حسبي الله ونعم الوكيل من شياطين الانس افيدونني يابنات

[حجيه هيونه]

هذي كل مشكلتها انها تبي زوجج يمدح فيها

عشان تحس انج ولا شي وانها راح تظل احسن من الكل


مرض نفسي بعيد عنج


بصراحه الله يكون بعونج

 

[●|أملي بالله كبير |●]

اعووذ بالله من هالاشكاالالله يجملج بعيوون زوجج وماايشووف وحدهـ غيرررج وقولي اللهم اني استودعك زوجي وقلبه

 

[ريماس77]

هذي ماتستحي يبيلها قرصه منج علشان اتوب

 

[فارسية]

حبيبتي الجمال والدلع الماصخ الي عندها مو دايمين ما يدوم الا وجه سبحانه
والله انت احلى منها بمليون مرة بجمالج وحياءج وحبج حق زوجج
وإذا اهي ما هندها غارية على نفسها ولا على زوجها فاهي ما شافت الجمال وصدقين بيمر يوم اتلاقينها ادور رضاج
انت حقريها ولا اتييبين طاريها جدام احد بالشينة ولا الزينة
اهي قاعدة اتسوي جذي مو لأنها معجبه بريلج
اهي اتسوي جذي لأنه غيراااانه منج
لانها اتشوفج احلى منج فتحاول تلفت انظار الي حواليج والي يحبونج
وصدقيني محد يرضى اتكون زوجته بهالمستوى الهابط
صدقيني انه ريلج يشوفج جدامه ملكة
والزمن راح يوريج فيها
بس صج حدها cheeeeeeep

 

[جواهر البحرينية]

حبيبة قلبي ،
فيه مثل معروف والله صحيح 100% !
يقول ( لا حبتك عيني ماضامك الدهر )
يعني مرة حماك هالهبلة اللي مو تكانة وخفيفة ! حمولتك حابينها ، عشان كذا لا تقولين ماشافوا شنو قالت والا شنو سوت !
لأنهم ماراح يشوفون غلطها لو تفصخت قدامهم !
فالحل انك تكونين ذيبة مثل ماقالت الغالية نونو ، ( إن لم تكن ذئبا أكلتك الذئاب )
خلك واثقة من نفسك ، لا تفكرين تهزك هالأشكال ، واذا قعدتي مع زوجك ، قولي ( مسيكينة ، خفيفة هالبنت الله يهديها ! مدري شلون بتربي أجيال بكرة ؟ حرام عقلها على قدها ومن هلكلام الثقيل اللي يجي بالعظم !)
يعني اذا بتنتقدينها لا تقولين ( قليلة أدب ، ماتستحي ، وغيره ) لأنه راح يفكر انك تقولين هالكلام من الغيرة !
لأ خلك واثقة من نفسك وقطي من الكلام اللي قلتلك عنه ولاكأنك مهتمه بس مو كل شوي وكل دقيقة ! بين فترة وفترة !
ترى هالشغلات صدق تقنع الزوج وبشكل غير مباشر ، اسمها الايحاء !
واذا جت خلك مع زوجك ضحك وسوالف وميانة ، ودزيله مسجات من اللي بالي بالك !
( ياليتني جنبك ، ياليتني بحضنك ، فديت الضحكة ، يارب لا تحرمني هالزين ) ومن هالكلام !
وربي بتلقينه مسبه ومتنح فيك ولا راح يعبر اللي موجودين ! وموفقة يارب ،
​

اي والله صاجه
تبين اضحكين سمعي مره امسويه عزيمه ورحنا بيتها فاسمع زوجها اقول حق امه ( يمي شفتي السويت الي سوته فلانه) قالت اي ماشاء اله لذيذ قلت في قلبي اوه اوه تسنعت صارت تطبخ عاد اسال خالتي ماء شاء شمسويه حلو ما شاء الله قالت ماخذه ( تمر وراشه عليه هرده وسمسم) :23_asmilies-com::23_asmilies-com::23_asmilies-com:والله بنات مت مت مت من داخلي كنت بذبح روحي
صدقتي لا حبتك عيني ماضامك الدهر:tek:

 

[كاميليا1]

ياحياتي الله يفرج كربك والله كثير مثل شاكلتها بس تدور عليهم الدواير اذا انتي متحجبه الحمد والشكر لك يارب خلاص انتي اثري فيهم الحريم يجلسون بروحهم مش مع الرجال واذا اجبرتي ادعي قبل ما تجتمعون قولي يارب ان تصرفها عن زوجي اللهم اعمي بصرها وبصيرتها عنه اللهم اشغلها في نفسها واجعل كيدها في نحرها يارب والله حرقتي قلبي الله يحاسبها

 

[marshmallows_q8]

أعوذ بالله من هالفئه

مايعرفون عن الحمو القاتل؟ تبي تحرج ولا تغريه ولا تستفزج ولا شنو؟

الله بيحرقها بنار جهنم

 

[شنوووفه]

اففف وووووع الله يعيينج علييها

 

[مكنتوشه]

ما اقول الا حسبي الله على هالأشكال القذره

 

[% سود العيون %]

.
.

أنا أتوقع انهم يحبونك اكثر منها

صدقيني الخفيفه محد يحبها بس هي شكلها لزقة عنزروت ... انا عندي حمات مثلها ومع اني اجمل منها بكثير ....كنت احسبهم يحبونها ويفضلونها علي

بس بعدين اكتشفت انهم بس ينافقونها والا الصحيح غير

.
.

بس احسن حل موتيها قهر بحركاتك المايعه عند زوجك وسوي انها حركات عفويه ماكنتي تقصدينها ومثل ماقالت الاخوات الله الله برسايل الجوال لما تكنون جالسين مع بعض

.
.

 

[مشتاقة الى الله]

الله يهدي الجميع يارب​

 

[روح البوادي]

حسبي الله عليها
اللي تقولينه مو طبيعي والله يعينج ويفكج منها
البنات قالوا كل شي وماقصروا بس اهم شي اقولج الدعاء الدعاء
ادعي الله يبين الحق وماعليج حتى لو يحبونها على مصاختها ومياعتها وقلة ادبها لابد انهم يعرفون بالنهاية انه انتي الزينه المحترمة
والله يكشفها
وطيعيني مايفيدج الا الدعاء واقري سورة ياسين وادعي باللي تبينه لانها لما قرأت له ان شاءالله
وكل وقت ادعي وتصدقي وادعي انه الله يسجيب لج
بس ها لا تدعين عليها بشي مو زين لان جذي مايجوز ودعاءج مايستجاب
ادعي ربج انه يبعدها عنكم اهي وشرها وانه اهل ريلج وريلج بعد يعرفون انه انتي الزينه ويحببهم فيج
والله معاج

 

[تنايفـ]

ياساتر ماتقدرون تفلتون من هاليمعه!
الله يعينج صج بلوه
عندها عيال ولا لأ هالبارع؟​

 

[أم قـمبر]

سؤال
هذي وين زوجها ؟؟
ما بين بالسالفه كلش كلش
حركات بايخه الصراحه
زوجها يشووف بعينه وساكت وراضي ؟؟؟
اذا تبين نصيحتي
لا تتكلمين عنها جدام ريلج ولا تقولين عنها شي ولا تقولين انها تتدلع ومودري شنو جدامه عشان ما تفتحين عيونه
ومهما كان هذي مرت اخووه مو معقوله بيلتفت عليها
خليييج واثقه من نفسج اهي حلوة اووكي وانتي حلوة
وبعيون ريلج انته احله واحله
ترى نظرة الزوج تختلف
واذا تحسين انه حركاتها حلوة بالتدلع قلديها
لمن تقعدين معاه بروحكم او حتن جدام اهله سوي حركات التدلع ملوتها
واكييد الباجي عارفته
من لبس وممكياج وجذي
طبعن لين قعد يمدحج ماراح يهمج حركات هذييج
اهم شي انج تشوفين نفسج انج انتي الاحله حتن لو كانت هذيج حلوة
والله يوفقكم

 

[عشق موالي]

الله يعينج عليها باين عليها انها قوية عين وماتستحي

 

[ام زاكي]

الله بيكون بعونج قطعتي قلبي والله احس المشكله مالها حل

 

[ديـمه]

وع عليها هذي النوعيه مايكسرهم دين ولا اخلاق ولا اي شي ثاني

هاذي يبي لها كيد حريم عدل ومثل ماقالو البنات اكيد فيها نقص ربي لك الحمد والشكر الي كله تبي الناس تناظر لها

المهم

دخلي لها من باب ثاني وهو الذوق يعني حسسيها ان حركاتها cheep بس يعني بطريقة تمسخر يعني مزاح وطعن رماح

ولاتبينين لزوجج شي يقوم يحطها براسه ولا لاهل زوجج لان حتى لو بينتي لهم ماراح يسوون شي

وزي ماقالو البنات اهتمي بنفسك وزيدي بدلال زوجك ولا تهتمين فيها واذا شفتيها بالغت بالحركات ماغير تناظرين كذا باستهزاء وتتحمدين ربك النعمه بصوت شوي مسموع وصدقيني الحركه هاذي تربي وبنفس الوقت مافيها مبالغه على قد الموقف

اهم شي انتي تنبسطين ولا تخلينها تأثر على مزاجك ونفسيتك عاد نيتها زينه نيتها شينه النبي يقول "امرت ان احكم بالظاهر وماخفي علمه لله "

 

[إبشر بعزك]

ليكون ساحرتهم محد وقفها عند حدها شنو هذي مافيها حياء
الشرها على زوجج اللي معطيها ويه وايد

اكثري الاستغفار وادعي ربج دايم انه يبعدها عن طريج ريلج والله كريم

 

[H.A.K.W]

حبيبتي الله يكون بعونج ويصبر
مالج الا الدعاء ولازم ضروري تقعدين مع زوجج وتتفاهمين معاه وتبينن له نيته ومقصدها
واهو اكيد بيتفهم الوضع و لان يحبج راح يبتعد عن هالشي عشان مايفرحها فيج

 

[meme318]

يمكن ليش انتي متحجبه وعاقل تدري انج ماراح تغثينها بنفس سمها يعني ماتقدرين ولا بتجراين تسوين مثلها لانها وحده مهي صاحيه هذي اشكره خرابه بيوت !! شي صعب الصراحه بس اقولج الصج رجلج هذا عديم احساس يعني كل هذا ومايدري الحبيب بنيتها ولا جايز له الي تسويه خوفج منه والله ولا تقولين يحبني ومادري شنو ترا كثر الدق يفج اللحام !! ترا واجد الي خان اخوه مع اهله صارت ياما !! الله يعينج هذي ابليسه تبي تخرب بيتج تعوذي منها وادعي لنفسج ان الله يعميها عنج ويرد كيدها لنحرها صعبه والله انتي دينه وخلوقه وبنت ناس ماقدر اقولج سوي نفسها هذي دنيه نفس عينها على حلال غيرها جلبه وواطيه سوري للالفاظ بس والله انقهرت وانا اقرا اشلون انتي الله يكون بالعون بس انا الي اعرفه انه الرجاجيل يعرفون المره من عيونها ويفهمون وشتبي يعني معقوله رجلج مو فاهم اهي شتبي !!