وراح تلاحظين طبعا مع الدايت نزول بالوزن تحسن ببشرتج وبراحة من البلاوي الي كنتاي تحسين فيها وبانتظام الدورة عندج

طبعا ضروري تبتعد عن البيبسي وعن الوجبات السريعة طول فترة العلاج لانهم بيخربون علاجها لاحتوائهم على مواد تساهم باختلال الهرمونات

 

[كنزو]

بنات انا نفس حالتكم دوره مو منتظمه وتكيس ... ابي دكتور او دكتوره شاطره ابي نصيحتكم عفيه عن تجربه

 

[بحرينية محرقية]

صار لي سنييين اكل فيهم
ولا غيرو فيني شي ولا حتى ضعفوني يمكن عشان انا ما اتبع ريجيم.؟.

بس صج اول ما تاخذين هالدوا يسوي اسهااااال مو طبيعي .. بس عقب يخف
بس انا الدكتور دايما يقولي لا تتركينه اخذيه طوووووول عمرج
وعلى كثر هالسنين اللي خذته ما جاتني الدورة ولا انتظمت ولا اي شي وعلى فكرة
انا اول مرة اسمع انه يسبب اكتئاب الحمدلله ما سببلي هالشي...

 

[منارة الإيمان]

حبوبة ترى فى فرق بين كيس على المبيض .. وتكييس المبايض .. ترى الحالتين مختلفتين ..
والجلوكوفاج نفس ماقالوا البنات .. فاعليتهم يقللون من أمتصاص النشويات والسكريات بالجسم
وينوصفون لمرضى السكري النوع الثاني ..
وماتشوفون شر

 

[انا وخلي]

السلاك عليكم ورحمة الله وبركاته
اخواتي اعتقد ان الرسول ما يأمرنا بشي الإ فيه كل الخير لنا
ليه ماتجرب الحجامة والله العظيم فيها خير كثير
وفيه وحده سوة الحجامه وهي ماتحمل والله رزقها بالحمل وانا سامعه الكلام من الدكتورة اللي سوت الحجامة
انا اختكم ام عبدالله من السعوديه والاستشارية في الرياض ومعروفه معها البورد الامريكي وتركت المستشفى وتخصصت في الطب النبوي
واتمنى لك كل خير وجعلكم ماتشوفون شر
وهذا ايميلي للي حابه تستفسر
[email protected]

 

[غلا عيوني بنتي]

الله يشفيها ويشفي كل مريض بس حبوب كلوكوفاج انا ما فيني سكر بسم الله علي ولما كنت باخذهم عشان الرجيم الصيدلااانيه عصبت علي وقالت هذيلي بس حق مرضا السكر انتو بكلشي اتجاازفووون ههههههههههههههههههه زفتني

 

[&الـجـوـوريـة&]

توووووووووني أدري إنهم يضعفوووون ؟؟

أنا فيني تكيس مبايض اعالج عند د. ماجدة اليتامى

وصفتلي حبوب ( ديان ) وهالحبوب ( جلوكوفاج ) مرتين باليوم يعني 1000 ملغ ..

انتظمت دورتي ألف الحمد والشكر لك ياااارب ..


بس التكيس مادري شصار عليه عندي موعد شهر 11 وإن شاءالله خير ..

 

[&الـجـوـوريـة&]

بس صج يقولون إنه تكيس المبايض مايرووح ؟

 

[بمبة المفترسة]

الجورية التكيس مايروح
البنت تنولد ومعاها تكيس

 

[أم رغده]

مساء الخير يا بنات
يعطيكم العافية
أنا كنت أستخدمه قبل 8 سنوات كانت الدورة الشهرية متخربطه عندي ووصفلي هذه الحبوب وكانت ممتازة نقصت وزني وايد
مع تحياتي

 

[الغاليه نونو]

والله مادري شقول

الحين الجلوكوفاج حق السكر ويعطونهم بعد حق اللي عندها تكيس آمنا بالله


رفيجتي ماافيها سكر ولاشي اللهم فيها خمول بالغده الدرقيه وقال لها الطبيب تاخذهم ووصفهم لها




الله خير حافظ بس بعرف جزاكم الله خير عسا مافيهم مضره حق اللي مافيهم سكر وياخذونهم؟؟؟؟؟؟؟؟؟؟؟؟؟؟؟

 

[فرس بيضا]

توني بسوي موضوع عن هالحبوب
لان اشكثر بنات ياخذونهم لنزول الوزن واهم مافيهم سكر ؟؟

مادري لهم اضرار لغيير المصابين بالسكري ؟؟؟

 

[رورو15]

انا اخذتها مرتين وهذي الثانيه هي مفيده للتكيس وبعض الناس ينحفو عليها
بس اول عشر ايام تعبتني احس بدوخه وصدداع بس مع الايام يبدا الجسم يتعود عليها

 

[رورو15]

مين قال التكيس مايروح ؟؟ انا اخذت حبوب ديان شهرين وشالتهم ومره اخذت كلوفاج والحين رجعت اخذ كلوفاج لانه صار لي تكيسات من بعد الكلوميد