حبوب ياسمين

[شربات]

:68_asmilies-com: شخباركم بنات

:0bee2e8d89: آنا حدي مكتأبه من أمس بليل

لأني آخذ حبوب منع الحمل (( ياسمين )) ومن أول الشريط بعد الدورة خربطت ماكليت عدل

وأمس الإبداع الخطير :krkrkr: ما كليت حبه يوم الخميس ولا يوم الجمعة وأمس السبت كليتهم مع بعض دفعة وحده

حدي بدعت بحياتي صح (( وصار جماع )) ويوم الأربعاء هذا آخر حبه وبعدها تكرمون تنزل الدوره

مو متعمده بس والله نسيت من اللويه مع البيت واليهال والتعب :krkrkr:

شنو الحل وجزاكم الله ألف خير

على فكرة أول مرة تصير معاي آنا الحمدالله على طول منتظمة

 

[أو عبوش]

شوفي اخر اسبوع قبل الدوره فتره الحمل فيها ضعيف جدا بأذن الله


لا تحاتين


الاحتمال ضعيف واللي كاتبه ربي يصير

 

[الجفووول]

مثل ماقالت الاخت الاحتمال ضعيف لاتحاتين


حطي لزقات منع الحمل وفكي عمرج انا والله صارلي 9 شهور عليهم وحيل مرتاحه وكل اسبوع اغير اللزقه

 

[om MaRyooM]

اذا نسيتي اي حبة لاتاخذين جم حبة مع بعض !!! انتو شفيكم تدرون ان هالحبوب كلها هرمونات ليش تدمرين جسمج ..


وانشالله لاتحاتين مايصير حمل لأن قاعدة تاخذين الحبوب .. عموما لوتبتعدين عن ياسمين افضل وان مابين تاثيرها عليج الحين بيبين عقب جم شهر .. انا اقصد من تجمع سوائل بالجسم وبرود جنسي وتعكير مزاج واحيانا عند بعض الحريم تساقط شعر وانتفاخ بالريول واكتئااب وبلاوي
سأليني انا

الحين رجعت ع المانع الطبيعي شنسوي بعد


وموفقة خير ياقلبي

 

[شربات]

رد : حبوب ياسمين

جزاكم الله ألف خير على الردود الطيبة

أم عبوش : ما قصرتي واللي مكتوب عالجبين تشوفه العين

الجفول : تسليمن على نصيحة اللزقات والله ودي أجربهم بس أخاف تخون فيني (( والله يتمم لج على خير ))

أم مريوم : من الخرعة خذيتهم مع بعض ، ويييييييييه أصلاً ياسمين لاعبه فيني لعب من تساقط شعر ، لي أعصاب واكتئاب الخ ، ومعلش أبي أفهم شنو المانع الطبيعي

ومتشكرين يا حلوين

 

[aljoorey]

والله شوفي حبيبتي لاتخافين
وااايد انا اخربط فيهم مثلا اليوم نسيت اخذ الحبه بكره في الليل اخذ حبة اليوم وبكره بس مو دايما تصير هالحركه.......بس مرات اخذها كل يوم بنفس الموعد.......جوفي لاتخافين ماراح يصير حمل ان شاء الله لان اسبوع قبل الدوره الامل ضعيف للحمل واذا صار الحمدالله على كل حال اكيييد خيره
بس مااضن لان مره صارت لي حركتج بس المره الجايه لاتتساهلين وبالنسبه لتساقط تختلف من مرأه لاخرى بس بالغالب اهي تحسن مظهر البشره والشعر فالمرأه لان الي فيها هرمونات انثويه وبس اذا صارت خربطه بالهرمونات اكيد بيصير خربطه بالجسم
وبعدين حبوب الياسمين اخف انوااااااع حبوب منع الحمل لان الهرمون الي فيها مب اهو الي يفرزه جسم المرأه اهو اخف واقرب هرمون لجسمها وماله اضرار مثل باقي الحبوب
اتمنى اكوووون افتج حبوبه

 

[شربات]

رد : حبوب ياسمين

مشكورة جورية على الرد وتوووووووووووووبة أعيدها وأخربط بالحبوب

 

[عاشقة_الجمال]

احتمال ضعيف يكووون في حمل

لا تحاتين يا قلبييييييييييييييي

 

[غلاوي النادر]

حبيبتي انا كنت اخذ حبوب ياسمين لمده سنتين بانتظام والله العظيم انا الدوره ما تنزل الا بيوم 4بعد اخر حبه وكانت تضعف وتعدل البشره والشعر وهذي عن تجربتي اناااااااااااا انصحج فيها بس ها بانتظام اذا انتي خايفه تطنشينها حطي بتقويم تلفونج شهر تذكير اكل حبوب مانع بالوقت اللي تبين واذا ما تعرفين وين مكان في بيتج ما تفارفينه حطي لج ورقه ترا اذا نسيتي 4 حبات تنزل الدوره وتخرب هرموناتج وشكرا

 

[سارووونه22]

ماعندي اي خلفيه عن الموضوع عمري ماكليت حبوب مانع بس حبيت ارفع موضوعج

 

[om MaRyooM]

رد: رد : حبوب ياسمين

أم مريوم : من الخرعة خذيتهم مع بعض ، ويييييييييه أصلاً ياسمين لاعبه فيني لعب من تساقط شعر ، لي أعصاب واكتئاب الخ ، ومعلش أبي أفهم شنو المانع الطبيعي

هلا حبوبة ..


الله يسلمج المانع الطبيعي .. اللي اهو يكون الهدف خارج المرمى :eh_s(10): شلون بفهمج اكثر ؟

يعني مايكون داخل الهدف لووول يعني وظحت اكثر ..

وطريقة العد اللي اهي يصير الهدف يكون داخل المرمى بأيام الامان اللي اهي 5ايام قبل دورتج و5ايام بعد الدورة يكون safe .. هذا ان كانت دورتج منتظمة ..
وبالايام العادية الي اهي يكون فيها التبويض مرتفع يفضل استخدام الواقي


وانشالله اكون افدتج بشي

 

[شربات]

رد : حبوب ياسمين

مشكورة ام مريومة تسليمن لا أفا عليج فهمت