حدي فصله وموصاحيه ...

[غمزه وإبتسامه]

رد : حدي فصله وموصاحيه ...

هههههههههههههههههههههه ضحكتيني


يالله ابدي سيااسه جديده مع نفسج كل ماجيتي تتحجين او اتسلمين على الناس الي مو لازم تسلمين عليهم عضي الساانج قولي لاااااااااا انا وحده جديده يوم ويومين وثلاث واربع بتغيرين لان العاده تبطلينها اذا امتنعتي عنها سبع مرات او 12 مره او 24 مره والله يرززقج على نيتج الصااافيه يااارب

 

[$ النيره $]

.


مبين عليج و ربي أنج طيبه و حبوبة و اتهبلين و الله =) !
بس صدقيني هالشي مآ ينفع ..
يعني أنتي أوكي على نيآتج لمآ تسولفين مع هاذا و تظحكين مع ذآك
مآكو في بآلج شي و لا شطآنه بس جذي تسولفين و مو حآطه في بآلج شي ..

بس هالشي و أنتي مآ تدرين رآح يأثر عليج
حتى الي تسولفين معآهم يمكن جدآمج يستانسون عليج يقولون وناسه بنت فري .!!!
مو مثل البنات الثقااال وييع مآ يتحآجون ! :|
بس هالشي رآح يأثر عليج يا قلبي صدقيني .. و بدون لا تدرين يمكن يتحجون من ورآج
ديري بآلج على عمرج حبيبتي .. و لا تطيحين الميآنه مع الكل
خصوصا مع الشباب لأنه أول شي و قبل أنه عيب أهوه حرآم
يعني على اي اساس تسولفين معآهم و تطيحين الميآنه :| ! هاذا شي غلط و عيب و حرآم !
و مو حلو حق البنت .. ترا المجتمع و اسمحيلي على هالكلمه وآيد وآيد وآيد يحتقر البنت الي جذي ..
الثقل أحلى شي بالبنت و الشباب مهمآ يسولفون معآج صدقيني وقت الصجيه
اذا يبون يتزوجون يبون وحـده ثقيله مآ تتكلم و لا تظحك مع الكلمه
بأختصار مآ يبون وحـده رقله بغض النظر عن نيتهآ أو اذا كانت طيبه و لا مو طيبه !

انا ادري أنتي يمكن تقولين بس انا مو بنيتي شي و لا شي !
و يمكن تقولين انا طيبه و الله كلهم اخوآني لا أكثر و لا اقل .. بس اسمحيلي اقولج
حطي بالج على نفسج و دييري بآلج ترا رآح تندمين صدقيني اذا ظليتي على هالطريج !
أوكي تبين تظحكين تبين تطيحين الميآنه طيحي الميآنه مع البنات ..
أحسن ممآ تصيرين علج بحلوج الشباب ..

و الله يهديج و يوفقج يارب ..
فديتج تقبلي النصيحه و انا مآ قلت هالكلآم و يمكن يجرحج و شديت بالكلآم شوي
الا لأني أبي مصلحتج و مصلحه البنت بثقلها و أدبها !



.

معاها .. [ ]

 

[شوارفسكيه :$]

--------------------------------------------------------------------------------

اقتباس:
المشاركة الأصلية كتبت بواسطة الـــغـــلآ

^

..حطي ابالج انج جوهره تصعب على كل انسان و مو اي احد يطيح الميانه معاج خليج على طول جديه وغيري شخصيتج من الحين خلي لج هيبه خلي محد يتجرأ يتكلم عليج او يسولف معاج او حتى يضحك معاج باسم الغشمره او الميانه..!

لا تنسين يا قلبي انتي بنت والبنت سمعه مثل الفوطه البيضه اي نقطه سوده تبين بكره شلون بينفعج هالضحك لا تحجى عليج اللي يسوى واللي (مآيسوى)
الله يهديج و ويوفقج يآرب...~



كلامج عدل مئه بالمئه

 

[دلوووعة أبوهـآآ]

رد : حدي فصله وموصاحيه ...

هههههههههههههههه والله ضحكتيني اسلوبج اينن

بس بنفسسس الوقت ضـآآآق خلقي !
تدرين ليش؟
لانج ذكرتيني بعمري ,, للاسف للاسف انا كنت جذي مثلج ويمكن زود بعد ,,
بس خل اقولج سالفتي عنوونه يمكن تغير منج شوي ,,

تخيلي انا على نياااتي وايد وطيووووبه وامي كله تقول ماعرف اتصرف وو وو الخ!!
وصج عاد ماكنت اعرف اسوي شي
بس فالحه اطيح الميانه مع الكل علبووو على حسن نيه وموقصدي شي

الله وكيلج اول ما دشيت الجامعه ,, خاصه !
فـ عاد ماكانت تفرق معاي زميله / أو زمــــــيل ؟؟
قمت اسولف مع هذا واقول حق هذا واتناقش مع هذا ,, علبووو شنو؟ دراسه !!!
ومو قصدي شي وو وو الخ

اخرتهااا ,, قام يوصلني حجي يشل القلب :ِ|
تخيلي اللحين انا كنت اتناقش معاهم داخل الكلاس ومع الدكتووور يعني مو بروحي وطاقه الصحبه معاه
وصلني اني خفيفه وراعية شبااب ومو سويييه وو وو وو الخ

امبيييييييييييه شوي كلمة انشليت علي !!
يعني تخيلي تمشين بوسط جامعه تقول عنج جذي؟ احراج صح !

مو حلووووه بحقج كلش كلش كللللللللللللللللللش
والله اخذيها مني لاني مجررررررربتهاااا

والله انا اللحين 3 سنه بالجامعه وبتخرج السنه اليايه ,,
من يوم صارت ذيج السالفه
وانا لا عندي رفيجات بالجامعه
ولا احاجي اي احد
حتى منتدى الجامعه هديييييته
ادش الكلاس واطلع ع السياره على طووول
ماعطي ويه احد كلشششش! ~

سأليني شنو صار بعدين؟
كلللللللللللل من قال حجي و ألف كلاااام
اجتمعنا معاهم مره باجتماع اجباري مسويته الجامعه بنات وشباب

وفيه قدمت برزنتيشن ,, يوم خلصت تخيلي والله ,, والحمـــــــــــــدلله
الكل الكل شباب وبنات يوو اعتذرووو مني وقالو مو قاصدينها ومن هالحجي ,,
طبعا قلتلهم شكرا ومشيت ,, << وانا بداخلي دمعه حابستهااا


امانه شنو تسوى عليج تفقدين سمعتج؟ وانتي ماكان قصدج شي
والله ثم والله انها ما تسسسسسسسسسوى

حسيت فيج ومابيج توصلين للي صارلي ,,!

اللحين انا رجعت احترامي لي ,, وعرفت ان البنت مو اي احد تسولف معاه حتى النظظظظظره ماتعطيها لاي احد ,,
صج اللي سويتع كان بقصد الدراسه !!
بس مووووو كل الناس طيبه وعلى نياتها مثلج
لآ لآ لآ ,, في ناااس شياطين استغفر الله يحبووون يطلعون حجي ويخربون على اللي جدامهم

ثقلي ولا تعطين ويه حق احد
لان محد بيفيدج
تبين تسولفين؟ دقي على اي احد تعرفينه اختج امج بنت خالتج الخ !

اما الباااجي والله انج ماتدرين اهما شنو يقولون بقلووبهم والله يجازيهم اذا ظنهم فيج شين !!


اتمنى انج استفدتي من قصتي؟؟

 

[صآعده تحت}..]

رد : حدي فصله وموصاحيه ...


ههههههههههههههههههههه

الله يهديج مو من صالحج

 

[البطريقة البردانة]

مبين عليج صغيرونة حلو ان الواحد يصير اجتماعي و دمه خفيف و يخالط الناس بس لازم يختار الناس الصح مو الكل و في ناس ما تتقبل خلي البرستيج و الكلام الفاضي على جنب الأهم إحترامج لنفسج و رضاج عنها يعني حلوة شخصيتج بس لازم مع الناس اللي تعرفينهم يعني القشمرة و السوالف تكون بمكانها الصح لإن مو حلو التصنع بعد ......خليج مثل ما انتي بس مثل ما قتلج وجهي كلامج للناس الصح و اللي تربطج فيهم علاقة طيبه

 

[honey lust]

حلو الوحده تكون عفويه بس عاد مو لي هالدرجه
و الشي اذا زاد عن حده ينقلب ضده
دايما خلي كلام ابوج اببالج
ولا تكثرين سوالف خصوصا مع الريايل ترا صج مو زين
باجر تطلع عليج سمعه مو زينة

 

[مشتاقه لك يبا]

رد : حدي فصله وموصاحيه ...

الله يهديييييييج

 

[سمو الغلآ]

رد : حدي فصله وموصاحيه ...

بعد عمري يا حلااااااااات التوواضع ..~~

بس كل شي وله حد يعني الرياجييل وقفي عندهم ستوب لا تضحكين ولا حتى تسلمين عليهم ..~~<<بيسلمون كيففهم

 

[sho-sho_93]

لووووول يحليللج وكلام ابوج صح

 

[اسرار الغلا]

ان الله لا يغير ما بقوم حتى يغيروا ما بانفسهم

حاولي تغيرين نفسج بنفسج بدون طبيب نفسي ولا شي المساله بسييييييييطه جدااااااا

 

["اسطورة العشق"]

عاااااااااااادي عيشي سنج و استانسي على طبيعتج ..

بس طلع نكج شي و شخصيتج شي ثااااااااااني لووول

 

[Ray.Bana =$]

رد : حدي فصله وموصاحيه ...

ترا الرياييل مايحبون اللي جذي يحبون البنت التكانه اللي ماتعطي وي ديري بالج وألحين خليهم يغيرون نظرتهم فيج يعني اذا احد حاول ياخذ ويعطي معاج عطيه نظرهـ تخليه ينقد على روحهـ وامشي بس اذا احد سلم ردي السلام وبس امشي لاتاخذين وتعطين الا مع البنات

 

[miley]

طيحي الميانه مع البنات وبس هذي نصيحتي
طبعن مو اي بنت
اللي تشوفينها تستحق
ومن ناحيه الرقاله عندي وعندج خير
لوول
بس حاولي تثقلين

 

[جروح خالده]

رد : حدي فصله وموصاحيه ...

لايغرج اللي معاج بالدوام يضحكون معاج او اي شخص يعرفج تسولفين معاه وتضحكين مستانس عليج

لاتري هوناقد علييج !! وعلي تصرفاتج ويمكن في ناس تفكر بشي ثاني وياخذون عليج انطباع موحلوو !!

خاص شبابنا ينقدوون علي كل ششي ؟؟
انتبهي وحاولي تعدلين تصرفاتج وتخلين اشوي تكانه وثقيله وكل شي له حدود باجر كل شي بينقلب علييج

 

[شغـــف]

حلو الواحــد يكــون مفرفــش وحبــوب


بس


الثقل صنعهـ

 

[حجيه هيونه]

رد : رد: حدي فصله وموصاحيه ...

طبعج حلو بس مو حق كل احد يعني العمال و السواق ما يصير الواحد يتمادى في التعامل معاهم مو تكبرا بس عشان تحافظين على نفسج و الريايل عموما خلج في حدود الشغل و بس عشان لحد يقط عليج كلمه مني و لا مناك اما اذا كان مع الاهل و الصديقات بالعكس حلو الوحدة تكون مرحة و تضحك اللي حواليها بس بحدود وقت الجد جد .

بصراحه اتفق معاها

 

[حبيبتي إختي]

رد : حدي فصله وموصاحيه ...

الاعتدال حلو بكل شي يعني الوحده ما تكون نفسيه وشايفه نفسها على الكل ولا تكون مطيحة الميانة مع كل من هب ودب

مبين انه شخصيتج وروحج حلوة .. بس البنت بشكل خاص لازم تكون ثقيلة والا الكل بيتمادى عليها ...
حاولي تغيرين من اسلوبج تدريجيا وان شاء الله بتقدرين مع الوقت تتغيرين.

والله يوفقج

 

[نور النـور]

حبيبتي مو زين جذي قضبي نفسج شووي
مو مع اي احد تضحكيين
خليلج كرامه شوي
باجر اي احد يمر ويطنز عليج وانتي ماتقدرين تقولين له شي والسبة انج اصلا مطيحه الميانه

جذي اطيحين من عين العالم

 

[غرور وايل]

بصصصصصصصصراحه حدج غلطااانه


شباب هالايام مايبوون البنت الخفيفه اللي تسوولف مع هذا ومع ذاك

حبووبه لازم تثقلين بصصصراحه ياحلوو الهيبه
لا يتي الدوام والكل يحترمج ويخاف منج والعلاقه بينكم بسس السسسلام