حرام عليكم ياابلات الروضة بتعرفون ليش!? تعالو

[لاتغرك]

بقولج تجربتي عشان ماتظلمين البنات ​

أنا وحده عشت التجربة وماسمعت من احد وللاسف بغيت أنفجر ​

وبالنهاية قدمت أستقالتي والله موندمانة لأن التدريس بالروضة مارح يتغير ​

الله لايجيب الظلم بس انا قاعده ابين ان اغلب البنات يركزون عالسلبيات وينسون الايجابيات

والله يرزقج بالوظيفه اللي تبينها يارب

مشكوورة عالمرور

 

[لاتغرك]

حابه اعلق على الموضوع ​

انا تخصصي رياض اطفال ونزلت 10 روضات اسوي تقرير وبحوثات ودشيت الفصول وقعدت معهم وشفتهم بعيني << ادري يمكن هذه مو كفايه علي حتى اقدر اشوف السلبيات اكثر او اتعايش معها​

بس اقسم بالله كل مادشيت هالقسم وشفت مشاكلكم وسلبياتكم وذمكم لرياض الاطفال حسيت نفسي اني بعد جم كورس بدش حرب وفي هالحرب انا بالنهايه راح اكون خسرانه !!​

يعني قريت حجي يشيب الراس حتى يخلي الواحد قبل لايختار تخصصه يستخير مليون مره ويراجع نفسه وقدراته ترا مو لهدرررررررررررجه ياابلات ​

كل قسم فيه له عيوب وومميزات محد مرتااااح لا الي قاعد بالبيت بطالي مرتاح ! ولا الي يداوم فراش مرتاح ولا السكرتير مرتاح ولا حتى ابلة الروضه مرتاااحه !!​

هذه الحياة تعب وجهاد مقابل حسنات من الله وفلوس في الدنيا وسمعتنا الطيبه بعد .​

في كل دوام وفي كل وظيفة تعتمد على امرين الامر الاول معنويتج وتقبلج للوظيفة تعتبر 50 % ، والامر الثاني وظيفتج وماتقدمين له من مجهود يعتبر 50 % ​

يعني هيئي نفسج قبل لاتدشين حبي الوظيفة علشان الوظيفة تحبج وماتشوفين منها الا متاعب خفيفه يعني نننص الوظيفة تعتمد على راحتج النفسية وتقبلها ، اذا انتي داشه وفي بالج السلبيات فأعرفي انتي الخسرانه في الاخر ​

اما الابله الي تدش الروضه وحاطه في بالها ايجابيات الوظيفة وماتحط اي شي في بالها ممكن يدمر وظيفتهها وتحول او تستقيل .​

حبيت اقولكم ححححبي الدنيا وحبي الوظيفة علشان ترتاحيين ترا الدنيا حلوه اذا ماتعبتوا ماراح تحسون بطعم الراحة .​

:eh_s(17):بررررراااافوووو عليج

كلامج مليووون بالمية عدل وهذا اللي حبيت اوضحه

:eh_s(15):

مشاركتج زادت موضوعي تميز :eh_s(7):شكررررا

 

[futooosh]

كلامج صح بس في عيوب وميزات العيوب انك تقطين كل معاشج عالروضه عشان تاخذين امتياز

والميزات ان الدوام ينتهي 12 وثلث يعني دوام خفيف وحلو

 

[auoma]

ياحلوكم ماشفتوا شي كنت اقول مثلكم
انا لي٩ سنوات معلمه خلاص صرت سكراب التدريس والتعامل مع الطفل يبيله قلب و طولت بااال
وانتوا توكم في بداية المشوار باجر بتعيلون وعيالكم بيكبرون ان شاءالله راح تصير المسؤليه وتدريس بالبيت وحنه وعوار قلب بالدوام
انا ما أتكلم عن الاطفال لا حراام الضيم الاداره مشرفه و وكيله وناظره وموجهه الي طلباتهم ماتخلص ويقثون الواحد *

 

[auoma]

ياحلوكم ماشفتوا شي كنت اقول مثلكم
انا لي٩ سنوات معلمه خلاص صرت سكراب التدريس والتعامل مع الطفل يبيله قلب و طولت بااال
وانتوا توكم في بداية المشوار باجر بتعيلون وعيالكم بيكبرون ان شاءالله راح تصير المسؤليه وتدريس بالبيت وحنه وعوار قلب بالدوام
انا ما أتكلم عن الاطفال لا حراام الضيم الاداره مشرفه و وكيله وناظره وموجهه الي طلباتهم ماتخلص ويقثون الواحد *
الدوام صج قصير بس انتي تحللين كل دقيقه فيه مو مكتب وقعده وشاي وقهوه
غير المناوبه الصبح ونهاية الدوام
لحد يقول الوظيفه سهله
سهله حق الي مو متزوجه او المتزوجه وماعندها عيال فقط انا عاشرة وايد ناس وهذا الي لاحظته