حركة تصير في كل جمعه في بيت حمولتي

[صمت المرافئ]

رد : حركة تصير في كل جمعه في بيت حمولتي

قطيييييييييييييعة !
سالفة ( الخز ) هذي بكل مكان ، عندي وعندج خير
أنا قمت أحط عيني بعينه وقلت له : خير بو فلان اكو شي ؟
جان يستحي ويقلب وجهه وعقبها ماعادها أبد !!

مع الاخت هند في كل كلامها وانتي ديري بالج تقولين حق ريلج او حماتج اولا هذا اخوهم مهما كان ثانيا زوجك يمكن يقعد ينتقد ملابسج ومكياجج وكلامج ....اخ وتفتحين على نفسج باب انت في غنى عنه وما تفتكين يا اختي خليه غافل مادام السالفه ما تعدت جذي ترا بعض الناس خزازين خلقه

 

[Princess Lady]

رد : حركة تصير في كل جمعه في بيت حمولتي

الرسول صلى الله عليه وسلم قال ( الحمو الموت ) يعني لا تقعدين معاه ولا تسولفين ولا حتى تجابلون بعض على أكل ,, حاله حال أي ريال غريييييييييييييييييب

ودام ما تطبقوون اللي يقوله الرسول تحملوا شتسوون

 

[دمثة]

حبايب قلبي انا اقعد مع الحريم في اهم يدشون يسلمون ويسطرون جدامنااا شنسوي

اسغفرالله ياربي استغفرالله

 

[.،:"$الـعـوبــــة$":،.]

رد : حركة تصير في كل جمعه في بيت حمولتي

خليه يولي ،
لأنك إن تكلمتي بتفتحين على نفسك بيبان جهنم استغفرالله !!
أنتي الحمدالله محتشمة ومرضية ربك وبس،،​

 

[فديت نفسي..~]

رد : حركة تصير في كل جمعه في بيت حمولتي

انا لو منك كلما قالي زوجي امشي نروح لهم و هو موجود مااروح او اني احاول مااجلس ب مكان الي فيه حماي

واذا تازم شي اكلم زوجي بشكل حلو بحيث لا يفهم غلط او تكون مشكله كبيره بينه و بين حماك

 

[om-Jana]

خليج سافهته وحاقرته وبروووووووووود
مرده بيتعب وبيعرف انج ثقيله

 

[الا انــــــا]

الله يعينك حبيبتي

 

[ستروبريه]

الله يعينج ابتعدي عنه
ولاتعطين وجه ابدا ولاتسولفين
ولاتقولين حق زوجج حرام يفترقون وممكن تصير مصيبه عرفتي
الله يسهل امورج

 

[فاهييه]

سؤال . جسمج حلو ؟


والشي الثاني ديربالج .
هالزمن اعوذ بالله الناس ماقامت تستحرم محارمها . والقصص وايده \
قوليله بعصبيه خير في شي ؟
يمكن هو حاط فباله انج < منتبهه على خزه < و انج مستانسه على هالشي < وانج بيوم من الايام بتسلميينله < . وسكوتج بالنسبه له ( علامة الرضا ) .
و هو شاد حيله بالخز . علباله هالشي مسألة وقت بس .
او انه بهالخز قاعد يشبع خياله المريض .
وقفييه عند حده المريض هذا .
والله قاعد اتقهوي واحلي وقريت موضوعج ولاعت جبدي . < عسي الله يهديه او يعمي عينه .

اذا كان حماج هذا . ولد عمج او ولد خالج . تصير المصيبه مصيبتين > هم مااستحرم انج زوجة اخوه . ومااستحرم انج تقربينله .
صج وع

 

["اسطورة العشق"]

مسلسل زوارة خميس ماثر على القسم كله



لوووووووووووووووووووووووووووووووول

 

[دمثة]

استغفرالله العلي العظيم

انا بسوي نفس ماقلتووووو

 

[BiiShOoO]

طنشيييه

 

[خوش بنيه]

طنشيه وجنج ماتشوفينه

 

[احلى ـآ وحده]

صفي النيه وطنشي

 

[المغفره يالله]

رد : حركة تصير في كل جمعه في بيت حمولتي

طناش احلى شي

 

[هيـآآطً انثـےَ]

بالعنه يخز ويقعد جعل عيونه تطيح بحضنه بطقااق

انتي لاتعطينه ولانظره كلش عشان ماتصير مشااكل بعدين

 

[مس سلفرج]

امممم سكتي ولا تحاجينه بس بيني انج متضايقه يعني لا ترزين عمرج جدامه سيدا قومي ولا تقعدين قباله خليه يحس واذا طالعج خزيه من فوق لي تحت بنفسيه عرفتي
...

 

[أدعج غنج]

رد : حركة تصير في كل جمعه في بيت حمولتي

قطيييييييييييييعة !
سالفة ( الخز ) هذي بكل مكان ، عندي وعندج خير
أنا قمت أحط عيني بعينه وقلت له : خير بو فلان اكو شي ؟
جان يستحي ويقلب وجهه وعقبها ماعادها أبد !!

كلامها 100 % صح هذي احسن طريقه
لان لو زفيتيه رح تسوين مصيبه ويمكن يجلب السالفه عليج وبنفس الوقت غلط تخبرين زوجج لان مهما كان هذا اخوه
ما عليج الا التطنيش ...ولما تحين الفرصه سوي مثل هند وفشليه علبو انج مو فاهمه شي بس مستغربه

 

[Amanda_93]

عطيه سكيب..

واذا زودها طالعيه وقول شنوو في شي ؟!

 

[فوولي]

طاااااااااااااااااااااف ماالج شغل