حسيت اني فقيره

[نعم لاسقاط القروووض]

مرحبا يابنات
:0bee2e8d89: كثير اسمع يتكلمون عن البورصه قلت خلني اجرب كان عندي الف وكل يوم ابروح للبورصه (يعني غنيه ):ggdw:
المهم ماروح ويوم يجر يوم المهم صاروه 700 :dddds:

لما رحت اهناك حسيت اني فقيره :dddds::eh_s(16): الحريم يتكلمون عن ملاين وانا 700 والله فشله المهم البنت ماعطتني ويه مالت مكتب الوساطه ومالها خلق لي شسوي مادري شرتلي اسهم بشركة زين ب 570 والباجي ضلوا برصيدي وماعطتني اي اوراق وقالت روحي اذا ارتفع السهم اتصلي وانا ابيعلج تخيلوا حتى رقمي ماخذته :tomato2:
بليز مساعدتكم شسوي لو ماخذ فليساتي وقازه الافنيوز مو ابركلي _03BA:

 

[{Unique}]

السلام عليكم
اختي الكريمة بما اني محلله فنيه في سوق الاوراق الكويتية
الكلام اللي كاتبته غير منطقي بتاتا لانه مافي وحده سعريه في السوق تقدرين تشترينها بمبلغ 570 دينار الا من سوق الكسور
السوق يبيله مبلغ لا يقل عن 2200 دينار لاقل وحده سعريه وما تسوا انه الواحد يشتري بمبالغ مثل هذي لانه المردود يكون ضعيف جدا ونصيحه لحد يفكر انه السوق مربحه دايما كثيره اول الشي الواحد لازم يفكر انه خسائره كبيره وعلي معرفه تامه قبل الدخول الي ساحة المعركه وشكرا

 

[هنوده 66]

عدل كلام الاخت

كل مكان المبلغ شوي كبير زاده نسبته الربح في اسهم رخيصه وارخص من الاكتتاب بس فيها خطر ديري بالك منها طبعا شركات الورقيه

الي مافيها اي نشاط تجاري بس تتعتمد علي المضاربات


وموفقه الفقير فقير النفس والغني غني النفس

 

[شيهانه]

الله يغنيك ان شاء الله ..

 

[أحلى ريماس]

الله يغنينا بغناة الر وح ...انشالله البنات يفيدونج

 

[متجولة *]

مااعرف بالاسهم
بس الرسول صلى الله علية وسلم وصانا نطالع الاقل منا علشان مانزدري نعمة الله
شوفي السيلانية تكرف طول السنة بغربة واهانة وشقى لو جمعنا معاشاتها ماصارت 700
احمدي ربج

 

[نعم لاسقاط القروووض]

يسلموا حبيباتي وماقصرتوا

صحيح اهيا قالتلي بالكسور وانشاءالله خير

وشكرا على كل الردود

 

[ملح بدويه]

الله يوفقج

 

[غربــــة اِحساس]

الله يرزقج التقى والغنى والعفاف والعافية


: )

 

[منيرة خالد]

هلا اختي /
البورصة قبل لا تدخلينها لازم تعرفين شني اهي بالضبظ يعني تدشين مواقع تشرح لج عن الشركات والاسهم وكيفية التداول وشنو يعني السهم واشلون تحسبين قيمته طريج طويل وفيه ناس يشتغلون بالبورصه اكثر من 30 سنه ومع هذا اغدرت فيهم الاسهم

عموما انا ما ابي احبطج دام شريتي تابعي قيمة السهم اللي شريتيه وقبل لا تدور عليه السنة شفتيه ارتفع بزيادة 100 فلس واكثر بيعيه
واذا فكرتي تدشين السوق مره ثانية لازم المبلغ يكون اكثر من 2500 دينار - وتراقبين السوق وتشوفين اسعار الاسهم وتشترين وقت لما يكون السهم نازل

والله يرزقح ويوفقك وهاذي تجريه جديده عليج استفيدي منها بالمتابعة وقراءة الصفحه الاقتصادية بالجرايد راح تنفعج

 

[نعم لاسقاط القروووض]

مشكورين:dddds: وماقصرتوا ياحبيباتي
اختي منيره خالد انا مقروده شرتلي البنت واهيا مالها خلق لي وبنفسيه بعد ههههههههههههه شرتلي من زين وتخيلي السهم 1,360
دينار وثلاثميه وستين فلس ولا بعد ب570 دينار بس ههههههههه يعني انا ضايعه صح ماقول الا الحمدلله على كل حال

 

[DKNY]

الله يغنيييج ويغنيني معاااااج يااارب