حده مو صج - أولى إبتدائي

[أحب الخير]

كل عام و انتوا بخير
بنتي الله يحفظها بأولى إبتدائي

بنات نفسيتي تعبانه ما توقعت جذي

في اول يوم دراسي حدي إنصدمت من الوضع
عدم تنسيق و فوضى و المدرسة وصخه
ماكو تكييف
تعبت نفسيتي إذا هذي أولها ينعاف تاليها


و فعلا اليوم اللي بعده
صدمه 2
بالهده زححححممه
و أولياء الأمور يدزون بعض عشان ياخذون عيالهم
و البنات يبجون و حده لويه

صدمه 3
اليوم اللي بعده فجوا الباب عشان ما يصير زحمه و طلعوا البناات بالشارع عند السيارات و صار مخامط و البنات يبجون

صدمه 4

ولا مدرسه كاتبه ورقه بالطلبات اللي تبيها
و بنتي صغيره تنسى و ما تقول إلا إذا سألتها يعني ماني عارفه شنو يبون
و غير جذي الأبلات يخرعون البنات إذا ما يبتوا و سويتوا بنعاقبج ليش مافي ترغيب بس يهددون و البنت خايفه من العقاب
طولوا متى بنشوف أبلاتهم و نعرف شلون طريقة التدريس ؟؟

صدمه 5
بنتي تقول الأبلات بس يصرخون علينا و في أبله قايله سكتوا مابي أحد يكلمني

صدمه 6
الحمامات تكرمون تخررر ماي
و بنتي تقول ماقدرت تروح الحمام لأنهم وصخييين و خربانين
و الماي حاااار

أمبيه الله يستر على عيالنا شسوي
يصير أشتكي ؟
بس وين

بنتي بمدرسة حكومية بمحافظة الفروانية
و آسفه عالإزعاج

 

[رووحي لغاليها]

رد : حده مو صج - أولى إبتدائي

الله يعينج
والله للحين ماثبتوا على الطلبات بس الخوف ذابحهم الجهال من الابلات تقول بس يهاوشونا

 

[أحب الخير]

رد : حده مو صج - أولى إبتدائي

لا آنه ما أرضى بنتي تنزف
و بعدين شنو الحل و الله متضايقه بنتي تعبانه فيها أقطها بإيد هالوحوش اللي ما يخافون ربهم

 

[برونزيه شقرا]

رد : حده مو صج - أولى إبتدائي

بصراحه الابلات امسوين رعععععععععععب حق البنات اشدعوه عليكم
هذي طفله وارجع أقول طفلللللللللللللللللللللللله المفروض تعامل بالحسنى
بنتي اذا نست شي والله تموت من البجي ونياح وخوف ورعب ليش ليش العلم نور مو تخروع
الله يهديه المعلمات لبناتنا هذا اللي نقدر عليه

 

[حلم الطفولة]

الله يعينج ،

 

[Dorur]

زين حاولي تنقلينها حق افضل مدرسة نموذجية بمحافظتكم

 

[عشق]

رد : حده مو صج - أولى إبتدائي

هذي اولها ينعرف تاليها

والله يستر على عيالنا

والله انا اكثر شي اخاف عاليهال وقت الطلعه يهدون اليهال ويروحون الشارع يركضون
مافي رقابه

 

[جورىة2]

كل عام و انتوا بخير
بنتي الله يحفظها بأولى إبتدائي

بنات نفسيتي تعبانه ما توقعت جذي

في اول يوم دراسي حدي إنصدمت من الوضع
عدم تنسيق و فوضى و المدرسة وصخه
ماكو تكييف
تعبت نفسيتي إذا هذي أولها ينعاف تاليها


و فعلا اليوم اللي بعده
صدمه 2
بالهده زححححممه
و أولياء الأمور يدزون بعض عشان ياخذون عيالهم
و البنات يبجون و حده لويه

صدمه 3
اليوم اللي بعده فجوا الباب عشان ما يصير زحمه و طلعوا البناات بالشارع عند السيارات و صار مخامط و البنات يبجون

صدمه 4

ولا مدرسه كاتبه ورقه بالطلبات اللي تبيها
و بنتي صغيره تنسى و ما تقول إلا إذا سألتها يعني ماني عارفه شنو يبون
و غير جذي الأبلات يخرعون البنات إذا ما يبتوا و سويتوا بنعاقبج ليش مافي ترغيب بس يهددون و البنت خايفه من العقاب
طولوا متى بنشوف أبلاتهم و نعرف شلون طريقة التدريس ؟؟

صدمه 5
بنتي تقول الأبلات بس يصرخون علينا و في أبله قايله سكتوا مابي أحد يكلمني

صدمه 6
الحمامات تكرمون تخررر ماي
و بنتي تقول ماقدرت تروح الحمام لأنهم وصخييين و خربانين
و الماي حاااار

أمبيه الله يستر على عيالنا شسوي
يصير أشتكي ؟
بس وين

بنتي بمدرسة حكومية بمحافظة الفروانية
و آسفه عالإزعاج

حبيبتى على حسب المدرسة انا بنتى باولى ابتدائى حكومة واول يوم مسوين حفلة وعطونا الطلبات ولعبوا اليهال
ثانى يوم يبتداى النظام شوى والهدة تاخذين بنتج من داخل المدرسة شغل منظم وتقول بنتج الابلات يصرخون يمكن علشان تسكت الى يبجوووووووون ويا كثرهم ليما اول اسبوعين وهم يبجون,حبيبتى روحى الادارة وشوفى شنو الوضع وشالطريقة؟؟؟
والله يعينج حبيبتى ويوفق بنيتجججججججج:tek:

 

[كويتية صغيرة]

رد : حده مو صج - أولى إبتدائي

غريبة والله
شنو هالمدرسة هذي
حرام عليهم
اشتكي عليهم و كلمي الناظرة عن كل ملحوظاتك
واذا شفتى المشكلة من الإدارة نقليها مدرسة ثانية احسن
لان حرام مو كل المدارس جذيه حرام عليهم جذيه تكره المدرسة كلها


من سوالفي مع قرايبنا و عيالهم
بالعكس وايد مدارس اول يوم سوولهم حفله و خلوها يوم مفتوح حق اولى ابتدائي بس يلعبون
و عطوهم هدايا من الجمعية اللي بمنطقتهم
و جابو شخصيات كرتونية علشان يستانسون

ومدارس الصبيان ....خلوهم ياخذون الكتب و يتعرفون على مكان صفهم و تكرمين مكان الحمام و المسرح و بعدين رجعوهم البيت بعد ماوزعوا عليهم الكتب لان كلهم حضروا اهلهم معاهم اول يوم فخذوا عيالهم معاهم و ماخلوهم يكملون اليوم كله علشان مايملون
ثاني يوم شوية يبدا الالتزام
ووقت الهدة اولى ابتدائي فقط ياخذونهم من داخل المدرسة
وباقي المراحل لا نفس باقي المدارس برة يكونون قاعدين او بالاستراحة



انتى لاتسكتين وبلغي الإدارة عن كل ملحوظاتك و الله يعينك على المدرسة

 

[dob106]

ما شفتى شئ الظاهر هذى اول واحد عندج يروح المدرسه الله يعينج ويعينا وياج

 

[أم عبووووود]

الله يعينج حبيبتي ويبلغج ببنيتج يارب

وصلي ملاحظاتج للادارة ون شالله كل يتعدل

 

[om al ghaleen]

عشنا وشفنا
هذي معآناتي من 5 سنوات ولاحياه لمن تنادي
وامس ولدي بالروضه الابله قايله له ماابي منك ولانفس ولا حركه
زين مايسويها على نفسسه من الرعب "

//

 

[الأميرة جوري]

رد : حده مو صج - أولى إبتدائي

اي مو مانعين الطرق اشتغلوا بشغله ثانيه التخرع بنتى تقول يمه انا اعرف الاجابه بس اخاف انها مو صح وطقنى تقول يممممه عصاها طووووووووويله ومن غير الصراخ <<عسا ما شر تصارخون شسالفه فيني حره علي هالمدرسات مايخافون من دعوه مستجابه ؟؟

 

[توتاتوتا]

بنت حماتي اولى بعد اول يوم صرخت عليها ابله من الروعه زاعت =(استفرغت) مسكينه و اليوم الي وراه عيت تروح المدرسه و غيبوها بس بعد ا لمساحل اليوم داومت

 

[درب الحنة]

رد : حده مو صج - أولى إبتدائي

لا حول لله

 

[توتيه]

يربي من المدرسات ليش يسون جذي ماعندهم عيال ميخافون عليهم
بس حياتي لاتسكتين دشي على الناظره وقوليلها ملاحظاتج

 

[رفرف]

سالفة الهده بروحها قصة ..
احنا اذا عندنا مناوبة نروح نييب البنات من ورا ظهر المدرسة !! واصلين لي اخر الدنيا ولي ناديناها تبجي تقول اهلي يهاوشوني قالولي نطرينا هني .
هاذي لو احد يخمطها بسيارته من درا عنها ؟؟ ما يخافون على عيالهم ؟؟

انتي وصي بنتج تنطرج بمكان معين عند الباب عن الزحمة والمخامط والسيارات .. قوليلها ما تتحرك لين اتيينها ..
والطلبات روحي عند الاخصائية واخذي منها طلبات المدرسات ..
والصراخ الله يعينكم لأن في مدرسات مغصوبين ع التدريس ويحطون حرتهم باليهال وعليه هذول لو تشتكين عليهم مالهم حل

 

[semaasem]

الله المستعان