حجابات القطن

[sarona q8]

السلام عليكم

شلونكم شخباركم عساكم طيبين

بسم الله الرحمن الرحيم

بخصوص اني بتحجب بعد جم يوم ان شاءالله

بنات ابي طريقه اللفات بحجابات القطن شلون تلبسونهم جربت بس مو عارفه اسوي

فا ياريت تعلموني لو ما عندكم مانع واذا عندكم صور شلون ما تقصرون ومشكورين

مع السلامه

 

[البنت الحلوهـ]

ألف مبررررروك وإن شاء الله البنات ما يقصرون معاج

 

[a8wa shy]

مبروك حيآتي ​

 

[ياغروري]

الله يتمم عليك

 

[manoooram]

ألف مبروووك مقدما
حبيبتي حطي الحجاب على راسج وخلي صوب اطول من الثاني
الصوب القصير دخليه داخل بلوزتج او لفيه ورا رقبتج
والجزء الطويل لفيه على راسج من فوق والباقي من اللفه من الصوب الطويل بدل ما تخلينها طايحه على صدرج
حطيها على كتفج وبس

 

[نارنج الوادي]

حتى انا خاطري اتعلم اللفة اشوف الكويتيات هنا حجابهم سمببل وحلو يارييت تنزلو لنا صور بلييييييييييييييييز

 

[fa6oma-ba6a]

هلا حبوبه الله يتمم عليج

المشكله يبيلج احد جدامج يشرحلج
بس حصلتلح صوره انشالله تستفيدين منها

 

[MiSS B.K]

الف مبرووووووووك

 

[سوسو حبيبتى]

الف مبروك الله يتم عليكي

اكتبي على اليوتيوب

how to wear hijab

او كيف البس حجاب

بيطلع لك لينكات كتيييييييير

لان الصور مش هاتفيدك اووي ف التعليم

وان شاء الله البنات يفيدونك

 

[Angel_store]

اب اب اب

 

[سلطة]

عزيزتي لا تقولين بعد جم يوم قولي ألحين بتحجب
الله يوفقج

 

[أم حسيب]

ألف مبروووووووك حبوبة والبنات ما قصروا

 

[دلع86]

مبرووووك والله يتمم علييييج

مثل ماقالت وحده من الخوات خلي صوب قصير وصوب طويل والطويل لفييييه لي فووق وبعدين كملي لفيييه على رقبتج من جدام وطيحيه على رقبتج من وره

والله ادري شكلج مافهمتي شي لووووول شسوي ماعرف اشرح

 

[sarona q8]

مشكورين حبايبي يعطيكم العافيه

والله يبارك فيكم صج اني مو مقتنعه بس يالله شنسوي مجبورين

دلع لوووول حدا تنحت

وانا اشوف بجرب لمن تضبط

 

[DaShTeYa_Q8]

حسب خام القطن
في خام قطن اسمه الفنيله هذا وايد سترج ينشد ويمسك الويه عدل
تحطينه على راسج بدون قبعه مايحتاج و تجفسين من فوق الحجاب وتلين صوب تلفينه على رقبتج
والثاني تلفينه على راسج و الزايد قطيه ورا جتفج انتي اكيد تشوفين البنات مايحتااج احد يعلمج :\ من الشوف تعرفين سهل

وفي خام خفيييييف اسمه البدور هذا يصير معاه كلف و شوارفسكي وسوالف فتلبسين تحته قبعه
وتلبسينه مثل اي شيلة خامتها عاديه بدون جفسة حلو يصير مدور واذا بتجفسينه عادي ..