حبيباتي اللي تعرف بوسي كات و تعاملت معاها تدخل

[Perfect J]

امبيه
اكثر من 3 بنات نفس الشي
وما خفي كان أعظم

بنات ليش ساكتين، اشتكوا عليها
هالموضوع بروحه ما يكفي !!
يعني مو معقولة من كل وحدة اكثر من 35 دينار
بدون ادنى اهتمام للقطاوة !

لا اكل ولا شرب ولا اهتمام وفوق كل هذا امرااض والتهابات
فلوس بالهوا، لا وبعد مريني ووصليني للمكان الفلاني وين قاعدين ؟!

الله يعوض عليكم، والحمد لله ان قطاوتكم بخير
ومشكورين على التنبيه

 

[بطبط نوسا]

بطبط نوسا
مو انتي نفسها العضوه الي بمزاد الكويت هم اسمها بطبط نوسا
انتي بعد من الاعضاء الي بمزاد الكويت وقفتي ضدي بموضوعي قلتيلي لا بتعامل معاها واكثر من مره دقيت عليها وماشفت منها كلمه غلط
واااي الله يسامحج
هم نفس المرض اللي كتبته فطريات بالاذن بس عالجت قطوتي خلاص من شهر 3 وشي واهيا الحمدلله مافيها شي
انتي قوليلي شلونها قطوتج الحين ؟
حسبي الله على بوسي
كنت كاتبه بعد بموضوعي انها تأجل وتقول سيارتي خربانه واخوي يصلحها ادري جذابه عشان جذي رحت لها
سياره خربانه 3 ايام
اهيا بس تاخذ الفلوس خلاص بالطقاق القطاوه شيصير فيهم
وبرمضان وانا صايمه عسى حوبتنا ماتعداها علي سوته

اي والله ياسوسو وقفت ضدج لاني نخدعت فيعا باول البدايه
ومحد يحس الا ااذا جرباه وفعلا جربت ومقيوله الى ما يطيع
يضيع والله خذتني بسلوب وبعدين جد كنت بحاجه احط قطوتي
بمكان وصج خذت فلوس ذو احسبها لكم فوق ال80 او 100
دينار والله ستغلتني بس الفلوس تروح وتيي بس اهم شي
طلعت على حقيقتها والله يهديها تبهذلت ورب الكعبه :eh_s(11):


حمدالله الحين قطوتي مافيها الا العافيه شزين صحتها واهيا عندي
ورد كل شي مثل ما كان والحين حامل باول اسابيع والله يقومها لي
بالسسسسلامة دعواتكممم

 

[tnkora]

ودي ودي اعوف اشلوون اتعاامل مع القطااوه اتحدااكم

اذي. توديهم اابيطري اصلا حسبي الله ونعم الوكييل

 

[Qـويتية]

الله يهداها بس، ما تعرف إن هذي روح ؟ رمضان شهر الخير والرحمة، ربي يحاسبها على الي تسويه بهالمساكين .
​

 

[tnkora]

هذي هدفها الفلوس

 

[شربـــات لـــوز]

بنات بوسي كات الي رقمها فيفا واسمها حنان ؟؟؟

 

[canadiannh]

السلام عليكم جميعا اخواتي العضوات - بالنسبة لبوسي كات اذا كانت السيده التي تتكلمون عنها اسمها ام يوسف تسكن حولي وعندها سيارة بيضاء اعتقد لانسر -
ان كانت هي انا مسامحتها دنيا واخره فانا لي ايضا قصة معها بالنسبة لقطتي لم تنصب علي بالفلوس حرام لكن اخذت قطتي واختفت وطلعت روحي على ما جابتها - على العموم انا اكتب هنا لاقول لكم ان كانت نفس هذه السيدة فقد انتقلت الى رحمة الله تعالى - هي صحيح صغيره بالسن لكنها مريضة - فارجوكم رجاء خاص ان تسامحوها - هي بديار الحق الان وانتم الكويتيات معروفين بطيبتكم وبتدينكم والمسامح كبير - اذا كان ربنا يسامح الا نسامح نحن ؟ ارجوكم ان تسامحوها وتخبروا كل من تعامل معها ان يسامحها - الله يرحمها ويرحم جميع موتى المسلمين والمسلمات وشكرا جزيلا لكم

 

[روحي محمد]

مع ان مالي بالحيوانات ولا بالسالفه بس ليش احس ان العضوة الي قبلي هي نفسها الي انتو تتكلمون عنها بوسي كات بس خافت من حوبتكم
المهم الله يهديها ان كانت حيه وان ماتت الله يرحمها ويغفر لها

 

[عروسة الكويت]

مع ان مالي بالحيوانات ولا بالسالفه بس ليش احس ان العضوة الي قبلي هي نفسها الي انتو تتكلمون عنها بوسي كات بس خافت من حوبتكم
المهم الله يهديها ان كانت حيه وان ماتت الله يرحمها ويغفر لها

^

أنا معاج !
الله يهديها بس

 

[بنت ديارتى]

لا ياجماعة الخير الخبر صحيح

انا من يومين دخلت على المزاد ولقيت الخبر عن وفاة بوسى كات

وهى اسمها الحقيقى حنان وساكنه بعبدالله المبارك وامها بحولى

وتلفونها فيفا بالفعل فتصلت عليها اشوف الخبر صحيح ولا لا

وبالفعل رد على اخوها وقالى انها توفت من اسبوعين بساكة قلبية

ادعولها بالمخفره والرحمه واعفوا عنها عسى ربى يعفى عنا جميعا

ان لله وان اليه راجعون

الموت علينا حق ولا يضمن الانسان نفسه طرفة عين

اسمحولى اسفه على التدخل

 

[نمله معضله]

… لا تعلييق …

 

[غلاى الغويليه]

اصلا بوسى كات معروفه بالنصب


وماشاء لله كل العضوات الى قالو عن وفاه بوسى كات مشاركاتهم 1 و3
يبا احس الموضوع جذبه عشان تخفف من دعاوى الناس عليها واذا كانت صج ماتت لله يرحمها

ولله اعلم

 

[canadiannh]

الله يسامحكم - رجاء عدم اساءة الظن انا لست بوسي كات ولا لي اي صله بها اصلا انا جنسيتي كندية وبوسي كات كانت تعمل بهذا المجال قبل قدومي للكويت - ولا لي اي علاقة بها - انا عرفت وفاتها بالصدفة عندما كنت ابحث عن ذكر للتزاوج مع قطتي - المرأة توفت الله يرحمها هذا شيء مؤكد فرجاء لا تسيئوا الظن اذا كنتم لا تريدون مسامحتها فلا تذكروها بسوء لان هذا حرام - الله يسامح الجميع

 

[Ańwăr Almlěssờń]

canadiannh


انتي شنو حارج ؟

وحده ظالمه لا رحمت لا انسان ولا حيوان شكو تقولين هالكلام لنا و الله يسامحكم ومادري شنو شهالفلم الهندي

الله يسامحها اهيا و يغفر ذنوبها اذا كانت ماتت صج و الله لا يسامحها اذا كانت حيه و بس

 

[ليدي هيفا]

هلا حبوبات

انا من زمان عن هالموضوع

حصل خير حبيباتي و ان هي توفت الله يرحمها و يغفر لها

و اذا هي حيه خلها تكثر استغفار و تتوب لرب العالمين

انا مسامحه الكل سواء اساء لي او لشي يخصني

حبيباتي انتو

يا حلو اساميكم و تواقيعكم

في توقيعين اعجبوني

راعية تبني القطط و الكلابه يا حلوج و الله يوفقج

و راعية موضوع ارحمو من في الارض يرحمكم من في السماء بدعتي يا حلوج والله

أحبكم في الله

 

[canadiannh]

الاخت انوار انا في اول مداخلة لي حبيت اخبركم انها ماتت عشان تسامحوها - لكن المداخلات التي علقت على مداخلتي
اتهمتني اني اعرفها وانه فيلم مصري لكي تسامحوها فكتبت باني مش من طرفها ولم اراها الا مرة واحدة عندما اخذت قطتي وانا لم اغلط بشيء بالدفاع عن نفسي فلا استحق منك مثل هذا الرد مع الشكر الجزيل لليدي هيفا كلك ذوق

 

[myoom]

بنات داشه اقرا مواضيع قلت يمكن استفيد بشي يديد حق كوكيه
جان يلفت نظري هالموضوع واسمه .. لاني تعاملت مع بوسي كات !

انصددددددددددددمت

اول شي وقبل كل شي اذا ماتت فالله يرحمها وعندها رب يحاسبها ..وصدقوني اذا كل الكلام اللي قريته صج !
فالله يعينها على ماسوت والله واعلم ان كانت تابت او لا .. لكن كلنا من كنا بالروضه واحنا ندري ان امرآه دخلت النار بسبب قط..
فمابالكم تعذبهم ووتاجر فيهم!!

بس انا اخترعت مع ان الحمد الله لك يارب ..قطوتي عندي
ماذكر متى تعاملت معاها يمكن شهر ٩ السنه اللي طافت كنت متردده بس قطوتي عورت قلبي تحن وقلت بزوجها مابي اي شي !لاني احبها واخاف عليها

دقيت عليها اسلووب ماشالله ! وطمنتني واخترت الذكر اللي ابيه

لما وصلت بيتنا وعطيتها كوكي حتى امي نزلت معاي بالشارع تكلمها من كثر ماكانت خايفه وامي ارتاحت وقالت لنا قصه حياتها انها تحب القطاوه وان ماعندها عيال والقطاوه مثل عيالها ويملون حياتها!

انا قاعده وابجي لاني بفقد قطوتي خخخخ وامي ارتاحت وعورها قلبها عليها
وكل يوم اتصل فيها اول الايام تقول انها كله تقعد بروحها وماتاكل <<وهذا شي طبيعي لانها خايفه
بس بعدين تقول عطيها وقت وتتعود

المهم ١٠ ايااام قلت خلاص ماابي اذا ب ١٠ ايام ماصار معناها ماتبي خلاص .. وردتها قالت ان صار التزاوج.. بس طبعا ماصار لان كوكيه ماحملت..

حبيت انقل لكم بهالموضوع لاني تعاملت معاها وهذا اللي صار وردت لي قطوتي بس انا اقولكم مفعجووعه عالاكل وضعفانه وماكانت نضيفه بس الحمد الله مافيها امراض ..



كوكيه حملت من الشارع خخخخخ
وماحبيت ابيع عيالها لاني احب كوكيه ونفسيا احس اني عذبت قطوتي وتاجرت بعيالها واستخدمتها للتجاره
فوزعتهم على اهلنا وناس نعرفهم ..وحلفتهم يهتمون فيهم ..

وكان باقي واحد لان يشبه ابوه شعره سبايكي خخخخ فاتصلت على بوسي كاات عشان تتبناه..
بس ماردت ..
والحين عرفت انها متوفيه ..

راحت لرب يحاسبها والله واعلم يمكن تابت قبل موتها ..
فالله يرحمها ويحاسبها على اعمالها ..

 

[تحب اختها]

مشكورات على التنبيه حبيباتي

بس لي تعليق خارج الموضوع

انتبهوااا من الحلف بغير الله مثل قول (( والكعبه المطهره و راس اهلي وغلاة امي ))

هاذي واو قسم .. ومايجوز القسم إلا بالله ... وتراه شرك فإنتبهوااا

اللهم اني اعوذ بك ان اشرك بك وانا اعلم واستغفرك لما لا اعلم