حزة النوم تكونين على سنقة عشره و لا (مشي حالك) تعالوا خـ ندردش و نستفيد

[حلا الأحساء]

كشخه وقت النوم مااكشخ
اهم شي الترتيب والنظافه حتى لو بيصير شي البس قمصان نوم وعطورات وروج وهلصنا

مافي شي اقرب بجامه قطنيه البسها وعطر خفيف والى السرير طوالي

والحين عشان بنوتي الصغيره مايرضى احط عطر وقت النوم يقول بتخنقينها
بس احط خفيف

يكفي طول اليوم كاشخه ملابس اشكال والوان كل يوم شكل ووقت النوم كشخه شدعوه ماصارت

 

[love love]

حياتي وقت النوم اهو الوقت الوحيد اللي ترتاحين فيه بعد عناء البيت ومجابل البيت والعيال والطبخ والتدريس والخ
وحلو انج بهالوقت تلبسين اللي يريحج خاصه انج بتنامين والغرفه ظلمه يعني ماراح يكون في تركيز على شكلج ولبسج وستايلج ..
عن نفسي اكتفي بترطيب ويهي بكريم اولاي لتفتيح البشره .. وارطب شفايفي بزبدة لابيلو الكرز .. و شعري طبيعته مايخترب حتى لو نمت ممكن القذله تعتفس بس مايصير كشه فما احاتي هالمسأله ..
بالنسبه للكحل والماسكرا والفاونديشن لازم مايكون لهم اثر بويهج .. اولا الفاونديشن يضر البشره فمابالج اذا ظل لوقت طويل مع وقت النوم ؟
والماسكرا والكحل ممكن يسببون حساسيه لعينج خاصه انج وقت النوم تغمضين عينج لفتره طويل وممكن الماسكرا تدش بعينج وتسببلج حساسيه وحرقه بالعين ..
العطر واللوشن شي اساسي .. وهالشي طبيعه فيني من قبل الزواج لازم اتعطر وقت النوم .. حتى لما اقوم اصلي الفجر ارجع ادهن جسمي باللوشن وارد انام .. احب ريحتي تكون حلوه وقت النوم ..

mthlhaaa

 

[Four butterfly]

بجامة مريحه بس أنيقه , حمره خفيفة وشعري مرتب وعطر
اهم شي ريحتي تكون حلوة هههههههههههه

بس قمصان النوم مززززززززعجة بالنوم مايبيله

 

[ميريام فارسQ8]

انا اهم شي عندي الريحه ثم الريحه ثم الريحه لاااازم اتسبح قبل ما انام ما ارتاح الا وانا واخذه شاور اذا ماخذيتلي شاور احس نفسي ثقيله بعد ماتسبح اكل علوج يعني على فطم ما اطير المكياج والبس بعدين اغير هدومي مرات البس شوورت مرات البس بجامة حرير والبجامات تكون وسيعة الصدر يعني اهوي صدري ههههه واحط قلووس او مرطب لابيلو بالكرز واتعطر واتدهن واتنظف بس لازم اغير العطورات اللي استخدمهم عشان مايمل وشعري اخليه مفلول بس القذله رافعتها عشان ماتخترب

 

[وردة الدوحه]

أصلا الصنف الثاني أحسن من الأول بمرااااااحل
لان في الثاني أكون مريحه بشرتي من المكياج اليومي
وداهنه جسمي ومرطبته ولابسه دلاغات قطنيه عشان اتم ريولي ورديه وناعمه
وحاطه كريم الليل عشان أقوم الصبح مورده
ولابسه بجامه قطن عشان ما يدخلني البرد أو يضرني برد المكيف

وأكيد أنا من الصنف الثاني وبقووووة

 

[baby lotion]

استغرب احيانا من هالاسئله لول
هذا ريلج
يعني ليش التمثيل؟

اكيد بتكونين عارفه وقت الاحم بتكونين كاشخه و قميص نوم وحركات
بس بعد الاحم مسحي ميك ابج مهما كان خفيف و عادي لو بدلتي و لبستي بجامه مريحه

ماعرف ليش مستهينين فالبجايم القطنيه
في وايد اشيا حلوه و حركات
شورتات و سليبنج شيرت

وطبعا لازم بتنامين شكلج مرتب و ماخذه شاور
اقصد مرتب يعني شعرج مشطتيه< انا اخليه مفتوح بصراحه ماحب اربطه وقت النوم
عطر ناعم و لا تكثرين
كريم مرطب و افضل شي مثل بيبي جونسون ريحته بيبات حلووه و خفيفه
وبدون و لا نقطه ميك اب و لا جحال وقت النوم < اكس كبير ع هالحركه

حلوووو :eh_s(22):

 

[عزيز قلبي]

التغيير حلو بس اهم شي النظافه والريحه الحلوه

 

[بزنسجيه]

حسب النفسيه مره جذي ومره جذي

بس اغلب المرات انام على راحتي بس اهم شي النظافه

 

[@ براءة طفوله @]

انا مره هيك و مره هيك بس حتى لو لبست قصير او حرير او اي شي
احاول قد ما اقدر اخذ راحتي فيه و الميك اب كحل و قلوس او مسكره و قلوس عك
او بس قلوس على حسب
وشعري مره سيده و مره ملموم مره البس باند مره شريطه مره فيونكهً
يعني ننوع

بس اهم شي اخذ راحتي يا نومه ما بعدج نومه هههههههه

 

[najat88]

بجامه مرتبه وويه نظيف وشعر مربوط
وكان الله غفور رحيما

 

[أنفاسي دخون]

البس بجامه مرتبه مرات قطن ومرات حرير واهم شي اكون ماخذه شور وحاطه دهن عود صوب الاذون والبكيني من فوق واحط بودره معطره او بدي سبراي لنفسي مو لزوجي وان بغا شي الا اكون زاهبه ومتهيئه وان مابغا فاكني من السبوح تالي الليل خخخخخخخخخ

 

[kuzime]

هههههههههههههههههههههه والله من صجكم تحطون مكياج وقت النوم؟
ترا مو زين كلش الحلو حلو حتى لو كان توه قاعد من النوم و هذا ريلج و حبيبج و شريك حياتج
اذا ما يتقبل خلقتج الطبيعيه بلاها
انا انام مرتاحه بجايم عاديه و اكثر شى البس بلايز ريلي و انام فيهم و شعري كله امله ما احب افله و انا نايمه يااذيه و ياذيني
و اتدهن و اسمي بالرحمن و اقرى المعوذات و انام
هذا وقت الراحه مو وقت ستار اكاديمي

 

[الـزين و الجـود]

البس بجامتي القطن واتعطر ولا شي احط اللهم المرطب لشفايف وشعري افله .. واحلى نومه(;

 

[mrs.inona]

مره جذي ومره جذي

 

[سوزي الشرقية]

اني عن نفسي بين وبين بس ايام الدورة غيررر اخد راحتي للاخر

 

[احلى عسوولة]

انا مرات البس قمصان ناعمه يعني مثل حرير و الشيفون مرات قصير و مرات طوييل وطبعا لوشن لجسمي لاازم حتي اذا مو كاشخه و الشعر اكثر المرات مفلوول لانه ارتاح احس شكلي انوثي اكثر هههه و مرات البس ملابس بيت العاديه الناعمه مثل بيجامه قطن و بس اهم شي الريييحه تكون حلوه و انا احط بس كحل و احط مرطب شفايف مو قلوس و اناااام ??

 

[همي رضى خالقي]

بجايم قطن وفاله شعري عمر ماحب اربطه وانا نايمه وماسحة المكياج عشان لا يحرق عيوني واكيد مفرشة ضروسي لانه حزت نوم وراحة

 

[مــســك]

مره جذي ومره جذي ..


بس العطر لازم اتعطر واتلوشن .. قبل النوم .. او احط دهنياات ..

 

[Cute mama]

والله انا مريت بكل الحالات
مرات البس بجامه عاديه تريحني ومرات قمصان قطن قصيره
ماحب احط عطر لمن انام على شان لا اختنق واخنق ريلي حتى لو كان خفيف يظايق اللي نايم
احب ريحة الغسيل والكومفورت اللي بالملابس
احب دايما قبل لا انام اتسبح باي شاور جل ريحته حلوه
احب اللي من باث ان بدي ووركس
واحط شوي مسك العروس الابيض بين صدري وورا اذوني وعلى اطراف شعري واهو مبلل
ماحب انام وايد بالمكياج خاصة وقت الدورة احب احط مرطب وانام

 

[Four butterfly]

ومنكم نستفيد