حسبي الله على من ضيع فرحت عيدي

[FeShinGoOo]

حسبي الله ونعم الوكيل فيهم

 

[طموحه بزياده]

الله يرزقج

 

[زوجة عزيز]

الله يفرجها عليج ويكشف عنج الضر ويرزقج بوظيفه احسن منها يارب

 

[دلع العتبان]

عسى الله يفرج عليج حياتي ويرزقج بوظيفه احسن منها اللهم امين

 

[جـوود الحب]

قولي حسبي الله لااله هو عليهتوكلت وهو رب العرش العظيم )كل يوم 7 مرات والله يفرررج همج حبيبتي

 

[طيوبه89]

يمكن حبيبتي خيره ماتدرين!!!
الله يرزقج وعوضج يارب

 

[همس الروحي]

الله يفرج همك ويسخر لك وظيفه افضل منها ماتدرين يمكن خيرة تقبلي مروري واحترامي

 

[آتعــبني غـلآآك]

الله يفرج همج ويرزقج احسن منهاا

 

[FDET NFSY]

الله يفرجها عنج

 

[بـ سـ كـ وتـ ة]

حبيبتي لازم يبلغونج قبلها ب3 أشهر وإذا ما بلغوج معناتها بيدفعون لج راتب 3 أشهر

هذا قانون العمل وإذا ما مشوا عليه لج حق تشتكين عليهم في الشئون أعتقد وحتى بدون محامي

وإذا تبين معلومات زيادة كتبي في قوقل قانون العمل الكويتي

وبعدين حبيبتي منو قال واسطتهم أقوى ... انتي بنفسج قلتي واسطتج الله سبحانه وتعالى ومحد أقوى منه

أهم شي استانسي وتوكلي على الله ولايضيق خلقج كل شي ينحل ان شالله

وأبوج ان شالله مو عيزان عنج وان شالله تردينها له بوقت حاجته ... عسى الله لا يحيجكم أبد

 

[بـ سـ كـ وتـ ة]

والحين حاولي تضبطين السي في مالج ولا تخلين مكان ما تقدمين فيه

جربي www.bayt.com

www.q8cv.com

غير الشركات نفسها

وقوليلي شنو تخصصج يمكن أقدر أفيدج

موفقة حبيبتي

 

[meshow]

الله يعينج ويرزقج بوظيفه احسن

 

[hadoy]

حبيباتي الله تسلمون صج احس ان هونتوا علي هالمصيبه

 

[•Brown•Sugar•]

انا كنت اشتغل بالقطاع الخاص وصارت نفس السالفه عندنا واضطروا يفنشون واااااااااايد موظفين
وماقدروا يسوون شي غير شالو اغراضهم وودعونا
ولما سئلت مديري قال: ياني امر من الاداره يلزمني اتخلى عن 1 او 2 من موظفيني
وضطريت اختار الاقل كفاءه وانتاجيه بس مو معناته انها موزينه

 

[•Brown•Sugar•]

انصحج روحي سوي اوراق استقالتج ولاتماطلين
وقعي ع الاوراق اللي يبونها واخذي منهم
شهاده خبره وحطيه مع السي في مالج (اذا كنتي مره تواصلين بالقطاع الخاص)
+ حسن سيره وسلوك + تقرير الحاله الوظيفيه
او قدمي ع الديوان اول مايبدا التسجيل الياي وهم يحتاجون نفس الاوراق ماعدى شهاده الخبره
انا كنت بالقطاع الخاص وقدمت اسقالتي والحين اشتغل بوزاره
حدي مرتاحه والحمدلله

 

[A5tsloom]

ماعليج يا ختي الله ماراح ينساج ان شاء الله
يمهل ولا يهمل

 

[hadoy]

بس انا شاطره عنده وكله يعتمد علي بس مادري شفيه دايم يقول حق اللي وياي اني اكثر وحده ملتزمه وشغيله
واذا عالاقل مستوي وظيفي في وايد بس انا صار ومع المراقب انه يقام يجامل علي حساب الشغل يعني المحسوبيه لعبت دور

 

[•Brown•Sugar•]

خلاص حبيبتي لاتتعبين نفسيتج ع شي طاف
وظيفه بدالها 2000 وظيفه
والحياه ماشيه ماوقفت ع شغلتج هذي
والزين يفرض نفسه بمكان شغله مو ضروري بتعليق من مسؤولينه
كافي كلمه يعطيج العافيه وماتقصرين ومشكوره من العملاء والمراجعين

الحين حددي هدفج اليديد وين ناويه تشتغلين وجهزي كل الطلبات اللي يبونها باسرع وقت
واذا صارلج فتره وانتي تشتغلين بالقطاع الخاص
اي شركه ترحب فيج ويمكن يعطونج منصب اعلى شوي من منصبج
واذا تبين اي استفسار الخاص مفتوح لج حياج باي وقت

 

[جواهر35]

لاحلو ولاقوة الا بالله

 

[وردة-الكويت]

حسبي الله على من تسبب لج والله يفتحلج ابواب الرزق يارب