حشى ثعالب مو حريم اخو

[روان المطيري]

عندنا وعندج خير وانا اختج
انا مادري اهما ليش جذي واحنا مهبل مافي سالفه تصير الا وقلناها جدامهم
لا وبعد مانتوب
الله يهديهم بس

 

[Om-Ritha]

والله يا روان مدري ليش هشكل صايره الناس يعني ليش ماكو مخافة الله اوكي سولفي وسوي روحج مسنعه بس مو هشكل شسوينا فيج احنا وين الحيا وين التربيه ما اقول الا مالة على هلاشكال المنافقه

 

[نــعــوومــه]

عيب شهالطبع الخايس << ياشينه ,, انقل سوالف الحريم للرجال علبنه زوجي ,,

حتى لوسوالف عاديه موخاصه ,, يااهله يقولون له ولابكيفهم ,,

الله يعينج على عقولهم الصغيره ,, مالج إلا إنكم تتجنبون السوالف جدامهم سواء خاصه ولاعامه

​

 

[ScarletteO'Hara]

عشان هالسوالف انا احب العلاقة ما بين الجنة و الحمولة تكون رسمية تجنبا للقيل و القال
و اخوج الله يهداه المفروض ما يتدخل بسوالف الحريم شكله حيل صار بايخ
بدال ما يصك مرته الحجاية كف على ويهها ياي يقول لكم تسكرون حلوجكم
انتي الحين خلاص عرفتي مرت اخوج
خليج رسمية معاها
و الله يعينكم عليها

 

[بنت السنة]

انتوا كلكم مشتركين في الغلط

اسمحيلي

غلطتك انك تسولفين على نياتك وانت ما تدرين عن الحريم وبلاويهن نصيحة لك خلي سوالفك بينك وبين خواتك وحتى خواتك ترا ما يجوز تسولفين معاهم السوالف الخاصة بالحياة الزوجية وانت تعرفينها

وغلطة مرت اخوك اللي تصب السوالف في اذن اخوك وهالعادة الكريهة عند بعض الحريم , ما تحط راسها ويحط راسة عالمخدة الا قرقرقرقرقرقر وتزيد الجيلة شوي مع بهارات وما ينام الرجال الا راسه متروس ومغسول من سوالفها

وغلطة اخوك اللي يسمع كلام الحريم وسوالفهم ويمشي وراهم لا وعلى امة وخواتة , والا الرجال وش لة بسوالف الحلريم وعوار الراس

وشكرا

 

[دآنة آلرشآيده]

الشرهه على اخوانج المفروض يوقفون حريمهم عند حده
والله يعينكم عليهم

 

[حبك بلاني!]

أغلب حريم يحبون نقل سوالف وانتي حاولي ما تقولين عندهم اي سالفه تخصج والباب الي يجي منه ريح ســده وستريح...!

 

[حزينه 22]

الله يهديهم وخلي الكلام بينكم رسمي

 

[ماركة انثى]

خليج رسمية واللي بقلبج لخواتج وامج بس

 

[الينبوعة]

صحيح مو حلوة عادي حبيبتي في ناس كثير ما تحب تضم السالفة يصير بيهم حكة هههههههه عيب تتكلم حق اخوكم عن سوالف نسوان ​

 

[رضاهم جنه]

والله تعبنا لاتسولفين لحريم اخوانج لاتسولفين لخالتج لاتسولفين لحريم حموانج لاتسولفين لرفيجاتج >>> طيب حق منو اسولف

بنات الخلل مو بس انها مره اخو الخلل في الحريم عامه والرجال هالزمن بعد الي يسمعون كلام هالحريم

اوكي سوالف قمصان نقول على قولة اخوج سوالف مو زينه

طيب وحده اعرفها تسولف عن سفرتها وشنو شافت وشنو الاماكن الي اهناك ما درت الا اخوها داق عليها يقولها لاتسولفين هالسوالف غثتني المره تبي تسافر

ووحده ثانيه تقول تمدح مطعم حق جمعه حريم وان عندهم سلطه عجيبه ومن هالسوالف الا حماها داق على زوجها يقول زوجتج لاتسولف عن طلعاتكم ابلشتني المره

هالاشكال تخليج تنطمين وتسكتين وماتسولفين الا حق امج وخواتج فقط >>> واذا ماعندج خوات سولفي حق الخدامه ابرك من هالاشكال الي تجيب لج هالمشاكل

 

[نونو العصله]

اخوي مطلق فكنا عن حسن نيه نسولف جدامها عن كل شي وهو يجي يزفنا والحين مع زوجته الثانيه نعاملها برسميه وهلا و مرحبا و ما نكلمها عن خصوصياتنا لانها بتروح تقوله كل شي وبعدين عيب المره تقول لريلها كل شي تسمعه

 

[_ظل الياسمين _]

رد: Re: حشى ثعالب مو حريم اخو

اتوقع انهن يسولفن بس كذا ماوراهم مقصد
بس يمكن اخوك تملل من كثر ماتجي تسولف له عنكم
والله يجزاه خير نبهكم وقال لانه يمكن عارف انه تقول لاهلها عنكم
والله يعين

وانا اقول جذيه...:eh_s(4):

 

[زوجة عزيز]

لا اتقعدون معاهم

 

[۩۩ الجـــــود ۩۩]

زين اوضحت لج السالفه يا تناقشينها ليش تسولفين حق فلان ولا حقريها لا تسولفين عندها

يا قو وجهااااااااااااااا سوالف خاصه وعن اخته

 

[DooLy88]

اهما نقلو الحجي وهالشي عيب
بس بعد انتو خفو من هالسوالف
شكو قميص نوم ماقميص نوم !!
لاتقولون كل شي خصوصا هالسوالف
بلا ميانة وحجي ثاني

 

[عاشقة_الجمال]

لا تسوووولفين جدامهم كلششششششششششش عن اشياء خااااصه

 

[فجر الجنوب]

العن شي نقل الكلاام يا شينه

 

[محرومة من الحب]

:3lm1:

زوجة اخوووج ..حاقدة عليكم !

او غيرانه من.. حب واحترام اخوكم .. لكم ؟

واهي ميته قهر ليش اخوكم يشوفكم ملائكة!!

فتسولف هالسوالف عشان يقول :_خواتي..

سوالفهم قمصان نوم .. وممحونات فيكرهكم !!

( فتفتك من كلام يردده عليها كل يوم"" يا ليتج نفس خووواتي )

صح كلامج عندنا وعندج خيييييييييييييييييير

 

[مرقووقه]

لا تسولفون عندهم ولا تعطونهم ويه كلش بعد

قطيعه انا اموت من اللى نسولف وتالى تتبل السالفه على كيفها

قطيعه الله يعينكم