حبوب منع الحمل تبين بفحص المستشفى؟

[Dalo3at Rayli]

حبيبتي بخصوص موضوعج ويا زوجج ،
انتي المفروض من البدايه حاطه حد لـ هالسالفه !

شلون يطقج بفترة الملجه ؟
و اهلج شنو كان دورهم و ردة فعلهم ؟
بصراحه شلون سكتوا عنه ، مادري شلون !

و فوق هاذه وافقتي تاخذين انسان ضعيف يمد ايده علي حرمه !
سوري عالكلام بس ريلج شخص ضعيف و ما عنده شخصيه
عشان جي كل شي عنده يمشي بالطق !!

دام طقج مره راح يكرر الثانيه و الثالثه و الرابعه ..
لا تصدقين احد يقولج ييبي منه عيال و بيعقل لا حبيبتي غلط
جذي انتي راح تعالجين الغلط بالغلط !!

يعني دام هاذه اولها ينعاف تاليها ،

نصيحه من اخت ديري بالج تيبين منه عيال !!
اذا عندج شك 1% ماتقدرين تكملين معاه لا تيبين !

باجر شذنبه هالياهل يتشتت بين مشاكل امه و ابوه ؟
حرام يروح ضحيه و هو ماله ذنب !
لا تتركين الحبوب و كملي لـ ما تشوفين اخرتها معاه !

انتي بالاول قعدي ويا نفسج قبل ما تقعدين معاه ،
شوفي نفسي بعد 10 سنين شلون بتكون حياتج ؟

و هل راح تتحملينه و تقدرين تكملين معاه ؟
او لا خلاص بتوصلين لـ طريق مسدود !

و اللى اشوفه من كلامج انج مو مقتنعه فيه نهائيا !

صلي و سوي استخاره و بعدين قعدي معاه
و تناقشي وياه علي موضوعكم و سالفتكم ..

و شوفي لـ وين بتوصلون ،
و الله يسهل عليج و يوفقج و يهدي ريلج انشاءالله !


-

و بخصوص الحبوب ما عندي اي فكره انشاءالله البنات يفيدونج اكثر :eh_s(7):


​

​

 

[مكاييل]

معليش ياقلبي تقصين على روحك ولا ماصدقتي تلقين احد يتزوجك تمسكتي فيه ؟!!!!

الحين طقك اربع مرات قبل الزواج ومكملة ليه ؟! انتي ماعندك حدود ؟!

ياقلبي لكل وحدة اشياء محددة ومقايس وانت مدري وش مقياسك خليك واضحه مع نفسك يعني اذا ماتبين منه عيال ولك فوق السنة معاه ومو مرتاحه اجل ليش للحين تامه معاه الرجال بيتغير ؟! يمكن ايه ويمكن لا اللي عليك الحين اتخذي قرارك بروحك وفكري زين ترا العمر ماله عوض ان راح والعيال هم زينة الدنيا مو حلو الوحدة تحرم نفسها منهم وهي السبب

 

[мadeறoselle η]

صار اللي صار
وادري الخوف مسيطر عليج من التحاليل
اكلي الحبوب او شوفي طريقة ثانيه

لا تفكرين تحملين مهما كان !
تبين حياتج كلها تضيع ؟!

حاولي تتهاوشين معاه وتستفزينه ،
عشان تلقين سبب للطلاق
خلي تفكيرج شلون تنفصلوون باسرع وقت
لا تاجلين الطلاق
عشان الله يعوضج بالزوج الصالح.

❤

 

[M!SS.LOBY]

الله يعينج

 

[زوجة عزيز]

اذا انتي تدرسين وتبين تأجلين الحمل صارحيه احسن ولا تاكلين حبوب ترا ممكن انها تاثر على صحتج لاسمح الله واذا اهو اعتدل على قولتج وماقام يمد يده عليج ليش لي الحين خايفه

 

[al-musk]

ماد إيده عليج 4 مرات قبل العرس بالملجه وكملتي ؟؟! وصارلج سنه معاه ومو مرتاحه .. ليش طيب مكمله ؟! هو واضح ومعروف بس انتي الي مو عارفه شنو تبين .. حددي موقفج وشوفي اهلج اكيد بينصحونج بالشي الزين .. وطبعا سالفه الحبوب تفاهمو عليها

 

[مولاي الفرج]

الحبوب تزيد الهرمون وتمنع الحمل بس مادري اذا يبين ان من الحبوب ولا لخبطه هرمونات بس

انا لو منج اصارحه واقوله خايفه على دراستي وجذي شوفيه شنو يقولج

بس ماقلتيلنا ليلحين يطق ولاخلاص عقب ما اهلج كلموه وليش ماتحبينه بس عشان بدايتكم موحلوة ولا ليلحينه قاسي

لازم تعرفين شتسوين لان صج موزينه كثرة الحبوب وتوج حرام

 

[مولاي الفرج]

حيرتيني الله يعينج

 

[أميرة-]

غريبة سالفتج صراحه

اول شي فترة الملجه يوم طقج مره وثنتين وثلاث واربع ماحسيتي انه الرجال مايصلح لج ولا تقدرين تكملين معاه الحين عقب ماتزوجتي صابره وتاكلين حبوب من وراه وتقولين مابي اكمل شنو تنطرين ؟

اللي قاعد تسوينه حرام انتي قاعد تغشين الرجال ومخليته تقزيره بس مو زوج

بعدين شنو سبب طقه لج وقت الملجه ؟ وشنو كان موقفج وموقف اهلج انتي استمريتي معاه يعني راضيه بهالاسلوب من البداية

انا احتريت صراحه مابري الرجال غلطان الطق عمره ماكان اسلوب تعامل بس هم غلط تقعدين مع الرجال وانتي غاشته بقلبج ماتبين تستمرين معاه وتاكلين حبوب من وراه .. لو درا انج تاكلين حبوب والله مالومه لو طقج انتي غاشته حتى شرعًا اللي تسوينه مايجوز

اذا مشكلته بس انه يمد ايده كان المفروض من ايام الملجه ومن اول مره مد ايده ماتطوفينه له بس طالما انج طوفتيها اهو تعود وصار طبع صعب تغيرينه بس يمكن انتي تستفزينه باسلوبج

 

[دانة_ دبي]

حطي النقط على الحروف

ليش الكذب و النفاق و اللف و الدوران
اللي ما تبغي عيال من زوجها و تمنع بدون علمه هذا يعني ما تحبه وما تبغي يكون معاها طول العمر
حددي مصيرج في ها اليوميين قبل لا تنكشفين و يزعل منج