حب 3 سنين .. ويبي يخطبني بس !! ((ساعدوني))

[وصوف]

اييييييييه
صح
التهيت بسالفتي ونسيت صاحبة الموضوع
الله يوووووووووفقك
وتجينا تبشرينا
بخطوبتك

 

[قلبها خالد]

الله سبحانه راااح يعطيج على قـــــد نيتج


ونعم بالله ...

 

[Gyaahib]

هونيها وتهون
كل متوقع ات
إذا توقعتي أنكم بتتزوجون بإذن الله بتتزوجون
وصلي وأدعي وخاصه أوقات استجابه الدعاء
أستغفري بنية زواجج
وين السر تفاااااائلي أي أفكار تشاؤمية علطول فكري بعرسكم وفكري بنفنوفج وشكلت عروس معاه
واليوم جمعه ماراح انساج في دعائي لان تقريبا أنا ونأتي نفس الوضع والاختلاف انه امه خلته يملج
بس أنا متفااءله أن في يوم راح أنكون مع بعض​

 

[مدّهره !]

مااآدري شنو أقترح عليج

بس إن شااء الله اللي مرت بنفس تجربتج تسااعدج


والله يووفقج وويكتب لج الخير ...~

 

[[ مطر ]]

انا أمر على أقسام المشاكل لأني أحب اكتسب خبرة من الناس
و اكتسب خبرة من مشكلات الناس
بس ما ارد عليهم لاني اشوف الناس ما قصروا ماشالله يردون
بس انتي حسيتج تحتاجين أشخاص وايد يردون عليج
و عندي كلام بقولج اياه

بقولج ان الزواج قسمة و نصيب
و لو الله كاتبلج حياة مع الشخص هذا راح تتزوجينه لو شنو ما صار
و لو مو كاتبلج خلاص بتفترقون

الموضوع و ما فيه انج لازم تكونين واثقة ب الله و بس
لازم تكونين مؤمنة ان اللي راح يختاره لج ربج في خييييره
لا تضايقين و تعفسين حياتج وماتاكلين و تحبسين نفسج و ماتبين تشوفين الناس
بيغير شي هذا ؟
بذمتج بيغير شي !
ولا احد درا عن هوا دارج لو سويتي جذي

حبيبتي الحياة عبارة عن اختبارات
عبارة عن تجارب سواء صعبة او سهلة
لازم تكونين واثقة ان المكان اللي الله يحطج فيه
اهو المكان الصح
اهو المكان اللي في خير حقج

انا على سبيل المثال .. عندي قناعه تامة ان كل شي يصير قضاء و قدر
و مكتوب و مقدر .. و هو تجربة و اختبار !
لعلمج ان مرة صارت سالفة كانت راح تمس شرفي !
يعني الشرف اغلى شي مافي اغلى منه و كنت اواجه المشكلة بهدوء
بدون صراخ و غضب و اعتزال عن الدنيا
واجهت المشكلة هذي بهدوء تام .. صج كانت فترة قاسية علي
بس كنت أدري ان هالشي في خيرة لي
و ان الله اختارلي هالشي و برضى فيه لو شنو !
و رضيت و الحمدلله ! و تخطيت هالمشكلة وشرفي و لله الحمدلله بحفظ من الله ما مسه احد !
ولا صار شي .. تخطيت المشكلة بهدوء و حمدت ربي بعدها
من هذي التجربة .. تعلمت ! تعلمت وايد !

انتي تجاربج لازم تعلمج لازم تكونين واثقة ان الله يختارلج الاحسن
كررت الجملة عليج كذا مرة
عساس تعرفين ان في قضاء الله و قدره خيييييييييييييييره
لا تزعلين .. لا تبجين .. لا تعتزلين الدنيا .. لا تخربين دراستج اذا ما تزوجتيه
قولي يارب انت اعلم بحالي فهل يا سيدي فرج قريب
قولي يارب انت تعلم ويين الخير لي موجود سخرلي اياه
و ثقي بالله .. ثقي فيه و خلج قنوعة

ادري طولت بالكلام حبوبة
بس اتمنالج كل التوفيق بحياتج
و ان شاءالله لو في نصيب يارب يرزقج هالريال
و يرزقج كل خير بحياتج
​

 

[أنفاسي دخون]

الله يكتبلش اللي فيه خير وصالح

 

[manoooram]

الله يسهل أمورج ويكتب لج اللي فيه الخير
لا تشغلينه حاليا وخليه لمن يتخرج
يكلم أمه بجدية عن موضوع الزواج
ولا تبطلين عليه الموضوع خليه من نفسه يتكلم ويبدي هالخطوة

 

[سندس 90]

حبيبتي إنتي مكببره الموضوع
ارتااحي ماكو مشكله كبيره
انا بصراحه توقعت غير عن مذهبج
او اصلج
او جنسيتج
اما كل شي تمااام بس ان ماعنده شهااده
عااادي سهالات إن شالله تشوفينه دكتووور


الله يجمع بينكم بالحلال ويوفقكم

 

[IT shadow]

الله يسهل اموركم
ويرزقكم بعض ويكون خير لج يارب
ويرزق كل اثنين يحبون بعض بالزواج

 

[مــســك]

حبيبتي الله يتمم على خيرر .. هذا الي عندي ..

وبشرينــآ ..

 

[f6oOomii]

جوفي حبيبتي انشالله الريال يكون من نصيبج وماكو ريال ماعليه زلات كل شباب عليهم سوالف عادي بس لمهم ان انتي الاساس ويحبج ولصبي مبين ذابح عمره عليج ويحاول يسوي اي شي عشان تكونين له وانشالله تكونون لبعض وخووووش فكره ان ايلج الحين ولله اذا يالج وخطبج وزين خل يقول لاهلج انج رفيجت اخته واذا بتوهقون على هل موضوع يمكن يقولون منو لبنيه وامج ماتعرف اخته او شي قولوا ان جافج بالجمعية او بمكان ولحقج لي بيتكم ودل بيتكم ويالج وان يبيج وشاريج وخايف انج تروحين منه لانج كبيرا فيبي يخطبج او ملجه على ما يكون نفسه وانتي تخلصين دراستج وانتي فهمي اهلج قولي انا ريال مرتاحه له وانا وحدا بكمل دراستي مو مستعيله على العرس وهل حجي وانشالله الله يقدم الي فيه الخير

 

[نسيت ننفسي]

يالله عليج نفس موضووعي بالضبط

 

[نسيت ننفسي]

بس الفررق هو بعيييد حييل مع ان مافي موانع بينا تمنع من الزوااج لكن الله كريم يعطي كل واحد ع نيته :eh_s(15):

 

[Laidy n3ooma]

اذا هو من نصيبج بتاخذينه لو انه ماعنده شهاده وحافي منتف ومن من الجنسيه

واذا هو مو من نصيبج مراح تاخذينه لو كان ولد الامير

شوفي بالبدايه قولي لهم ان كنتي طالعه مع رفيجتج او قاعدين بكافتيرا الجامعه ورفيجت رفيجتج شافت رفيجتج وقعدت تسولف واستانست وكم مره قعدت وياج وجذي وكانوا يدورون حق اخوهم .. وعقبها قولي حق امج ان هل بنت تبي تخطبج وانها خذت رقم بيتكم من رفيجتج وتوها رفيجتج كلمتج وانصدمتني وانحرجتي وجنج ماتدرين ومستحيه وعاد قولي لها انا اشوفها تلمح وتتكلم عن اخوها ماتوقعتها تقط نغزات علي واكيد امج بتسألج شقالت عن اخوها قولي لها تقول ان كيت وكيت وكيت طبعا قعدي مدحي بس مو وااايد عشان ماتشك وقولي لها كأنها قالت لي ان اخوها شهادته ثانويه وبيكمل جامعه ويانا بجامعه الكويت ومن هل حجي .. جسي نبض امج شوفي ردة فعلها .. اذا حسيتي انها مو متقبله نطري ودوري طريقه غير بحيث تعرف انج تبينه و اذا قالت الله يكتب اللي فيه الخير ولا بنشوف اذا اتصلوا وجذي قولي له يقول حق امه ادق