حدي منصدمه من رفيجتي

[Tutti-Frutti]

رد : رد: حدي منصدمه من رفيجتي

اي طبعا بتوقف مع الريال المتزوج اللي يخون زوجته

لانها بتبرر موقفها وتعطي حق روحها اعذار !!

بس باجر لين الله حطها بهالموقف
ويخونها ريلها
بتشوف النار اللي اللي تشب فيها

الله عليها .. يمهل ولا يهمل

نصيحه وخري عنهاا

وانا ما اعطي اي عذر حق الريال المتزوج انه يخون مرته

 

[منيرة خالد]

استغفر الله


دامه تعرف ريال متزوج وتطلع معاه اقطعي علاقتج معاها لا تجر رجلج لهالسوالف

 

[دانه العشاق]

رد : رد: حدي منصدمه من رفيجتي

لااااااااااااااااا تعليييييييييييييييييق
الحمدلله الذي عافانه فيما ابتلاهم به

 

["اسطورة العشق"]

انا معاها بالنقطه الاولى من حقه يطلق او يتزوج على زوجته اذا ما عطته الي يبي لان اهو متزوج عشان ياخذ الي يبي بالحلال مو بكيفها الزوجه تقوله مو متربيه على جذي
اوكي مو متعوده يعلمها و تسوي الي يبي .. بس يعلمها و ترفض لا مو من بكيفها
انا اقول بهالحاله يخليها تربي عياله و يتزوج ثانيه يستانس معاها و تسويله الي يبي
يعني برايي ان هذا مبرر و اقوى مبرر بعد


اما سالفه انها تكلم متزوج مادري شنو تبينا نقول .. الله يهديها انشالله !!

 

[al39laa]

حاولي تنصحينها قبل لا توخرين عنها

والله يهديها

شنو بجت اول ما باسها ببوسها غصب يعني ,, وحاولي تفهمينها ان الله راح يبليها بريل يخونها وانها قاعده تخرب بيوت عشان سوالف ماصخه

وانتي صاجه بكل كلامج بس رفيجتج عويه سامحيني عالكلمه

 

[مملوحة_الوصايف]

رد : رد: حدي منصدمه من رفيجتي

رفيجة عمرج تهدينها عشان تكلم متزوج ؟؟؟؟؟؟؟؟؟ شي غريب والله شعليج منها كيفها تحترق خلج معاها بحدود صداقتج او بس ولا وينج ما عرفتي عنها هالشي من زمان طوول ما اهي رفيجتج ورفيجة عمرج على كلامج اوكي غلطانه بس اهي الي تكلم مو انتي انتي الي عليج تنصحينها واذا ما اسمعت الحجي بالطقاق المهم ان بعلاقتج وصداقتج معاها ما تحاول اجرج معاها انا هذا رايي ما اتخيل رفيجتي او من عمر معاي خلاص سوت شي مو عاجبني اقووم اقطع علاقتي فيها !!!!!!

 

[الليدي...عمشه]

رد: رد : رد: حدي منصدمه من رفيجتي

انا ميه ميه انج تقطعين علاقتج فيها
لان الصاحب ساحب
وسمعة البنت مثل الثوب الابيض اي شي يدنسه
وصراحه ما تسوى عليج لو احد يعرف سوالفها ويشوفج معاها بيقول رفيجتها اكيد نفسها

وخافي على بيتج من هالاشكال


اعوذ بالله يا رب استر علينا

 

[quotalqluob]

حبيبتي انصحيها وقوليلها انج تحبينها بس انتي الحين ماتثقين فيها لانها احتمال تاخذ زوجج لانه الواضح انه ماعندها مشكله تكلم واحد متزوج وان هالشي حز بخاطرج لانج تحبينها وماتبين تخسرينها ،، لاتخلينها ترا الانسان يمر بظروف
انا ماابي ابرر موقفها اللي تسويه غلط وحرام واكبر حرام بس اكيد وراها شي وانتي رفيجتها من عمر يعني اذا هذا مو طبعها اكيد في شي صارلها لازم تعرفينه
عشان باجر اذا صار لها شي ماتتحسفين وتقولين كان ممكن تساعدينها
واما عالرياييل فانا مااعرف شي لاني مو متزوجه بس من الواضح بمجتمعنا صار هذا عذرهم بس الانسان اللي شاري البنت يكون واضح معاها ولايبدلها باي وحده
وتقبلي مروري ادري قرقت وايد

 

[جلاديلياس]

الله يهديها انشالله

 

[العنود 99]

رد : رد: حدي منصدمه من رفيجتي

كلامها بالنسبه للريال المتزوج فهذا للاسف صحيح المرة اذا ماسوت لزوجها كلللل اللي يبيه بالبيت بيطلع يدوره بره البيت عند وحده من هالوصخات ..
أما بالنسبة لعلاقتج فيها فانت لاااااااااااااااااااازم تقطعين علاقتج بهالبنت
لأنها بنت وصخه وخرابه بيوت .. باجر تخربج او تخرب بيتج ..
مع ان مبين انت بنت ناس ومتربيه ممكن تأثر عليج وأقل هالتأثير أن تشوفين علاقتها بهالريال المتزوج شي عادي !

الله يستر على بناتنا ويبعد عنهم عيال الحرام

معاها 100%

الصاحب ساحب حبيبتي ابتعدي عنها احسن لج ولبيتج

 

[نيولوفر]

رد: رد : رد: حدي منصدمه من رفيجتي

الله يهديها

 

[رايقة1980]

تقولي الريال له حق يخون زوجته اذا ما عطته الي يبيه!

مسكينة رفيجتج .. يعني هالريال حاطها سبير .. متى مانقصه شي ..حصله عند هالبنت اللي شكلها متأزمة..



احسن حل .. دوري لها زوج بالحلال يعفهاااا ابرك من قبلات الحرااااااام

 

[lovely jojo]

استغفر الله ......

 

[ZajiL]

الصاحب ساحب
واهم شي سمعت البنت والدنيا ماخلصت من الاصدقاء
خليها منج ورافجي الناس السنعه
وطبعا اكيد بدافع وتقول هالكلام لانها ماشيه متزووووج
والله يعييينه على هالاشكال من البنات الي يخربون البيوت ويهدمونها

 

[..فروحه..]

لاتعليق

 

[ƒédaîtn¥ ZoO'3a]

من قلب قطعي علاقتج فيها استغفر الله شهالناس @@ ولاتقولج باسني وقعدت ابجي لاينكسر خاطرج عليها خل تولي هذي مو بعيده بعدين ترسم على زوجج ديري بالج ,, وشوفي قطعي علاقتج فيها بس مو فجأة عشان لا تحس كل مرى تعذريلها انج لاهيه مشغوله بس لا اتعذرينلها بريلج خوفج بعد تحطه براسها هالنوعيه ينخاف منها امبي جني اندمجت اشوي

 

[ƒédaîtn¥ ZoO'3a]

الصاحب ساحب
واهم شي سمعت البنت والدنيا ماخلصت من الاصدقاء
خليها منج ورافجي الناس السنعه
وطبعا اكيد بدافع وتقول هالكلام لانها ماشيه متزووووج
والله يعييينه على هالاشكال من البنات الي يخربون البيوت ويهدمونها

صااااااجه ديري بالج بعدين تخرب على سمعتج والزم ما على الوحده سمعتها وعسالله يحفظج ان شالله

 

[يا قلبي لا تحزن]

رد : رد: حدي منصدمه من رفيجتي

الله يستر علينا بس

 

[قلـب طفله]

رد : حدي منصدمه من رفيجتي

حرآآآآآآآآآآآآم
شذنب زوجته
الله يستر عليها بس

 

[دواء القلوب]

رد : حدي منصدمه من رفيجتي

اول شي قطعي علاقتج فيها عشان الصاحب ساحب وباجر اتخربج معاها
وثانيا هذا اول نتاج من نتاج مسلسل زوارة خميس الي يبرر حق الي يخونون
عرفتوا شنو نهاية المسلسلات التعبانة ؟