حسبي الله ونعم الوكيل

[fri2010]

السلام عليكم


اااااااه يا بنات كارثة


اختبرت البنات الأسبوع اللي طاف اختبار قصير

وصدت جم وحدة حالة غش

وبلغت رئيسة القسم وقالت لي تعطينهم أصفار و فوقها لا تعطينهم درجات أعمال كاملة و سوي استدعاء


سوينا استدعاء آت ويت وحده وقالت لا بنتي ما تغش انا ما ربيتها على جذي أنتي أكيد شفتي بنيه ثانية


و الأخصائية قامت تقول انا سالت البنات و قالو أهي ما كانت تغش بس كانت فاتحه الدفتر و حاطته بالدرج



يعني تقول لي انتي جذابه !؟ وجدام ولية الأمر و الطالبات !!!


حسبي الله عليهم

 

[جيتك تعال]

حبيبتي فاتحة الكتاب يعني غش ... غشت اة ما غشت مو مهم المهم انه غش

طبقي شغلج وعطي اصفار وخلاص مالج شغل باحد

 

[fri2010]

انا ابي رد اعتبار وخاصة للاخصائية اللي قاعدة تطلعني جذابه

فاشلون الحل

 

[Ranoon]

بلاوي حريم وشدراها أخصائية هي يعني
قاعدة بصف ؟؟؟؟؟!!!!

 

[PuPa^^SWeeT]

بلغي الادارة عن تصرف الادارية


وتمي امورج


حطيلهم اصفار

 

[fri2010]

الاخصائية رايحة سائلة الصف وبنات الصف قالو لها لا ما حصل هالشي !!!

تخيلو ويايه تقول حق ولية الامر ان البنات قالو هالشي

يعني انا وحدة جذابة

 

[PuPa^^SWeeT]

هذي الاخصائية شفييها ؟؟؟


المفروض ماتدخل


؟؟؟؟


واذا لابد اتدخل اتهدي النفووس مو اتزيد النار حطب



كلمتي الادارة عن تتعاملها ؟؟؟


كلمي المدرسة الاولى


وقوليلها اهي تجتمع مع الولية الامر و اتكلمها

 

[fri2010]

هذا اللي بسويه بخلي رئيسة القسم اتكلم الاخصائية

 

[كويتية222]

البنات شافوها حاطه الدفتر بالدرج؟!! يعني شدراهم عن حركة البنت!! عموما لا يعد بشهادة زميلاتها انتي شفتيها تغش وانتي معلمة فاضلة واحرص وحدة ع مصلحة طالباتها انتي مو عدوة لهم لكن الغش معناته لا دراسة ولا خوف ولا حساب للمادة والابلة والاهم منهي عنه بدينا الاسلامي. الاخصائية تصرفها غير صحيح وتحتاج قرصة اذن من مسؤولتها الاعلى انها ما تناقش المعلمة بالموقف واللي صار جدام ولية الامر

 

[PuPa^^SWeeT]

طمنيينا باجر

 

[fri2010]

كلمت رئيسة القسم وكلمت الاخصائية واعتذرت عن الموقف

تقول لازم نكسب الطالبات ونعطيهم الثقة ان ما ادري ان الصف يلف ويدور وانا ما اقصد اشكك بكلامج

اما بالنسبه للصف صخة وكل وحده فيهم تبي ترضيني بأي شي !!!