حبيت واحد مريض بالسرطان ..!

[حجيه هيونه]

زين الى عرفتيه على حقيقته الحين مو بعدين

ويمكن زوجته ماتركته من السرطان الله اعلم من عمايله


خيره لج وباجر ربج بيعوضج وعلى قد نيتج بيعطيج

 

[MiSsY HottY]

والله انه ناكر للجمييييييل ما صدق تشافا عطاج طاف

 

[القصيدة]

السلام عليكم و رحمة الله و بركاته

الله يعوضك خير غلاتي و يبرد على قلبك

أنتي الحين منفعلة لأنك مصدومة و تتألمين

لكن لما يرتاح قلبك راح تعرفين انو خيرة لك بإذن الله

الله يوفقك و يسعدك :eh_s(17):​

 

[Pumpkin^Spice]

الحمدلله*طلع*على*حقيقته*قبل*الزواج..*الله*يرزقج*بالاحسن

 

[r0007]

يمكن الريال ما حبج اصلا من الاساس

وعدج بالزواج لانه رجال معيوب مطلق ومريض بالسرطان
مين بيطل بوجهه
يوم شفا واستقوى قطاج
ولااا تشيلين هم
الله حسيبه
حوبتج فيه وفعياله وزوجته
مين يدري يمكن يرجع له مرض الخبيت وتهده مرته
ويمكن من الاساس مافيه السرطان بس حاب يتسلى معاج
والله هذولن مايخافون الله
ربي حسيبهم ان شاء الله
الله ينتقم من كل ظالم

 

[I don’t care]

حره قلب تحسبي عليه دايم وكل ماذكرتيه قولي الله لايسامحك ولايحللك لادنيا ولاخره
معروف كلهم كذا قريب ولابعيد معليش انتي باول الصدمه صلي ركعتين وادعي تسينه ويمسح عليك ويطلعه من قلبك بتشوفين نفسك مع الوقت نسيتي ابو ام جابته

 

[نونو العصله]

لا تتحسفين عليه ما يستاهل
الله بيعوضج بواحد يسواه
اصلا بدايته غلط
ما اعترفلج انه مطلق وعنده بنت
كان ناوي يتسلى
وعقب من طاب
راح شاف حياته الاناني
وشدراج انه ما كان يتعمد يتهاوش معاج عشان يكون سبب في تركج


سلمي امرج لله
وما تدرين وين فيه الخيره
الله كاتبلج شي احسن

 

[Rola7ala]

استغفري ربك وصدقني خيره
عسى ان تكرهو شيئا وهو خيرا لكم

 

[a7la-elbanat]

خيره لج وخيره له ان شاء الله

 

[ملح @ شمر @]

انزين اختي انتي تأكدتي من تقارير طبية انه مريض بالسرطان؟!!

ترى وايد ناس ما تخاف الله ولاعبه لعب

على اي حال..المفروض علاقتج ما اطول لهدرجه.. يبيج ايي يخطبج مو يطقها صحبه 3 سنين

وخيره لج ان شا الله بس وخري عن هالطريج و ارضي باللي ايون يخطبون ان كانوا مناسبين

والله يوفقج

نفس السؤال
انتي متاكده انه مريض ؟
​

 

[كراميلا مرة]

انت غلطانه من البدايه انك تكونين علاقه مع واحد ومريض بعد
استغفري ربك واكيد مو من نصيبك

 

[سحـورة]

والله ماراح اسامحه على اللي سواه فيني والله لو توقف دخوله الجنه على إني أسامحه ماراح أسامحه
حرق قلبي الله يحرق قلبه

إستغفري ربج
كافي إنه علاقتكم كانت حرام ؟!
خلاص طنشيه و إبدي حياه جديده و ربج كريم وهو اللي يوزع الأرزاق كيفما يشاء ..
الله يستر عليج وعلى بنات المسلمين
موفقه

 

[سمسمة كويتية]

ياما بنات قصو عليهم شباب و قالولهم انا مريض بالسرطان و بالقلب و بموت عشان يكسبوون تعاطفهم و بنفس الوقت يلقونها حجة عشان ما يخطبونهم
كان المفروض تتأكدين من مرضه و ما تطولين معاه كل هالفترة
بس خلاص الي صار صار و انسيه و انشالله الله يعوضج

 

[*الهنوف*]

عفيه عليج كلامج حلو وعقلج كبير
علي اني شكيت بالبدايه ان ممكن يكون سبب بعده عنج طولت لسانج علي قولته وان كل يومين متمشكلين
بس اسلوبج مبين غير هالشي وانج عاقله

لاحبيبتي موهذا اللي تزعلين عليه وتتضايقين اللي سويتيه ال3 سنين اللي طافو اعتبريه انج طبيبه نفسيه ووقفتي جمب مريض واحتسبي الاجر بسس
هذا لما كان باردى حابتها الللهم لاشماته ماصدق علي الله ان لقا وحده توقف جمبع والحب نص العلاج
ولما حس انه ماعاد يحتاج لاحد يأزره بمحنته باعج
لو يحبج يتحمل طولت لسانج ومشاكلج لو صج هالشي
ما انتي تحملتيه بعيبه ومرضه
لكن الله يمهل ولايهمل وتحسبي عليه

وتصيحه ورجاء لاتذلين عمرج وادقدقين عليه تترجينه يردلج
عزي نفسج وقولي باجر اللي بياخذها بيقارنها فيج وشلون انتي كنتي واقفه معاه

وانتي ردي له الصاع واول مايتقدم لج رجال زين وافقي وقولي هذي هدية ربي لي وعوضه
تقبلي الخاطب بانه من السما من ربج يجبر خاطرج فيه
ويامحلا هدايا ومنح الرب

ادعي ان الله يطلع حبه الخسيس من قلبج ويرزقج بللي احسن منه ولد ومومتزوج وعافيه ربي من مرض
وشدراج يمكن لو انتي متزوجه المريض ورد له المرض ومات وترملتي عشان جذي ربي مايبي لج الالم الاكبر
وكاهو حبيبيج الخسيس قالها لج اتركج الحين ولا اتركج بعد مانتزوج جنه ..مادري انا فسرتها ان ربي ابعده عنج لان ممكن يرد المرض له ويموت وتصير مصيبتج مصبتين

اسفه اذا في بدليات لان اكتب من الايفون وصعب اني اصلح الكلمات
وربي يوفقج بللي احسن منه

 

[احساااااس انثى]

يمكن خيييره لك ماتدرين ...
الله يرزقك بأحسسسن منه يارب...

 

[أعشقه]

والله حركته سخيفه وفيها خبث.. لا تدعين ولا تتحسفين خلي الي سوتيه لوجه الله وهو بيجي له يوم
الدنيا دواره .. وماتدرين الخير لك وين فيه ربي كاتب لك الافضل والاحسن منه ..
هذا وهو مريض ماخاف ربه فيك .. بس وش تقولين عاملتيه باصلك ..
ترى لو وش نقولك مانقدر نعرف حجم القهر الي فيك .. لان انتي لي مريتي بهالشي ..
ربي يعوضك بالاحسن والافضل .. الافضل لك نسياااانه مايستاهل تحرقين قلبك عشانه ..

 

[سعودييييه هع]

الي يحب عمره مآيكره ، ولايتمنى شر لحبيبه حتى لو تركه واذاه

ماتدرين وش السبب الحقيقي يمكن من شده حبه لك قرر يتركك لانه خاف عليك من بعده ، > تصير كثير

يمكن يأس من حياته

ويمكن اساسا ماخطب ؟

حطي احتمالات كثير ~

ويمكن زي ماقلتي وحتى لو كذا ، لاتخلين مجال بقلبك للكره ،

اهم شي تذكري بينك وبين نفسك كيف كنتي وفيه ومخلصه وكيف وقفتي معاه >( مع تحفظي على سالفه حبيت وتعرفت)

وبتحسين بالرضا عن نفسك وهذا الاهم

وكما تدين تدان ، كل خير تسوينه ، بيرجع لك والعكس صحيح ........

بالتوفيق ~

 

[سويت فانيلا]

حبيتي انااحمدربي اني مومتزوجه كويتي كان انتحرت لانه لايعجبه العجب ولاصايم بارجب امه الاجنبي يقدرج

 

[.. آبيك لي ..]

ومني والطريج تحبيت وتصدقين اي شي ؟

 

[كوكو_شانيل]

حبيبتي احتمال كبيير ما يكون فيه شي

اتخيلي .,.. ريلي (زوجي .. يوم اتعرفنا على بعض قالي بعد فترة ان فيه الخبيث ..
لييييييييييييش مااااااااااااااااادري اف مننهم وعلى جذبهم البايخ

وعقب اعترف ان مافيه شي وحتى باسمه جذب علي

لكن الله كبير ههههههههههههههههه صرت زوجته بالاخير وراه ورااه

بس حبوبه لا تزعلين نفسج .. حاولي تتفاهمين وياه لو هالشي يريحج

وان صدج .. خلاص

اتصبري واستغفري ربج وايد .. الا هي كم يوم وتنسينه