حسبي الله ونعم الوكيل من شياطين الانس افيدونني يابنات

[الغاليه نونو]

هذى وين ريلها عنها اسليمه حتي اسليييييييييييييمه تصكها وتصكه

هذى موصاحيه فيها مرض نفسي اسمه ( انا اعرفلا اداويج واخذ ريلج واخليج ) <<<<مصطلحاتها حصريه

شوفي ياقلبي انتي لا تضايقين نفسج من هالخبله وتجاهليها ولي شفتيها يات بيتكم انتي صيري حليمه بولند حق ريلج تدلعي عليه وقعدي يمه صيري لزقة عنزرووووت وهالفاصله لاتعطينها اهميه خليها تموت من الحره صيري ذيبه ياحظي علامج ماتعرفين اتوقفينها عند حدها قعدي مع ريلج وقوليله ترا مايجوز اتطيح الميانه معاها جذي ترا ربي سائلك ويحسابك وانت كمسلم المفروض تغض البصر وعلميه بالدين والنصيحه اشلون يتصدد عنها هذى عقربه تبي تحوس حياتج وتبيج تعيشين بحالة شك وتدمر نفسيتج بس قولي الله اقوي منج يالنسره وعسا ربي ينصرني عليج وعلي تدابيرج يالباصجه

 

[جواهر البحرينية]

ما في حريم اخوان غيرج
الله ينصرج عليها
نظامها افري قذر

ضحكيني والله صاجه اذا العيله بتوسي يمعه برجه او برانا اقول نبيها يمعت نسووان اتنط لا لا نبي العيله كلها
تقصد خلط عاد الكل اقول صاج العيله كلها ويمشي كلامها :ggdw:

 

[جواهر البحرينية]

هذى وين ريلها عنها اسليمه حتي اسليييييييييييييمه تصكها وتصكه

هذى موصاحيه فيها مرض نفسي اسمه ( انا اعرفلا اداويج واخذ ريلج واخليج ) <<<<مصطلحاتها حصريه

شوفي ياقلبي انتي لا تضايقين نفسج من هالخبله وتجاهليها ولي شفتيها يات بيتكم انتي صيري حليمه بولند حق ريلج تدلعي عليه وقعدي يمه صيري لزقة عنزرووووت وهالفاصله لاتعطينها اهميه خليها تموت من الحره صيري ذيبه ياحظي علامج ماتعرفين اتوقفينها عند حدها قعدي مع ريلج وقوليله ترا مايجوز اتطيح الميانه معاها جذي ترا ربي سائلك ويحسابك وانت كمسلم المفروض تغض البصر وعلميه بالدين والنصيحه اشلون يتصدد عنها هذى عقربه تبي تحوس حياتج وتبيج تعيشين بحالة شك وتدمر نفسيتج بس قولي الله اقوي منج يالنسره وعسا ربي ينصرني عليج وعلي تدابيرج يالباصجه

ابيييييييييييييييييييي اينن اسلوبج :dddds: حبيتج -

 

[مفتاح التجوري]

اذا ساكنة بيت حمولتج طلعي منهم

 

[جواهر البحرينية]

ثقي انها فترة وتعدي وادعي الله يوقيج من الفتن و السيءات
و انتي بعد وين ذكائج
مثلا انتي عارفه حركاتها شتقولين
حلمت ابحيه سوده اتحوم حاولين الحريم
لا استغفر الله لا تألفين بس يعني نغززي
حاولي اتسوين نفس ميوعتها اشوي بس عند رياييل و اذا عصب قولي كاا فلانه سووت
و انتي حاولي تتقربين منها يبيها صوووبج
طلعي معاها دقي عليها سولفي معاها
خليهم يقولون فلانه و فلانه عسسسسل
بس بعدين عطيها ضربتج القاسية
لا تلوميني اقط خيط و خيط امواصله عندي امتحان
بس واللللله حرقت دمي
و لا تعالي تدرين شالمشكلة انتوا عندكم اختلاط عادي
حاولي تطلعين بصورة المتدينه و انج ما تحبين هالسوالف
الميوعه و الاختلاط عشان تحشمج




عمي بعينها اوووووووووووووووووففففففففففف

وااااااااااااااااااااااااااااااااااااااااي صج ضحتيني
دمج وايد خفيف حبيبتي شسوي الله بلاني ربي لك الحمد على كل شي

 

[مفتاح التجوري]

قولي لا شنو اذ انتي اتحبين المكس سووووي بروحج انا ابيها نسوان و بعزم خواتي
و خواتي و امي ما يحبون المكس و الفصاعه و من هالكلام
نقديها على نفسها اشفيج
هالفصعوووونه
عمي بعينها و الله فحمت و نا بمكاني

 

[مفتاح التجوري]

خوش اذا عندج حريم اخوان شوفيها اذا تلزقت بواحد
روحي زلقي فيها عند مرته
ترى الحريم مخهم اصغير
و ان كيدهن عظيم

 

[جواهر البحرينية]

قولي لا شنو اذ انتي اتحبين المكس سووووي بروحج انا ابيها نسوان و بعزم خواتي
و خواتي و امي ما يحبون المكس و الفصاعه و من هالكلام
نقديها على نفسها اشفيج
هالفصعوووونه
عمي بعينها و الله فحمت و نا بمكاني

اسمله عليج حبيبتي ما تستاهل درسي حبيتي عدل :denya:

 

[semaasem]

غثيتيني الله يغثها جذي أشكره؟!!!

الرسول صلى الله عليه وسلم قال: (الحمو الموت) يعني هذا حماها الله يهديها ان شاء الله


عليج بالدعاء وخلج ذكية وفطينة والابتسامة لاتفارق ويهج وكسبي اهل زوجج بالسنع والهدايا والاطباق والشي العدل...

واهتمي بنفسج اكثر واكثر ولا تخلين وحدة مثلها تحرق اعصابج ولا تنكد عيشتج الحمدلله عندج زوجج وبيتج الله يهنيكم

ولا تبينين له انها غاثتج بالعكس وترى هذي وحدة مسكينة المفروض تشفقين عليها وعلى سخافتها...هذي لا دين لا فكر لا منطق لا مبادئ

الله يعينها على روحها...وادعي لها بالهداية والله يفكج من شرها يارب.

 

[المـــــها]

سليمه تصكها هالوصخه

حرتني الخااايسه

شنو زوجها مو مالي عينها ؟؟


و ما يشوف حركاتها القذره قدام الرجاجيل ؟؟؟

 

[حبـ admant ـك]

من القهر دشيت مره ثانيه
يااا ربي حرتني الله يعينج وينصرج عليها

 

[_ظل الياسمين _]

الله يهديها بس.

 

[SaD FaCe]

واي الله يعينج عليها !!!!

وقحه !

 

[بمبة المفترسة]

شنوو هذي مجابلتكم 24 ساعة ماعندها بيت ريل
شلون تتغدا معاكم وين زوجها وعيالها فاضية هذي
انا اقوول سوي مع زوجها جذيه لا يا رحبي وهلي فيه هلا بوفلان اصب لك قهوة طبعا بوجوودها تبي شاي تبي حلوو
يمكن تحس

 

[طير يحب سجانه]

وااااااااااااااااااااي الله يعينش والله نقعرت وعصبت من حركاتها البايخه كيف انتي والله حقريها وصيري رسميه معها
وريلج قوليله وادا قال طيبه ومادري شنو عطيه الوجه ناشف وقولي له انت ماتحب تضايقني صح ادا كلمتها انا اتضايق
والله لو انا كان ادوس في بطنها

الله يعينش على ها الاشكال

 

[new^mom]

اااااااااااااخ بس لو الله يفكنا من هالاشكال ... شنو يعني بنت فلوس على راسها ريشه

 

[كبرياء أمراه]

فديتج يابنت ديرتي الله يهونى علييج

حسيتج من كلامج انج صج عاقله بس الغيره وهذي شي طبيعي بتصير عند اي وحده لين جافت قلة ادب وقذاره جدامها...

تدرين اسلوبج في ذمها جدام ريلج ما ياب نتيجه
وطبعا انتي تعرفين انه الريال مستحيل يرضى على اهله وهيا عبارة من اهله
استخدمي مكرج ايه استخدميه
لا تخلين شي تافه تعكر حياتج


بقولج قصة رفيجتي واخذي عبره منها واحسج بتفهمينها ع الطيار

هذي حماها كان بيتزوج وهو على قد حاله والبنت اللي بياخها عن حب طبعا" وشرطت عليه شروط حق ليلة العرس
اكبر من مقدرته قالت له سو جذي وجذي.. وترا مو انا اللي ابي امي هيا اللي مصره اتسوي لي جذي
8
8
8
جوفي حطة بلاها على اهلها وفوق ذي ما راعته مسكين
وطبعا الكل قام يقول مسكينه هيا ما تبيء بس اهلها جابرينها>>> طلعت طيبه وعلى نياتها
قامت رفيجتي وراحت حق زوجها وقالت لها>>>>
مسكيينــــــــــــه الصراحه اهلها مالهم حق يجبرونها والمفروض يقدرون الريال وووو
من باجر قول حق بيتكم يتصلون لامها ويقنعونها لا تجبر البنت على شي ماتبيه
ويوم اتصلو للام >>> قالو لها حرام تجبرون البنات ومن هالحجي
قالت لهم احنا مالنا خص هيا الي تبي جذي
>
>
>
زبدة الحجي حركة رفيجتي وفهمها لعقل المره بالاخير فهمتهم انه البنت ذي جذابه من بدايتها

انتي سوي جذي
لين حسيتي سوت هالحركات
قولي لزوجج كلام في الصميم وبالنفس الوقت على اساس انج تحبينها وماتبين تظلمينها

والله يعينج عليها

وحطي في بالج طول ماهيا بعيده شيليها من بالج
وخلها تفهم من حركاتج وكلامج انه اللي يحاول يهدم بيتج تدمرينه

وترا حسيت من كلامج زوجج ما يطالع لها بنظره ثانيه
وتحملي اتييبينها بسوء جدامه او تقولين سوت جذي وتفصخت ولبست وتبيك طالعها تحمممملي
لين قلتي له ترا بيبتدي يلاحظ ويحط باله

 

[اوووفر]

سبحااااان الله
الرسول صلى الله عليه وسلم قال فيما معناه الحمو الموت
مو من فراغ
والاختلاط شوفوااااا اضرااااره
الله يكون بعونج ويهدي الجميع

 

[.،:"$الـعـوبــــة$":،.]

حبيبة قلبي ،
فيه مثل معروف والله صحيح 100% !
يقول ( لا حبتك عيني ماضامك الدهر )
يعني مرة حماك هالهبلة اللي مو تكانة وخفيفة ! حمولتك حابينها ، عشان كذا لا تقولين ماشافوا شنو قالت والا شنو سوت !
لأنهم ماراح يشوفون غلطها لو تفصخت قدامهم !
فالحل انك تكونين ذيبة مثل ماقالت الغالية نونو ، ( إن لم تكن ذئبا أكلتك الذئاب )
خلك واثقة من نفسك ، لا تفكرين تهزك هالأشكال ، واذا قعدتي مع زوجك ، قولي ( مسيكينة ، خفيفة هالبنت الله يهديها ! مدري شلون بتربي أجيال بكرة ؟ حرام عقلها على قدها ومن هلكلام الثقيل اللي يجي بالعظم !)
يعني اذا بتنتقدينها لا تقولين ( قليلة أدب ، ماتستحي ، وغيره ) لأنه راح يفكر انك تقولين هالكلام من الغيرة !
لأ خلك واثقة من نفسك وقطي من الكلام اللي قلتلك عنه ولاكأنك مهتمه بس مو كل شوي وكل دقيقة ! بين فترة وفترة !
ترى هالشغلات صدق تقنع الزوج وبشكل غير مباشر ، اسمها الايحاء !
واذا جت خلك مع زوجك ضحك وسوالف وميانة ، ودزيله مسجات من اللي بالي بالك !
( ياليتني جنبك ، ياليتني بحضنك ، فديت الضحكة ، يارب لا تحرمني هالزين ) ومن هالكلام !
وربي بتلقينه مسبه ومتنح فيك ولا راح يعبر اللي موجودين ! وموفقة يارب ،
​

 

[كويتيه مذهله 87]

امبيه اي شي

قله ادب وين قاعدين
الشره علي ريلها مالت بس

احسن حل انج ماتطلعون مع بعض والبيت اذا تقدرين طلعي شقه بروحج