حبيباتي الوالدات .. ما هو الطلق ؟ اوصفي لي الطلق !! ما أعرفه

[زين ودلال]

اييلج عوار بالبطن او الظهر او اثنينهم كل 5 دقايق

وبين كل طلقه والثانيه يروح الالم جنج جذااابه وعقب 5 دقايق يرد اللي يلويج لواااي ماتقدرين تقعدين

بالولادتين صار فيني جذيه

الله يسهل عليج يارب

 

[PuPa^^SWeeT]

الم غريب


كانه مغص الدورة


لكنه بصووورة يحسسج بالبداية انج اتدلعين

و كل فترة اتلاقينه يتقارب

حتى يكوون بصووورة ماتقدرين تاخذين نفس


كانه شي يضربج اسفل الرحم و يبي يطلع

 

[نور دنياه]

ااااب
بجريه وماعندي فكره

 

[:: Diva ::]

لا اله الا الله
مخيف الوضع


الف شكر لكم كلكم
الله يسهل عليكم و يخفف عنكم و يثبت اجنتكم و يرزقكم بر ابنائكم
ما قصرتوا

 

[ام فواازي]

الم الطلق مو شرط يكون قوي
انا بولدي كنت احس بالم بسيط حيل يروح ويجي شكيت فيه رحت الطبيب خذيت تخطيط قالو طلق ولما فحصني طلعت مفتوحه 4 سانتي انصدمت لان بعيالي اللي قبل اتعدا التاسع واروح يولدوني بس هالمره ولدت بالاسبوع الثاني من التاسع

 

[قلب الزعابي]

انا في ولادتي الاولي ماكنت ادري بربي
لا دم ولا ماي
رحت الدختر علي اساس اسوي صورة للجنين واتطمن
قالت لي خليني اجيك علي الرحم
اول ماجيكت كنت اربعه سم ماشاالله
وقالت ولاده
طبعن يوم جيكت علي الرحم طلع دم ولازم يطلع
عقب رحت المستشفى اللي بربي فيها فنفس اليوم قلت لهم نزل علي دم
وولدت الفير الحمدلله

اما عن الويع كان ماينوصف من الظهر للبطن
ولازم حد يهمزج يخفف الألم
ولا تنسين تتنفسين شهيق وزفير هالعمليه وايد تساعدك
انصحج لا تفكرين فالويع ولا تحطينه فبالج عشان ماتخافين
صدقيني اول ماتشوفين النونو بتنسينه وهاي نعمه من رب العالمين
والله يسهل علينا جميعا

 

[Model Look]

باختصار الم يبجي لما تبجين من الالم يعني هذا ألم طلق

 

[جـــواهر]

عوار الدوره اضعاف اضعافه
طبعا العوار الاقوي طلعة الراس

الله يسهل ع كل حاامل

 

[مزيونه وشقره]

وعليكم السلام

حبيبتي الله يهون عليج وتولدين بالسلامه

 

[:: Diva ::]

الله يخليكم و يطول بعمركم خواتي
شكراً على الرد

9 اغسطس جربته و عرفته من وصفكم
فعلا كان منظم كل 10 دقايق بعدين صار كل 7 دقايق
و الالم يكهرب دقيقه و يروح
لين صار كل 5 دقايق الي امسك النفس من العوار
بس لما رحت الطبيب كنت بس 2 سم ..

و ولدت للمره الثانيه قيصريه
مع اني كنت ابي الطبيعيه

الحمدالله على كل حال

 

[عيون ملكيه]

الله يهون عليج

قربت ولادتي اذا ولدت بقولج هههههه لأني بجريه