حرام عليكم يا كويتيات بسنا قلق وفضايح وشفيكم

[قلب بعلها]

شلونكم بنات معليه تراني معصصصصصصصصصصبه

الحين ادخل المنتديات الخليجية خصوصاً السعودية والله شي يوسع الصدركل مواضيعهم عن التكشخ والسنع والحموله والطلعات وشلون تسعدين ريلج ومن هالحجي الزين .

ليش صار منتدانا كله هم وغم وكل وحده تكتب خيانه وخايفه من خيانه . يعني اجل ماجذبت المسلسلات اللي يتكلمون عن الواقع الكويتي .

والا مركزين احناعلى مواضيع زوجي سوا وزوجي قال وزوجي زفني وبعدين
بنات احمدوا ربكم والله لو تدرون وش يصير في بعض البيوت وبين الأزواج والله تبوسون روس ازواجكم كل عشر دقائق .

خلالالالالالالالالالالالالالالالاص كاااااااااااااااااااااااااااااافي خلونا نستانس مع مواضيع التسنع والدلع والكشخه ملينا بنااااات

 

[نـــــــــــونه]

رد : حرام عليكم يا كويتيات بسنا قلق وفضايح وشفيكم

كلامج عدل ... بس هم الوحدة ودها تفضفض عن نفسها

 

[So0oKaRa]

مثل مافي مواضيع خيانه ونكد ومشاكل في بعد مواضيع فرفشه وتوسع الصدر
وهني قسم الحياه الزوجيه بتلقين كل شي يخص المتزوجين مشاكلهم وهمومهم وحركاتهم وفناتقهم لأزواجهم وبالمناسبات وخبراتهم الزوجيه وكل شي يخصهم
وكل وحده تكتب اللي بخاطرها

 

[بنوته ذربه]

من قالج انه ماعندهم مشاكل
الحياة الزوجيه لابد فيها مشاكل(ملح الحياة)
والبنات يفضفضون انقولهم خلو بقلبكم وبس كشخوا
لا اكيد

 

[حرم راشد الماجد]

القسم موجود حق جمييييييييع ما يخص الحياة الزوجيه

وتشمل التكشخ والسنع والحموله والهوشات والخيانات

بعد هذا منتدى يعني يسمح بكل المواضيع وليش احنا نحدد للعضوات شنو يكتبون ؟

مادري انا احس ان اللي عندها مشكله وتدور لها حل اولى من اللي تبي تكشخ
لان التكشخ تلاقيه بكل مكان بس النصيحه اللي ما تحصلينها بأي مكان

ولطرح المشاكل فوايد بعد

ان العضوه تلاقي النصيحه اللي تناسبها
وهم العضوات اللي ما مرت عليهم المشكله تصير لهم خلفيه عنها فبالتالي اذا مرو بالمشكله نفسها راح يذكرون النصايح
وهم في مساعدتنا لبعض نكتسب خبرات

وتقبلي مروري

 

[فاهييه]

هذا القسم المفروض يسمونه ( قسم المشاكل الزوجيه )

مو الحياه الزوجيه

حتي لاحظي اذا دشت بنت تسال عن حركه معينه او لبس معين او الفاظ معينه او اي شي (غير المشاكل ).

البنات مايتقبلون منها :j013: ويتهمونها انها رجال او تألف

بس مشاكل يستقبلون :ceaf32e183:

واذا بحط نسبه للمشاكل وباجي الامور اقول 96% مشاكل :eh_s(22):

 

[KOKO_284I]

رد : حرام عليكم يا كويتيات بسنا قلق وفضايح وشفيكم

عدل ملامج لو خليت خربت والحياة الزوجية فيها وايد امووووووووووووووووووووووور ممتعة وطريفة

 

[شيخه الحلى]

إذا يت على المشاكل عادي
بس اللي انا مستغربه منه المواضيع اللي عن الحموله ومرت الحمى!!!!!!!!!!!
امبيه جنه مافي حموله سنعه بالكويت
انزين كل بيت كويتي يعتبر حموله
يعني كل الحمولات مو زينيين؟؟
وكل حريم الحمى مو زينين؟؟

 

[fdeet_shosho]

الله يعين اصحاب المشكلات ويصبرهم والوحدة لاصارت مهمومه ومتضايقه خل تجي تفضفض هنى وتقط همها والله يابنات لما اقرى مشاكل البنات تهون علي مشكلتى وماتدرون يمكن الوحدة تضطر تكتب مشكلتها لانها مالقت اللى يسمعها خل نكسب اجر وخل يطلعون مافى قلوبهم لايحوشهم ضغط وسكر
وبالنسبه للى قالته الاخت فاهييه صحيح 100% مرات مواضيع تسال وحدة عن طريقة اغراء الزوج فى ناس ترد بطريقه مو حلوة ويحرجون صاحبه الموضوع واللى تقول فى بنات بينا مو متزوجات القسم اسمه الحياه الزوجيه يشمل كل المواضيع للمتزوجات اللى مو متزوجه وتخاف من الحجى اللى بينكتب لاتدش وتقرا المواضيع وربي بيرزقها ان شاءالله وبتدش وتلقى المواضيع مخزنه بالمنتدى

 

[*peace*]

مثل ماقالوا البنات

مثل مااكو مواضيع عن التكشخ والفرفشه اكو مواضيع بنات صج محتاجين حل

 

[أسم والسلام]

بالعكس ياقلبي أنا سعوديه وجيت هالمنتدى هروبا من منتدياتنا كله مشاكل تشيب الراس اللي زوجها يطقها واللي حماتها تشد شعرها

وكله كوم ومواضيع طول السنه عن سنه وشيعه

ولا من تجي وحده تحط تفاصيل ليلتها الرومانسيه يشنون هجوم


ولا موضوع عن كيف تصلي للذروه وقفو العضوات وصارت بلاوي


ولا وحده تمدح زوجها قالو ماتخافين من الحسد




وسلامتكم



منتدياتكم يابنات الكويت أرحم من منتدياتنا

أغلب العضوات مسوين نفسهم دار فتوى الحمدلله والشكر




من جربت هالمنتدى عجبني

خفة دم ولهجه حلوووووه

 

[om-3abodey]

انا بصراحة وحدة هالقسم ما احب ادخله وااااايد احس الي يقرا ويطلع منه يصير معقد نفسي خصوصا ان في بعض لبنات الله يهديهم تلاقون مالفين قصص من واسع خيالهم
الظاهر نسوا
"واذا بوليتم فاستتروا"
"انا الله مع الصابرين "
الظاهر للحين مو عارفين شنو يعني الصبر الصبر انج لمن تنصدمين او يصير لج شي تحاولين قد ما تقدرين تتماسكين نفسج وتروحين تمسكين سيادتج واتصلين
بس الي صاير الجين البنات من يصير لهم شي على طول اسدحوه اهني
انا انصحهم قبل كل شي يقرون ادعيه واحاديث عن الزواج

اقروا هذا

صبر المرأة على زوجها من أعظم القربات وأجل الطاعات، وأنها ستكون من الذين يوفون أجرهم بغير حساب يوم القيامة، واعلمي أختي الكريمة إن الله وعد الصابرين بأنه معهم وبشرهم بأنه يحبهم، وأن مقامهم عندهم في أعلى المقامات في الجنة بإذن الله، وصبر المرأة على زوجها هو نوع من أنواع الصبر العظيم الأجر، فإن مجرد خدمة المرأة لزوجها وتربيتها لأولادها يعدل الجهاد في سبيل الله، فما بالك لو كان الزوج يسيء العشرة وصبرت عليه ولم تقصر في حقه؟ قطعاً سيكون أجرها أعم وثوابها أتم وأفضل؛ لذا أوصيك أختي الكريمة بالصبر الجميل والدعاء لزوجك بالصلاح والهداية والاستقامة، والإكثار من ذلك، والاجتهاد في خدمته والإحسان إليه وإكرامه وإكرام أولاده.


والله يوفق الجميع

 

[7o0o0r]

رد : رد: حرام عليكم يا كويتيات بسنا قلق وفضايح وشفيكم

القسم موجود حق جمييييييييع ما يخص الحياة الزوجيه

وتشمل التكشخ والسنع والحموله والهوشات والخيانات

بعد هذا منتدى يعني يسمح بكل المواضيع وليش احنا نحدد للعضوات شنو يكتبون ؟

مادري انا احس ان اللي عندها مشكله وتدور لها حل اولى من اللي تبي تكشخ
لان التكشخ تلاقيه بكل مكان بس النصيحه اللي ما تحصلينها بأي مكان

ولطرح المشاكل فوايد بعد

ان العضوه تلاقي النصيحه اللي تناسبها
وهم العضوات اللي ما مرت عليهم المشكله تصير لهم خلفيه عنها فبالتالي اذا مرو بالمشكله نفسها راح يذكرون النصايح
وهم في مساعدتنا لبعض نكتسب خبرات

وتقبلي مروري

انا معاها بكــل شي ^^^^

 

[رينادا]

الصراحه أنا مو متزوجه
بس رفيجتي متزوجه وتدخل هالقسم

تقول انها تستفيد وااايد

ومره صارت لها مشكله مع زوجها ... تقول عرضتها بالقسم والبنات ماقصروا جزاهم الله خير

تقول فتحوا عيني على شغلات أنا كنت غافله عنها

وتلاقينهم يعطون النصايح من قلب مع انهم مايعرفونج ... يمكن هالنصايح مايقولونها لج أعز الناس اللي هم أهلج

أحييهم ... وأنا بعد أدخل اتطمش ... بس وااايد استفدت من خبرات البنات

 

[Tulips]

رد : حرام عليكم يا كويتيات بسنا قلق وفضايح وشفيكم

مادري انا اللي اشوفه انه مواضيع التكشخ متساويه مع مواضيع المشاكل البنات مو مقصرين من الصوبين .. ومساكين هالحريم في بعضهم ما يأمنون يشكون لاهاليهم ولايبون يفضحون نفسهم فالمنتدى احسن مكان لهم .. حرام نصير احنا والزمن عليهم