حب من طرف واحد

[لهفة لقانا]

السلام عليكم
اخواتي هذي اول مشاركة لي وطمعانة انكم تساعدوني
مشكلتي وا قصتي هي اني احب ولد عمي من واانا صغيرة وهو مايدري يعني من طرف واحد والكل متوقع انة لي يعني يقولو لي بضحك فلانة لفلان اتمنى فهمتو علي هذا اللي زاد تعلقي فية المهم ذاك اليوم صارحت اختة اني احبة
وانبسطت بالمرة وقالت اني رشحتك لة وهوو واهلي موافقين ومبسوطين انه يخطبك وحسيت من كلامها انة كمان يبيني وبعدين ندمت اني قلت لها لان حسيت اني نزلت من كرامتي يعني مو شخصيتي اني افرض نفسي على احد واقول اني احب اخوك اخطبيني لة هذا اللي فكرت فية :eh_s(22): المهم اابي اسالكم اللي سويتة صح ولا غلط لو انتو مكاني سويتو اللي سويتة ولا لا؟؟

 

[عاشقه رويشد]

اممم اذا انتي ميانه ويه بنت عمج احس عادي وراح تدري مو قصدج واذا الله كاتبه لج بتاخذينه والله يوفقج

 

[لهفة لقانا]

عاشقة الرويشد مشكورة وماقصرتي على ردك
اية انا وبنت عمي قريبات من بعض واسرارنا لبعض

 

[شذى2007]

ياقلبي من رااااي لو اني مكااانج مستحيل اسويه هالشي بس احمدي ربج انهم يعني يبووونج بالاسااس لان تخيلي مافكروا فيج بعدهااااااااااا يخطبووون غيرج شنو يكووون شعورج وانتي قاايله لاخته لان هالسالفه صاارت لناااس اعرفهم مسكينه البنت قااالت لبنت عمهااا انهااا تحب اخوهااا لكن للاسف اهما مافكروا فيهااا لان يبووون لولدهم بنت ثااانيه فعلا تزوج الولد والبنت شنو استفااااااااادت تلقينهااا الحين ندمااااااااانه انهاا قالت لبنت عمها

عالعمووم الله يكتبه من نصيبج

 

[لهفة لقانا]

مو هذا اللي كنت خايفة منة انهم مايبوني ادعولي بنات انة يتقدم لي
والله خايفة انهم يخطبون له وحدة غيري واتفشل وبنت عمي تنحرج مني
مشكورة على الرد

 

[معزوفة عشق&]

^^

خلي املك بربك كبير
والله يجمعكم ع خير وبالخير

 

[لبابة]

حبيبتي أنتِ قلتِ لها وخلاص صح ؟
ليه يضيق صدرك وتفتحين مجال للشيطان يلعب عليك .!

اللي عليك الحين هو إنه إذا فتحتوا الموضوع مرة ثانية قولي لها إنك فعلاً تحبينه وتتمنينه بس مقتنعة بالنصيب وإنه لو ماكان من نصيبك ماراح يضيق صدرك عشان لو صار وخطبوا له وحدة ثانية مايقعدون يناظرون لك إنك مازلتِ تحبينه وينحرجون منك .

والله يوفقك يارب لما فيه خير لدينك ودنياك :eh_s(17):

 

[لهفة لقانا]

همس المشاعر
لبابة
مشكورررين لردودكم
الله يقدم اللي فية خير

 

[خيل بلا فارس]

لا عادي حبيبتي اهم شي اخذتي واحد تبينه بالطقاق نظرات الناس خل ياكلون تراب الحين الرياجيل يخطبون لبناتهم ناس مايعرفونهم انتي قريبج

 

[Leila]

ان شاءالله يكون من نصيبك

 

[عل ماباس]

الله يجمعكم على خير

 

[لهفة لقانا]

تسلمووون كلكم على ردودكم
وربي اني ارتحت لما قريت ردودكم الله يجزاكم خير

 

[ASOMA]

الله يجمعكم على خير

 

[al3sooola]

تبين الصراحه غلط اللي سويتيه

 

[حلاوه ودلع]

يآقلبي مدام بينكم ميآآنه و آسرآركم لبعض مآعليج ترآها بنت عمج مو غريبه عليج

ويآرب آلله يجمعــكم وتفرحينآ بخبر خطوبتكم ان شآء آلله

 

[معشوقه سعود]

يارب انه يكون من نصيبج وتكفين ادعي لي يكون الي بالي من نصيبي يارب

 

[حبي حيآاآتي ّ]

أول شيء ياقلبي انتي قلتي لها السالفه وانتهى الموضوع ليش تجلسين تضيقين خلقك هو صح غلط من ناحيه وصح من ناحيه ثانيه غلط لانه اخاف مايخطبونك وتفشلين عند اخته بس ماعليه اذا تمونين عليها مافيه مشكله وصح لانك تكلمتي مع احد عشان ترتاحين ورب ضارة نافعه لاتضيقين خلقك بالطقاق اللي في الكون بيكون اسمعي نصيحتي..سوري على الهذره الزايده

 

[عاشقة هواك]

عاااادي ما فيها شي

موفقة حبيبتي

 

[أحلى البشر]

بالعكس صح اللي سويتيه السيده خديجه لما عجبتها اخلاق الرسول صلى الله عليه وسلم قالت حق مره وهالمره كلمت الرسول عليه الصلاة والسلام ومافي احسن من السيده خديجه رضي الله عنها
الله يوفقج ويتمملج على خير

 

[عالمي انا غير]

التعبير عن المشاعر مو عيب عادي اهم شئ ما كلمتي هو قلتي لاخته ويارب يكون من نصيبك وان ماكان من نصيبك يمكن نصيبك يكون احسن منه