حبوب داخل الجفن ؟

[زعتوره]

السلام عليكم.. شلونكم؟

بنات انا صايره اوسوس واحاتي حيل

وانشالله تفيدوني وتريحوني

انا طلعت لي حبوب صغيره داخل الجفون ورحت الطبيب اول شي عطاني قطره ومرهم
وشفت ان ماصار شي ( مع العلم ان مايعوروني ) بس شكلهم من داخل يخوف

المهم رحت مره ثانيه وحولني على عيادة العيون وقالولي ان في بوحده من عيوني كيس دهن
وصج كانت فيه حبه مبينه من برا قالولي بيشيلونها وعمليه بسيطه .. سألت عن عيني الثانيه قالي
لا عادي هذي مو كيس دهن بس قطره ومرهم وخلاص... سويت العمليه امس وصج بسيطه والحمدلله راحت

وارتحت..

بس اليوم لقافه قلت بشوف ليلحين موجوده الحبوب ؟ وصج طلعت موجوده وفيه وحده صغيره حييييل طالعه برا بالعين اللي سويت فيها العمليه وفيه من داخل !!!

هم مايعوروني بس انا خايفه حيل شسالفتهم وابيهم يروحون ضاق خلقي والله
صارلي شهر


:0bee2e8d89:

اسفه عالاطاله بس شسوي

 

[ii DareeN ii]

اول شي الحمدالله على السلامة


عادي هالكياس الدهنية ترا تروح حتى ساعات بدون عملية انا كانو يطلعون لي وانا حيل خوافة قعدوني بيسون لي كوي انحشت وعلى الله وعلى كمادات الشاي الدافي راحو

 

[ريمه الكويت]

بنتي طلعت في عينها الثنتين وهم عطوها مراهم وماكو فايده وطلبت تحويل على العيون الي بالبحر عطوها كود ادويه نشتريهم من غسول ومراهم وقطرتين اشوف ماشالله راحو تصدقين من شهر اربعه طلعو فيها والمستوصف لعبو فيها بهالادويه الي مامنها فايده مافادها الامركز البحر الي بالصباح وترا هم قالو يمكن تحتاج عمليه بس الحمدلله راحو وانا اقول يمكن حساسيه من الغبار

 

[زعتوره]

مشكوره حبيبتي عالرد والحمدلله على سلامة بنتج


والله شكلي بروح مع اني مادري وين صاير


لما كتبت الموضوع كنت متضايقه حيل بس الحمدلله قريت المعوذات والحين احس عادي

 

[زعتوره]

هلا اختي دارين الله يسلمج سوري توني اشوف ردج

مشكوره عالرد والله يطمن قلبج

يعني مااتعبث ولا اراجع مستشفيات؟
والحبوب الصغيره اللي داخل هذي مالها آثار او تسبب شي؟

 

[نووووونا]

سلامات حبيبتى ,,


وما تشوفين شر ان شاءالله..

 

[الحلوه80]

حياتي انا فيني بعد جيس دهن بعيني وكان شكله غلط باين حييييييييل مثل حبه وارمه بالجفن وشلته توني من يومين
طبعا سوالي الدكتور العمليه خذت يمكن ربع ساعه وطلعت واليوم الثاني عيني واااااارمه حيييييييييييل وعطاني مرهم يخفف التفخ بعد العمليه والحمد الله الحين عيني خف التفخ وايد بس ما راح نهائيا يبيله جم يوم

 

[الحلوه80]

وما تشوفين شر

 

[زعتوره]

هلا الحلوه.. انا بعد نفس الشي

بس انتي مو فاهمه

مااقصد التفخ / اقصد الحبوب الصغار اللي داخل هم اللي مخوفيني

فهمتي؟

 

[زعتوره]

نجد << الله يسلمج والشر مايجيج


هلا الحلوه مشكوره على ردج.. انا بعد نفس الشي

بس انتي مو فاهمه

مااقصد التفخ / اقصد الحبوب الصغار اللي داخل هم اللي مخوفيني

فهمتي؟