حريم الحموان ،،، الموووت المووووت

[سمراء كويتية]

علاقه حلوه و رسميه وبحدود لين تعرفين كل وحده و طبعها و الله المستعان

 

[إم بــــرٍآك]

انا مثلج ع نياتي وكنت اقول كل شي لها وكانت اذا تبي تعرف شي تطلع الحجي مني بالسياسه لاني كنت اشوفها طيبه ومافي منها بس صارت مواقف صج انصدمنت منها وكانت عقرب رمل من وراي واخر شي قلت اريح راسي واخلي علاقتي معاها سطحيه وحتى سالفه المقادير صارت لي ههه كنت ابيها تعلمني طريقه المجبوس تصوري ماتبي تعلمني وشدعوه

 

[الدنيا لحظه**]

عندي مرت حمى وحده اشوه الحمدالله اني اشوفها بالمناسبات بس

 

[Morena]

انا دايما اعامل اللي جدامي حسب معاملته معاي ويادار مادخلك شر يعني الحليوه اعامل بكل ود واحترام اما الشخصيه اللي تنفرين منها بسبب شخصيتها ومعاملتها لا والله اتجنبها والسلام وخلاص انا طبعي ماحب المشاكل فمرتاحه وضدالاحتكاك الشددددديد لانه عندي امور بحياتي وايد اهم من شنو لبست وشنو طبخت ويحبونها وغيره

والله يتمم علي ؛)

في بنات معيشين نفسهم بدائرة ومايطلعون منهاالا وهي الخاله والحمولت ومرت الحما نصيحه ريلج وعيالج وبيتج محتاجين طاقتج واهتامج اكثر منهم

واهم انسانه وجبيها وعامليها بالحسنى مهما صار اهي خالتج فقط .....

 

[ساره 1992]

انا بصراحه لو مكانج اخلي علاقتي سطحيه واسوي مثل ما سوت مثلا سئلتج سؤال عن عطر شسمه قوليلها ما اعرف هالعطر اسمه واذا قالتج وريني اياه قوليلها توه منكسر يوه اغذريني مثلا وحده بوده بس باسلوب رسمي وادب

 

[بولندية]

انا ماصدق حجي البنات عن مرت الحمى

اغلب اللي مرو علي اهي الزينة ومرت حماها قشرة


واذا بتسولف عن مرت اخوها اهلها الزينين و مرت الاخو القشرة

 

[بولندية]

بناات ممكن سؤال صريح بدون زعل؟


كلكم حريم الحموات الزينات عيل الشريرات كلهم بررا المنتدى

بناات ماقصد شي بس اهيا يمكن تنظرلج جذي ف احسن شي السطحييه حتى لو كان مبالغ فيهااا

هههههههه نفس تفكيري

 

[اهذريبك~]

من البداية خليج رسمية و فكي نفسج من المشاكل

 

[Sisyphus]

اللي تقول ان كل وحده تشوف ان حريم حمواتها موووت وهي طيبة
لا ياقلبي والله عني انا واثقة انها تقول عني نفس الكلام و تقول عن نفسها طيوبه
شي طبيعي بحكم نوع العلاقة

 

[ạ7ạśêś ~]

- ووووووووووووي انا اشهد ان حريم الحوان مووووت اعوذ بالله
انا نفسي اعرف الوحده ليش ما تحط بين عيونها ربي وتدري ان دنيا تدور مارد تشوف
لي تسويه فيها حسبي الله ونعم الوكيل < واحده مقهوره خخخخخخخ

 

[قطوووة]

يا ساتر

 

[نـعـومـه]

مرت حماي اعاملها زين وتعاملني زين واسولف عادي اتغشمر بس اقولها ا سراري اتشكى لها مثلا صارتلي مشكله واقولها لاااااااااااا طبعا

 

[نـعـومـه]

قطوه

الله يرحم امج ياااااارب ويغمد روحها الجنه

 

[شانيل نمبر 5]

لامو شرط
انا ومرت اخوي رفيجات وعلي طول مع بعض سينما ومشاغل واحيانا نفصل نفس الشي
انا ولادتي كلهم قيصريه واعلمها واقول لها بكره راح ادخل المستشفي..تاخذ عيالي من المدرسه ودرسهم وتنومهم بالشقتها لمده اسبوع
بصراااااحه خواتي مايسوي مثلها

 

[مذهــلــه]

أريح شي حق راسج تسطحين علاقتج مع اهل ريلج ومرت حماج بعد

انتي ماتدرين شنو طبيعتها ولاتعرفين شنو ممكن تقول عنج اذا قطيتي كلمه بحسن نية عشان جذي خلج رسمية معاهم وجبيهم حزت الواجب وجامليهم بس غير جذي لاتفتحين قلبج لو شنوووو ...نصيحه

 

[كويتية بروما]

ماعندي الا مرت حما وحده
حليوه ومابينا الا السلام ومع السلامه وسوالف سطحيه

الرسميه احلا شي

 

[انا special]

انا عن نفسي علاقتي سطحيه فيهم وماحب اخذ واعطي وااايد يعني مجرد سوالف خفيفه ظريفه عشان مادش بالعميق وسبحان الله مع هذا ياتني المشاكل لي عندي وبغيت انطق وانا حامل!!@@
الله يحفظني ويكفيني شرها ويجعل كيدها في نحرها

 

[am faisal]

اللى طيبة على نياتها هى اللى حتروح فى الرجلين
زى حلاتى واقولكم موقف حماتى وحنا قاعدين كلنا جابت جاكيت وقالت اخذية لولدك
صغر على عبود ولدها خذيتة عادى
وبعد فترة اختى رادة من لندن وجايبة بدلة لولدى وصغيرة وما لبستها ولدى وتقول بكرة معزومة عند اهلها وبدلتة ضاقت علية
رحت فوق وجبت البدلة وعطيتها البدلة وعلى نيتى قلت كشخى عبود بهالبدلة جديدة ومن لندن
شتوقعون سوت
حذفتها على وقالت ولدى ما يلبس فضلتكم وتهدنى وتروح
وانا فسرت الموقف الاول على انة طيب طلع لعانة
لهدرجة انا ما افهم الحريم
ولا مو مخزنة اللعانة بالسستم مالى علشان استوعب
بس اكتشفت ان الحريم جد جد نا قصات عقل ودين

 

[انا special]

^
^

:rgewrg:

سالفتج تحر، مانقول الا حسبي الله ونعم الوكيل

 

[ميمي3]

أنا فالبداية كنت أتعامل. معاها بنيتي بس بعدين صرت أعمالها نفس ما تعاملني واحيانا أردى .. والله هذا اللي نفع معاها