حدي محتاره وابي مساعدتكم

[** Noura **]

السلام عليكم ورحمه الله وبركاته

شلوووووونكم خواااتي شخباركم

واااايد حبيت المنتدى من رووووحكم الحلوه وانكم على قلب واحد والله يخلينا لبعض يارب

انا ابي اقولكم سالفه صارت لي وابي مساعدتكم وادري مراح تبخلون علي بنصايحكم


الله يسلمكم من شهر 5 تقريبا بهالفتره هاذي لاحظت شخص بالدوام معنه وايد اشوف ريايييل عندنا بس حسيت هذا

غير او بالاصح اول شخص يلفت نظري لما اشوفه اقول بقلبي ياحلاته الله يرزقني بالزوج الصالح يارب ويوم من الايام

طلع قبلي من المواقف وانا صرت وراه عشان اطق الكرت تخيلو جدامي وابتسم لي ابتسامه تعور القلب وانا حدي

مصدومه معنه ماعرفه ولاشي بس يشتغل فوق عندنا وصج ياني شعور غريب من ناحيته وعقبها اكتشفت انه

تقريبا بالمواقف مجابلين بعض مع هذا قلت مالي شغل وصار نظرات من ناحيته انا سويت نفسي مومهتمه بس

ملاحظه نظراته وتعودت عليه وصرت احب اشوف اهتمامه فيني ونظراته لي عقبها بفتره في ناس اخطبوني وكنت

استخير معنه اهو على بالي بس تعوذت من الشيطان قلت استخير يمكن يكون من نصيبي الشخص اللي خاطبني

وكان يوم الخميس وانا طالعه الاصنصيرات 2 انزلو مع بعض اهوا من ناحيه اليسار وانا اليمين مع صديقتي بس

طلعتي راح تكون يسار صوبه اهوا تخيلو نزل الاصنصير التفت وشاف اني راح اطلع صوب مسك الباب لين حس

انه حطيت ايدي ومشى وانا حزتها كنت افكر بموضوع اللي خاطبني وطبعا انصدمت من حركته وبنفس الوقت

استانست بس مليت وايد طول وانا مليت من هالنظرات مانكر اني حبيته معنه ماصار بينا اي كلام بس يطالعني بنظرات

ومره صدفه بالاصنصير كان موجود كنت حدي متوتره واهو بعد بس هم نظرات من طرف عينه قلت بغير موقفي صج

غيرته وكنت اشوفه بشوف يلاحظ ولا لا وصج يوم من الايام لاحظني لدرجه انه بغى يطوف باب اللي يدخل منه حق

الاصنصير بس ماتكلم ولاشي بس نظرات وساعات يبتسم وساعات احسه يحب يسمع سوالفي ويضحك معنه والله

مومتعمده بس اتصدقون بنات والله حبيته وتعلقت فيه واختي الكبيره قالت خليه يولي شالحركات واهوا عمره 30

ادري بتقولون شلون عرفتي في موظفه مره يابت بطاقته تبي تستعلم واهيا تعرفني وتعرف البنات وعرفت عمره

وساعات اقول شنو مراهق يسوي هالحركات بس عمره ماتجرأ يقط كلمه ولايسوي اي شي والحين رديت نفس

موقفي ويطالعني بنظرات بس انا صايره اعطي طاف لانه بس تعبت بس لازم اسوي جذي انا ادري بتضحكون علي

لما اقولكم شنو اللي خطر في بالي بصراحه انا قلت اكيد بيطرش احد عشان يكلمني بالموضوع انه يخطبني شي

بس ماصار الشي اللي ابيه وخاصه اهل امي واهل ابوي قاطعين وانا للحين ماتزوجت وهالشغله مسببه لي ازمه

والله معنه كل شي بيد الله سبحانه وتعالى انا مالي بهالسوالف والله وماعطي وي وطاف بس صج خلاني اتعلق

فيه اسوي نفسي مومهتمه بس البس النظاره عشان اشوفه يطالعني ولالا
والمشكله اذا عطيته طاف احس يهتم وساعات يسوي نفسه مومهتم وعادي بس
والله يبين عليه لدرجه انه لما يفتح باب السياره يطالع وحتى لما يركب السياره يتم يطالع


* تتوقعون يحبني ؟
* وليش هالحركات وليش ماطرش احد معقوله يلعب ؟
* شتفسرون نظراته ؟

​

 

[~LiBrA~]

رد : حدي محتاره وابي مساعدتكم

حبيبتي يعني هذا شغلكم بس مقزرينها نظرات؟؟؟

يعني لي متى؟؟؟

ولو الريال حابج ويبيج جان يا كلمج مو بس حركات مراهقين من بعيد لي بعيد

وانتي كلش لا تطاعلينه وخلج ثقيله لا تبينين انج مهتمه ترا مهما يكون حتى لو يبيج الريال مايحب البنت الخفيفه والي تخوزز من بعيد

ادري بتقولين ماشافني وانا اطالعه بس اكيد في مرة من المرات تصادفت عيونكم

وخلاص كلش لا تعطينه اهتمام اذا يبيج يقدر يسأل عنج واييلج

ونظراته كلها علشان انتي قاعده تطالعينه

 

[احلى البنات25]

الله يعطيج على قد نيتج

 

[ايام وردية]

رد : حدي محتاره وابي مساعدتكم

لا حبيبتي ما اتوقع يكون يحبك

لانك مهتمة فية ومتابعة حركاتة يتهيأ لك انو يحبك

لاتخلين الشيطان يوسوس لك ولاتردين الخطاب لاجل شخص ماتعرفينة الا بنظرة وحركة

الله يسعدك يارب

 

[M!Ss Smart]

اختي انتي خليج ثقيله لاطالعين وتلفتين كلشش سوي نفسج عادي مو مهتمه ماتدرين يمكن نيته زينه ويمكن لا فأنتي خليج تكانه وماعليج منه صارت ويه وخطب اهلا وسهلا ماصارت ما انتي خسرانه شي
بعدين اذا تقدملج واحد زين استخيري واذا حسيتي انه خير تزوجي لاتنطرين واحد مافيه منه امل

 

[توفـــا]

لو يحبج ويبيج ايي بيتكم ويخطبج غير جذي هذا يلعب ولا حاب يسوي علاقه حب وهل خرابيط ويعلقج فيه وبعدين يطنشج لا تراقبينه كلش كلش ومع الوقت بتنسينه واذا في نصيب بينكم بصير ويطلب ايدج من اهلج

 

[KOKO_284I]

رد : حدي محتاره وابي مساعدتكم

موتقولين رفيجتج اتعرفه او اخوها يعرفه خلي يلمحله

انا اقرا الموضوع زهقت لقول الحين يتغير الحدث بس مافي شي صار

وانتي ما مليتي اخذي اكشن سوي شي . فلمي سوي اي شي فشي توايرج وطلبي يصلحها اي شي : )

 

[الغاليه ام احمد]

يمكن ابتسامة زميل عمل

شافج تطالعينه وابتسم

يمكن الريال متزوج

 

[منيرة خالد]

هذا اللي فيج وسوسة الشيطان

وترا الرياييل يخزووون عاادي بلاغة شف بس مو قصدهم خطبه وزواج



لو يبيج جان تحرك من زمان >>> فكري باللي اخطبج والله يوفقج

 

[nsoom777]

لانج تحبينه ومهتمه فيه علبالج اهو بعد مهتم فيج ويطالع كل حركاتج مثل ما تسوين
حبيبتي هذا الوسواس تعوذي من ابليس ولا تبينين اهتمامج فيه لاحد ولا له واذا الله كاتب لكم تكونون مع بعض
او اذا ما في نصيب الله يرزقج بالزوج الي يحبج ويحافظ عليج

 

[nsoom777]

لانج تحبينه ومهتمه فيه علبالج اهو بعد مهتم فيج ويطالع كل حركاتج مثل ما تسوين
حبيبتي هذا الوسواس تعوذي من ابليس ولا تبينين اهتمامج فيه لاحد ولا له واذا الله كاتب لكم تكونون مع بعض
او اذا ما في نصيب الله يرزقج بالزوج الي يحبج ويحافظ عليج

 

[** Noura **]

رد : حدي محتاره وابي مساعدتكم

ام حيدر : صح كلامج بس اهوا اكثر شي ويسوي حركات تلفت الانتباه حتى لو ماكنت صوبه ومشكوره حبيبتي

احلى البنات 25 : امين يارب

ايام ورديه : ان شاءالله يالغاليه

مس سمارت : صح كلامج ماني خسرانه شي وبعدين يمكن عشان اول مره تصير معاي

توفا : صح كلامج والله واختي قالت لي نفس الكلام لانه قمت اتضايق من نظراته وبعدين مومراهق اهوا

koko : ابيه لافشله ماحب اسوي هالحركات واهوا اذا يبيني يعرف يتصرف بدون هالحركات وثانكس ياقلبي لوووول قاعده اتخيل الموقف لوووول

الغاليه ام احمد : صح كلامج انا مادري اي شي عنه ويمكن متزوج

منيره خالد : اي والله صدقتي اختي


احب اشكركم والله يعطيكم الف عافيه وصح كلامكم وعلى فكره انا مارفضت الشخص اللي تقدم لي عشانه لاوالله تدرون نصيب ولا بالعكس ودي اتزوج بس سبحان الله النصيب ربج لما يسهل الامور يسهلها لج وان شاءالله الله يرزقني بالزوج الصالح يارب

 

[** Noura **]

رد : حدي محتاره وابي مساعدتكم

nsooom : حبيبتي والله ما اوسوس حركاته واضحه اهو بس مثل ماقلتي مراح اهتم وبعطيه طاف والله يرزقني بالزوج الصالح ويرزق الجميع يارب

 

[الفنانة لؤلؤة]

الله يسهل أمورج ويرزقج بالزوج الصالح إن شاء الله

 

[شوشو الشقيه]

يسلمو اختي
اولا انتي اشدراج هو عازب والله متزوج
لو هو متزوج تره اغلب الرجال ما يلبسون خاتم في اصبعهم
لو متزوج ما يصير تبنين احلام على فشوش يعني اوهام
لو كان متزوج بتخطفينه من زوجته طبعا المفروض يكون عندج ضمير متزوج المفروض ما تكلمينه ولا تناظرين
وتحترمين شعور زوجته
لو انتي متزوجه ترضين احد يطالع زوجك ويتصيد زوجك
حطي مكانك مكان الزوجه
وثانيا
افترضي يحبك
يعني الي متى النظرات
حبيبتي لو بتجلسين على نظرات عمرك بيروح منك
ولو بتجلسين على كلام الحب تره عمرك بيروح منك لا طايله سما ولا ارض
من كذا اخذي الي متقدم لج
على الاقل تحصلين على عصفور في يد ولا عشره على شجره
وثالثا
لو هو صدق يحبك معجب بك صدقيني
ما ينتظر كثير ولا يماطل كثير و لا يبقي كثير مباشره اقل شيء شهرين
هو جايب امه على بيتكم
اختي الرجال ما يحب البنت خفيفه ثقلي
وراج مصروعه على رجل
اختي تره هو لا اخر واحد ولا اول واحد رجل
تره في الدنيا واايد رجال يعني لا تكون مفزوعه عليه
في رجال احسن منه واحلى منه واجمل منه
ولا تعطينه وجه اقولج نصيحه مني
تره الرجال لو حط بنت في باله يعرف يوصل لها لو كانت تحت الارض
صدقيني
لا تسوين شيء
بس شوفيه لو صدق يحبك هل يتحرك والله يبقي جالس على نظرات
اقولج شيء هذا الي تحبينه ما منه فايده
شنو نظرات
المفروض يتحلحل ويحرك نفسه
مو يجلس يطالع فيج
صدقيني على تبقين عليه تراه ما منه فايده الي متى نظرات والله كم سنه الي ما تصيرين عجوز
هههههههههه
على الاقل يحرك نفسه لو صدق يحبك
يثبت لك حبه
بس هذا شكله ما منه فايده اقولج اقبلي اي واحد يخطبك
من اختك شوشو الشقيبه

 

[DốǾốDї]

حبيبتي خلج على الي خاطبج

هذا واضح قاعد يتسلى

لو يبي جان من اول سال عنج وتحرك وسوا شي

لا تضيعين الفرصه منج طيعيني

 

[قطووه حلووه]

رد : حدي محتاره وابي مساعدتكم

حبيبتي بقوولج شي لااتزعلييين


شبااب هالاياام جذي عااادي يخز مليوون وحده بنفس الطرييقه تالي الليل يرووح حق زووجته او يكلم حبيبته ورفيجاااته انتبهييي وشوفي الي خااطبينج وشاارينج ابررررررك

 

[** Noura **]

رد : حدي محتاره وابي مساعدتكم

الفنانه لؤلؤه :امين يارب الله يسمع منج حبيبتي

شوشو الشقيه : انا مادري اذا متزوج ولالا وصدقيني اللي ما ارضاه على نفسي ماارضاه على خير ومو من طبعي اخذ شخص متزوج ومثل ماقلتلكم نظراته اهو اما انا اسوي نفسي عادي بس ملاحظه حركاته ومليت من هالنظرات وعلى قولتج يلعب والحين تأكدت من كلامكم وانا ما وافقت على الشخص المتقدم لي لاسباب معينه ماله شغل في هالشخص والله وصدقيني شوشو لو يتقدم لي شخص زين راح اوافق وثانكس حبيبتي

DooDi : صح كلامج اختي لانه فتره طويله موقصيره وتبين الصج طاح من عيني وانا احب الريال الثقيل لو صج يبيني جان ماخلاني الاحظ حركاته ومثل ماقلتي لو يبيني جان تحرك وشكله يلعب

قطووه حلوه : اي والله اول كنت اقول لا حرام مافي جذي بس شكله صح من كلام موبعيده والله

انا وايد مستانسه من ردكم على الموضوع ونصايحكم الحلوه

 

[Tom ♥ Jerry]

.



آلله يهديج آن شاء الله
آنتي صج ليلحين مآ تزوجتي
بس رآح تتزوجين يا قلبي آنتي مخطوبه
يعني نص متزوجه ليلحين !

خلي نج هالسوالف و نفس مآ قالت العضوه الي مآدري شنو نكهآ
هاذا شكله مقزر الدوآم كلا يخوزز بالبنات !
مآ يحبج و لا شي مآكو وآحد يحب و مآ يتحرك !
خصوصا الشباب بس يحبون يسوون المستحيل عشان يوصلون حق الي يحبونهآ : )

شيلي الفكره من راسج و انا اقول فكري بخطيبج آحسن
تخيلي خطيبج الحين حب وحده معآه بالدوآم
مو تعتبرينه حقير ؟ و يمكن تكنسلين الـ زوآج بكبره !
آهوه نفس الشي لو درى آنج حبيتي بالـ دوآم رآح يكنسل الزوآج
يعني الشي عويص و كبير مو هين مثل مآ آنتي متوقعه

ادعي ربج يوخره عنج و يوخر عيال الحرآم عنج : )
الله يكتبلج الي فيه الخير و يتمم عليج
لاتحبين الا نصيبج ترا اذا حبيبتي غير نصيبج رآح تتعبين

:eh_s(15):

 

[غرنوق رعبوبة]

الله يرزقج بالزوج الصالح ويحفظج من كل شر والله اعلم شو بنية الريال اذا مكتوب لج بتاخذية واذا لا ربي ايعوضج باللي يستاهلج.