حسافه عليك يا حسن جوهر والله انك ريال بس ماعرفوا قدرك

[كويتية222]

خُذل لانه وطني

وحدة من الاخوات من طائفته ردت علي في موضوع ما انها اهي وطائفتها قالوله ماراح نصوت لك !!

 

[Hi--class]

في بدائرته احسن منه
واذا تبونه خل ينزل بالرابعه وصوتوله المره اليايه وفوزوه

 

[ساندريلا]

خُذل لانه وطني

وحدة من الاخوات من طائفته ردت علي في موضوع ما انها اهي وطائفتها قالوله ماراح نصوت لك !!

اي انا الي قلت وهالحجي مايبته من عندي دشي التويتر وشوفي
وعلي فكره انا مو بدائرته انا بالثالثه
ولو تتابعين التويتر الاغلبيه قالوله ماراح نصوتلك بس تري قاعدته ثابته ماتغيرت اقصد اهله وجماعته
اهو كان دايما يستند برايه انه ياخذ اصوات كثيره من اهل السنه فالشباب قالوله احنا ماراح نصوتلك والكل قعد يتغني بحبك ووطنيتك وخل نشوف ينجحونك ويفضلونك علي اعضائهم
يعني قالوله بصريح العباره ماغشوه
بس الي معاه كلهم قالوله يا دكتور لو تنزل بالرابعه تنجح وشفتوه حصل اي مرتبه

 

[فلنتينو]

ساندريلا مستحيل ينجح اذا نزل بالرابعه
الرابعه بنظري اقوئ دائره ومنافسينها اقوياااء جدا

قولي الثانيه الثالثه يمكن اتوقع ينجح

بس الرابعه حيييل صعبه وقوويه جداا الدائره

 

[فلنتينو]

ان شاء الله يصير وزير التربيه ...

انا شفت بالتويتر مسوين حمله يبونه يصير وزير تربيه

بسس احد النواب بدون ذكر اسمه يقول مايصير نعينه وزير تربيه وهو مافاز بالانتخابات شيي يقهر

لايبا شنو التربيه

حلال عليه اي وزاره ويستااهل انشالله اي وزاره كانت

بس التربيه والاوقاف لا

 

[اجياد]

ليش مو الشيعه اللي فوزته
الدائره الاولئ كلها شيعه
احنا اهم شي نطلع السنه اللي موجودين كلهم اسلامين

انا اقولها واشكره
انا احترم حسن جوهر وحساااافته ضاق خلقي لما خسر
بس لواني بدائرته ماراح اصوتله
لاتحطين العيب بالسنه الشيعه اللي ماتحبه واهما اللي سقطووه ومايبونه

مع احترامي لج...لكن ماحطيتي الكويت جدام عينج!!! الانسان هذا حط الكويت جدام عينه ، لذلك لقى من يحاربه لانه مانظر للطائفه او الانتماء...بدا الكويت ومصلحة الكويت ، لهذا كان على كل كويتي يهتم لمصلحة البلد انه ينتخبه ، خسارة الدكتور حسن جوهر كان نتيجة مواقفه الوطنيه.
ايضا اكرر احترامي لج​

 

[ساندريلا]

فلنتينو
هذا موحجي هذا حجي شباب التويتر الي كانوا يصفقونله ويشجعونه ويقولون له لو تنزل بدائرتنا ننجحك
وبعدين ليش تحفضتي علي انه يمسك التربيه شفيه يعني موكويتي ودكتور بالجامعه وفاهم ووطني وموطائفي ليش بالله ماتبينه يمسك التربيه؟؟

 

[جوجوو نايس]

الله يكتب إلي فيييييه خييير للكويت

 

[ألم صمت]

لايبا شنو التربيه

حلال عليه اي وزاره ويستااهل انشالله اي وزاره كانت

بس التربيه والاوقاف لا

ليشش بالعكسس انا اشوفه الانسب للوزارة واهو اصلا يعرف لها

 

[بنوتة كول]

الشيعة ما صوتوا له لأنه كان مع المعارضة و معرؤوؤوفة سالفته الكل كشت فيه و للأسف السنة ما عطوه أصوات كبيرة توصله للمجلس
و إلي تقول في بدايرته أحسن منه ؟؟ منو مثلا ؟؟
القلاف و إلا عبدالحميد ؟؟؟
و الله هالانسان محترررمممممم حط الكويت جدام عينه و خاف الله فيها
الله يرزقه وزارة إبرك من المجلس

 

[فلنتينو]

مع احترامي لج...لكن ماحطيتي الكويت جدام عينج!!! الانسان هذا حط الكويت جدام عينه ، لذلك لقى من يحاربه لانه مانظر للطائفه او الانتماء...بدا الكويت ومصلحة الكويت ، لهذا كان على كل كويتي يهتم لمصلحة البلد انه ينتخبه ، خسارة الدكتور حسن جوهر كان نتيجة مواقفه الوطنيه.
ايضا اكرر احترامي لج​

شوفي والله وبالله اني احترم وطنيته اذا انتي تشككيني بوطنيتي وماحطيت الكويت جدام عين فلا تتهميني انا لوحدي
فاجل الطائفه الشيعيه ماحطت الكويت امام عينها تبي ناس حكوميه وماتبي نا س وطنيه علئ قولة وحده من العضوات اكتبت بردها عشان حط ايده بايد السنه والمعارضين
وانا اعلم حسن جوهر مواقفه وطنيه
انا مابي انافق وانا قلت الصراحه وشهدت وقلتها علننا
قلت احترم حسن جوهر واحترم وطنيته

ولكن انا مابي اصرح ليش انا قلت لو اني بدائرته ماصوتله عشان ماتصير مشاكل وفتنه فالافضل اسكت

انا صريحه وبصارحج
الحين نازل الشاهين اسلامي
والكندري اسلامي سلفي
طريجي اسلامي
يعني عقليا بصوت لحسن جوهر واخليهم اهما اللي محتاجين صوتي اكثر
انا ابي من يحافظ علئ نهجي اولا

 

[فلنتينو]

فلنتينو
هذا موحجي هذا حجي شباب التويتر الي كانوا يصفقونله ويشجعونه ويقولون له لو تنزل بدائرتنا ننجحك
وبعدين ليش تحفضتي علي انه يمسك التربيه شفيه يعني موكويتي ودكتور بالجامعه وفاهم ووطني وموطائفي ليش بالله ماتبينه يمسك التربيه؟؟

انا قلتها حلال عليه اي كرسي والله يستاهله
بس التربيه لا

 

[ساندريلا]

فلنتينو
ياريت الدكتور حسن يشوف ردج
واكتفي بهذا القدر

 

[فلنتينو]

تصبحون علئ خير يابنات تعبت

 

[وايليه 1]

ا
ي وربي انه خوش رجال و روحه وطنيه ولاعنده ذيتس العنصريه وصاحب مبدأ

 

[Eva-SS]

والله انا اعرف ناس واجد بدائرته يقولون حتى بالدواوين متفقين يصوتون له وهم سنة مو عشان شي بس لانه فعلا وطني

بس هالمجلس صراحة طلعوا كفاءات ودشوا ناس مايسوون لا من ناحية الفكر ولا الشهايد بس شنسوي هذي الديمقراطية

وللاسف اثبتت هالانتخابات انه فئة كبيرة ماتهمها مصلحة الكويت كثر مصلحتها يعني اصوت لفلان حتى لو انه سكير ولا فاشل بس انه ضد فئة معينة

عموما على قولة الغانم هالمجلس ماراح يطول

 

[sarah_]

من خرج من داره يقل مقداره


باع اهله. وايد انصحوه ما سمع النصيحه. الي يبيع ينباع


خل يتحمل

 

[ام ريماس ومياس]

فلنتينو
ياريت الدكتور حسن يشوف ردج
واكتفي بهذا القدر

قوة ساندريلا.:eh_s(7):


انا بالدائرة الاولى وسنية وصوت حق حسن جوهر وزوجي معي :rerrerek:


بس صج انا في النهاية سنية ويهمني الي يمثلون دائرتي من منهجي ومو من اصلنا الخيانة في بعضنا

صوت حق اسامة شاهين والكندري عشان يمثلون طائفتي .


و2 صوت حر حق شيعة فيصل الدويسان مو علشانه مع الحكومة انا ضد الحكومة بس صوت له


لان افضل من بقية الشيعة في دائرة.



وصوت حق حسن جوهر لان نار على علم ...واصلن انا احب شخصيته ومستحيل ما اصوت له .



رفيجاتي في الدوام شيعيات قاعد اقول صوت حق حسن والله يستاهل والله متجاهلينه كلش


ومحاربينه ليه الله واعلم ؟؟

بعدين الدائرة الاولى الشيعة اكثر من السنة ..فامستحيل السنة يطلعون مرشخين السنة .


بل ما تقولين من يمثلنا .؟؟


لان لا القلاف ولا الدشتي ولا عاشور .نأمنونهم على انفسنا معليش


. او يدافعون عن حق السنة في الدائرة . اسمحي اقولها لج بصراحة ..



والله الشيعة يقدرون يخلون كل المقاعد في الدائرة الاولى كلهم شيعة .بس كلهم تجهو حق اشخاص


معينين وهذا الي خل السبب في طلوع الكندري واسامة والدمخي ..

 

[ms.fro0o7a]

أنتو مصدقين الجويهل والفضل فايزين محد يبيهم واحد يبي خمور والثاني ألفاظ قذره مثله حسبي الله ونعم الوكيل

انا بعرف انتو ليش
خايفين منهم
ومسلم البراك وربعه ماسبوا شيوخنا الي تاج راسهم

 

[أحمرجوري]

يارب يكون المجلس مجلس يهتم بالشعب والاقتصاد ونبتعد شوي عن السياسه والله تعبنا ونبي تشكيل وزاري طيب ويبعد الفساد عنا يارب احنا عشنا ومابقي من العمر شي والله خايفه علي الجيل الثاني جيل عيلاني وعيالكم شلون راح يعشون من بعد عيني