حتى وهو داش الحمام يآخذ موبايله معه

[فوفو22]

الموبايل من ضمن الممتلكات الخاصه للشخص ولا يجوز العبث بهم

والكل الحين عنده موبايلين خاصة للي يملكون ايفون لانه بطاريته بسرعه تخلص

لازم معه نوكيا للظروف

هذا واقع بصراحه

ودي اجاملج اكثر

بس بصراحه حتى انا ادخل الموبايل معاي الحمام

اقرا مسجات وبرودسكات وغيره

بيني وبينج هالامور اللي نسويها غلط

وان شاء الله نخف منها

فوفو

 

[a7la-elbanat]

عادي يعني ولاتنسين ان التلفون جزء من الامور الشخصيه الخاصه يعني الريال عنده اهتماماته واموره الخاصه المفروض اهي ماتتدخل
وتحترم خصوصيته وتثق اكثر بنفسها وبزوجها

 

[نـوف]

عاااادي ولاتضااايق عمرها ولا تفكر بالموضوع
اهم شي انه زوجها زين معاها ويعاملها عدل واذا بيخربط مايشوف شر له رب يحاااسبه مو جاهل عشان تعلمه الصح من الغلط
انا زوجي يسوي جذي ولما سالته قال العب فيه بالحمام ومرات ادخل عليه الاقيه قاظب الفون ويلعب سيارات
وبعدين لو بطلت فونه ولقت بلاوي الدنيا عنده اشراح تستفيد غير حرقه اعصابها والا اهو عايش حياته مستانس
خل تطنش وترتاح

 

[om al ghaleen]

شدعوه من اولها شك ؟
عادي انا لادخلت اخذه معاي
هل يعني انا وحده مو زينه !

مااحب انبش بتلفونه ولااساله شتسوي فيه
دام مريحني وزين معااي خلاص بعد ليش اييب عوار الراس

 

[miss_7sawiya]

تدروووون بنااات على سالفة التلفووون ميخااالف
عيل شتقووولووون عني مجرد ما اطلع الدار بغير حق ولدي مولوود يقفل الدااار والمصيبة مو اول مرة بس انا شاااكة فيه بسوووي حمله لمن اصيده لووووول

 

[كويتية بروما]

يمكن فيه امساك يقعد يلعب قيمز بالموبايل لما يخلص

 

[DO7AWE]

إستغفار جميل جدا

يقول الشيطان: أهلكت بني آدم بالذنوب فأهلكوني بالإستغفار يقول الله سبحانه وتعالى

استغفروا ربكم إنه كان غفاراً(1) يرسل السماء عليكم مدراراً (2) ويمددكم بأموال وبنين (3) ويجعل لكم جنات و يجعل لكم أنهاراً (4)
*******
تعال استغفر معي
أستغفر الله العظيم من كل ذنب أذنبتـــــه
أستغفر الله العظيم من كل فرض تركتـــه
أستغفر الله العظيم من كل إنسان ظلمتــه
أستغفر الله العظيم من كل صالح جفوتــه
أستغفر الله العظيم من كل ظالم صاحبتــه
أستغفر الله العظيم من كل بر أجلتـــــــــه
أستغفر الله العظيم من كل ناصح أهنتـــه
أستغفر الله العظيم من كل محمود سئمته
أستغفر الله العظيم من كل زور نطقت به
أستغفر الله العظيم من كل حق اضعتــــه
أستغفر الله العظيم من كل باطل إتبعتـــه
أستغفر الله العظيم من كل وقت أهدرتــه
أستغفر الله العظيم من كل ضمير قتلتـــه
أستغفر الله العظيم من كل سر أفشيتــــه
أستغفر الله العظيم من كل أمين خدعتــه
أستغفر الله العظيم من كل وعد أخلفتـــه
أستغفر الله العظيم من كل عهد خنتـــــه
أستغفر الله العظيم من كل امرئ خذلتـه
أستغفر الله العظيم من كل صواب كتمته
أستغفر الله العظيم من كل خطأ تفوهت به
أستغفر الله العظيم من كل عرض هتكته
أستغفر الله العظيم من كل ستر فضحته
أستغفر الله العظيم من كل لغو سمعته
أستغفر الله العظيم من كل حرام نظرت إليه
أستغفر الله من كل كلام لهوت به
أستغفر الله العظيم من كل إثم فعلته
أستغفر الله العظيم من كل نصح خالفته
أستغفر الله العظيم من كل علم نسيته
أستغفر الله العظيم من كل شك أطعته
أستغفر الله العظيم من كل ظن لازمته
أستغفر الله العظيم من كل ضلال عرفته
أستغفر الله العظيم من كل دين أهملته
أستغفر الله العظيم من كل ذنب
أستغفر الله العظيم من كل ما وعدتك به ثم عدت فيه من نفسي ولم أوفي به
أستغفر الله العظيم من كل عمل أردت به وجهك فخالطني به غيرك
أستغفر الله العظيم من كل نعمة أنعمت علي بها فاستعنت بها على معصيتك
أستغفر الله العظيم من كل ذنب أذنبته في ضياء النهار
أو سواد الليل في ملأ أو خلا أو سر أو علانية
أستغفر الله العظيم من كل مال إكتسبته بغير الحق
أستغفر الله العظيم من كل علم سئلت عنه فكتمته
أستغفر الله العظيم من كل قول لم أعمل به وخالفته
أستغفر الله العظيم من كل فرض خالفته ومن كل بدعة إتبعتها

 

[Lady H]

دقي عليه كل ما دخله الحمام
ما راح يتهنا

 

[بزه المرتزه]

ويييييه عااااااديييييييييي
لا تفكرين بالشي الي مو زين
يمكن مثل ما قالو البنات يتسلى فيه
و الحين اغلب الرياييل عندهم تلفونين
بس نصيحه لا تنبشين
وحطي ببالج اذا فيه شي الله بيكشفه لج
بس لاتعورين راسج وتفكرين ترى عادي
كلهم جذي

 

[monyy]

انا ما انصح الوحده تنبش بتلفون ريلها
ليش اعور راسي
و اذا نبشتي حطي ابالج ماراح تقدرين تواجهينه لان اذا عرف انج منبشه راح يقلب السالفه عليج بانج تغافلتيه و نبشتي و غير هذا راح يكون في حاجز بينكم الي اهو ( الثقه ) انتي راح تتعبين من الشك و اهوا ماراح يثق فيج لانج بعينه مو قد الثقه

 

[pink chiffon]

ريلي قبل جذي يا 24 ساعة مجابله وادري ان ماعنده شي جم مره اطل فيه القاه يحوس بتويتر يتقرا اخر الاخبار

وان دش الحمام التلفون يدش قبله بس قلت له شدعوة كله ويا هالتلفون احنا مانشوفك الاجم ساعة قط الفون وجابلنا فالبداية قالي ماعندي شي الا اخبار بس بعدين خف وااايد

 

[omaseel]

عادي انا زوجي. علي طول ماسك تلفونوه بس يكون فيس بوك او تويتر

 

[miss.unique]

انا اودي تلفوني الحمام مرات هههههههههه

عجبني رد ورود كويتية

خلا تاخذ تلفونها الحمام وياها كل مرة .. و كل مكان
واذا سألها خلا تقوله عادي حبيبي شفيك

و نصيحة لا تنبش ولا تحسسه بالشك عشان لا يخش طول الوقت يمكن ويا الزمن يخف هالهوس بالتلفون

 

[Reem]

آنا مع انتس تقولين له (ليش) لاتسكتين حتى لو عروس شدخل يعني لازم تفهمين ولو اني مكانتس ماسكت

كلميه ب اسلوب ولاتخلينه يدري ان الموضوع موضوع شك

 

[mrs.inona]

هههههههه


انا ريلي يدخل فونه الحماام و عنده فونييين و انا عندي فونييين بعد

بس مصفيه النيه معااه

مابي انبش و انصدم

 

[كاتم الأحزان]

الحمدلله والشكر ~~~~

خليها تاخذ تليفونها معاها بالحمام واذا سألها ليش ماخذته معاج حتى بالحمام ...

تقوله : شفيك ياحبي عادي حتى انت ادخله معاك بالحمام >>>>>> وحده بوحده

بصراحه وربي سجلت بهالمنتدى بسبب هالموضوع


قعدت اضحك ع البعض بردودهم والبعض بصراحه مو مقنع ولا باالاخلاق ولا بالمعنى


اما رد هالعضوهـ بصراحه رد مقنع وبمحله هههههههههه وبنفس الوقت اذا هو غيور على زوجته 100% راح يخاف ويبطل السالفه خوف على زوجته تنحرف ولا تسوي شي من وراهـ


واذا ماهمه ولا يعمل لها اي حساب سلامتج تنسى السالفه لو تدخل وياها ريال الحمام ماسئل

ام البعض من قال ادخل انا بعد معي الحمام واقراء قصص وجي بصراحه مع احترامي هذي شكلها البنيه اللي مو كافيها زوجها وشكلها ماتزوجت الا بس تشيل نفسها من نظر الناس وتحط نفسها بالقسم العايلي للمتزوجين ولو سوت ام البلاوي


عموماً والسموحه ع هالمداخله​

 

[ميريام فارسQ8]

والله نفس حالة زوجي مايرضى امسك تلفونه لا بعد حاط باسورد بس ما اظن انه يخوني ولا خاش عني شيء .... بعض الناس طبيعتهم جذي مايرضون حد يمسك تلفونهم معنى مافيه شيء وانا وحده منهم .... ودامه يعاملج بأحسن معامله أنسسسسسسسي

 

[احلا المزايين]

حطموك ياقلبيفلنفرض سألته ليش تاخذ التلفون معاك كل مكان
شتسوا عليها لو رد انتي شكو تلفوني وكيفي
واهو فعلا صاج اذا اجنا حريم وارقام سرية ومانرضا احد يجيس تلفوننا
يعني لازم يكون عندنا سوالف وخرابيط هاذي خصوصية مالها حق اتدخل
وتوها عروس داشة قوي والله
حتا توها يمكن ماصار لها ذاك الغلا والقدر اللي يخليها اتحقق معاه
وبعدين لهادرجة متحطمين بازواجكم لدرجة اتلاحقونهم واتراقبون تصرفاتهم واتحققون ماالومهم اذا خانوا
ع الاقل اللي يكلمها فيها ميزة اهم شي تاخذ منه اللي تبي مو مهم اتعرف عن حياته شي
وهاذا اللي مايطبقونه اغلب الحريم مسوية روحها كونان عليه
امبي عايشة له مو لنفسها الله يعين

 

[modern]

ريلي عنده ثلاثة و حاطط لهم رقم سري و بس يقعد يسهر يحطهم عالطاولة و يقلبهم حتى ما اشوف الشاشة و اذا دش الحمام يدخلهم معاه و كل هذا ما اشك فيه و ادري انه يسوي جذي عشان يخليني اغار

 

[جـــواهر]

عنده بلاوي طبعا