ابيه شالسالفه خرعتوا البنت
انا اخذتهم سنه كامله من بعد الزواج كنت متفقه مع ريلي ما نبي عيال من اول شي و بعد كنت ادرس
اول ما قطيتهم ثاني شهر انا حامل
كنت اخذ ياسمين و بعد ولادتي اخذت ديان و نفس الطريقه قطيتهم و حملت على طول اصلا ما حسبت حسابي احمل كنت متوقعه اطول شوي لأن الدكتورة قالتلي ساعات المبايض لما تطولين بالحبوب تكسل و يبيلك 3-4 اشهر لما تحملين بس انا لأ على طول
بنات رجاء اللي مو متزوجه لا تفتي
بنات رجاء اللي مو دكتورة او متخصصه بالمجال لا تفتي
بنات رجاء ينت عمه خاله ابوك صارلها ماله داعي الا اذا كنتي انتي لأن الناس وايد تفلم هالايام
احسن شي روحي حق طبيبه نساء لو مالت المستوصف تكتبلك نوع خفيف بصراحه ما اشحع الحمل من اول شي لازم عالاقل 6 اشهر الى سنه حتى الدراسات تقول جذي عالاقل تتعودون على طباع بعض
