حصالتي العجيبه

[قطوه وجذابه]

واااااو فكـرة حلـوة بس انـا ما اعرف اخش فلوووس

بحاول احط لي حصاله مثلـج واتوقع من اول يومين

بفتحها ايدي تحطني لوووول

 

[الباسمه]

هلا حبايبي وبصراحه شرفتوني بمروركم كلكم بدوووون استثناااااااااااء
ام عفاف - الحراير تقدرون تحطونها بدرج مقفول او بالتجوري وترى مو شرط تكون كبيره حيل وحاولو ما يكون لها مكان تبطلينه وتاخذين الفلوس لاااااااااااا بعد ثلاث شهور نكسرهااااااااااا


سوسو بنت ابوها او ام رونه وقمر الليالي
ناطره تشجيعكم ومشاركاتكم


kuwaitya_zoGaa شكرا على المعلومه حبيبتي


Shima-Style حلوه الفكره بس انا عني اخااف من البنغاليه شاكره مرورج

um ramosa - shoq -2009 - noo7a حياكم الله شوفو الاسواق الشعبيه اتوقع تحصلون
او السوق الايراني ناطره تجاربكم


شوق وحنين - super الشغله يبيلها اراده قويه بسنا دلع والله تروح فلوسنا على خرابيط واحنا هنيه راح نشجع بعض انتظركم تشرفونا


الجوريه الحمراااا اكيد بتحصلين اكثر منا ههههههههههه عليج بالف عافيه

العفاسيه حياج الله يالغاليه

اخصائيه تغذيه انشاء الله تتوفقين بالوظيفه السنه بس الله الله بالتوفير

 

[الباسمه]

قطوه وجذابه قوي قلبج وحياج معانا

 

[moone GRL]

خوش فكرة .. ان شالله تنفع معاكم


انا مسويه لي استقطاع شهري بحساب مضيعه الكي نت مالته خخخخخخخخخخخ بس حرام ضاعت بالغلط مني سبحان الله خيره الحين الحل الوحيد اذا بسحب من حساب التوفير اني ادش اون لاين واحول بين حسابتي وصراحه لما اشبك واشوف حسابي جم فيه اتخيسر اسحب منه فماقمت اسحب منه كلش .. انصحكم بهالطريقة حدها نفعت معاااي

 

[الباسمه]

moone GRL
شاكره مرورج
والفكره من الحصاله زياده الخير خيرين حتى لو فيه استقطاع ما يمنع انه نوفر بعد حق الازمات واذا ما جات ازمه اضيفها على مبلغ التوفير

 

[القرآن ربيع قلبي]

خوش فكرة والله بطبقها ان شاء الله

 

[Miss-LuLu]

انا سويت جذي بس على مبالغ صغيييره ( لاني طالبة)


يعني اوفر نص أو دينار (من مصروفي اليومي)


خلال اسبوع يكون عندي 10 وناسة

والاعانه 100 دينار ،، اخذ منها 50


اروح على طول البنك واحطهم بحسابي (حاطتلي حساب ثاني حق التوفير)


انا عاجبتني طريقتي

 

[هجووورة]

فكرة حلوة حييييل انا سويتها اكثر من مرة والله تنفع
الحصالات ناخذها من محلات العيم عندهم اشكال حلوة على شكل تفاحه اورقيه وفبه احجام كبيرة
انا بصراحة اخذ اللي على شكل تفاحة واحطة عندي في الكبت واخلي زوجي وعيالي يحطون اللي يقدرون عليه واحيانا زوجي يخرد دينار او نص ويحطهم
والله تطلع معنا مبالغ حليوة بحدود 45في الحصالات الصغار وانصحكم تسوونها

 

[غربــــة اِحساس]

تصدقين انا بعد مطبقة هالفكرة

قريتها بموضوع او برد لوحدة من الخوات ( الله يجزاها الخير )

شريت الحصالة الفخار من قرية يوم البحار

واحط فيها بين فتره وفتره اي مبلغ اهم شئ يكون ورق يعني مو حديد

مو شرط عشرة او عشرين حتى النص والدينار واكيد حبيبنا الربع لوووول

ناويه اذا ربي عطاني عمر اكسرها بعد سنة

بس المشكلة اني حاطتها بالكبت واتذكرها كل جم يوم

 

[أسـيـل]

انا وياك على الخط وان شاءالله اصمد ونبي تشجيع منكم

 

[كيوت_25]

يزاج الله خير و الله خوووووووووووووووووووووش فكره

ان شاء الله بطبقها من الشهر الياي و بقول حق رفيجاتي عنها

 

[Q8ya-cool]

حلــــــــــــــــــــــــوهــــــــــــ الفكـــــــــــــــــــــــــرهــــــــــــ
بحـــاول اجربــــــــــــــــــــهـا
:ggdw: :dddds: :ggdw:

 

[معالي الملكة]

إي والله فكره حلوووووووووه :ggdw::ggdw::ggdw::ggdw::ggdw:
بس أبي حصاله كبيره شوي وين أحصل الفخار أبي محل قريب عندنا بالمنطقه العاشره

_03ba:_03ba:​

بالمنطقه العاشره تحصلينها بسوق العزيزيه تحت اكوو ايراني يبيع تحف فخار شوفيه

 

[naba6a]

والله خوش فكره انا وزوجي حاطين لنا صندوق ميمعين فيه خرده من اول ماتزوجنا لي يومج ماجسناه بس بعملات ورقيه ليلحين احس ايدي راح تحكني ما اقدر هههههه بس والله خوش فكره توكلي على الله وانا معاج بجربها وبعد 3 شهور اقولج شنو صار هههههه

 

[أورلاسو نوفاز]

انا مسويتها صارلي اسبوع بسس احط فيها خرده

ووبطلها شهر 9 عشان تقويم اسنان

 

[طماشه]

امبيه الفكره حدها اتينن بس ماتذوب الفلوس ؟؟!!

انا بطبقها ان شاء الله من الشهر الياي

 

[الباسمه]

حياكم الله بنات وبصراحه اسعدتوني بردودكم وتفاعلكم
بس نبي الهمه ونبي نذكر بعض على الاقل كل يومين 5 دنانير
ناطره ردودكم

 

[كـــكـــاوة]

أولا مشكورة عالموضوع اللى يحفز الواحد على فكرة الإدخار لأنى من الناس اللى فاشلة نهائيا فى هذا الامر بس ما يمنع أجرب فكرتج وأشوف نتائجها اللى أتمنى أنها تكون نتائج ايجابية مبشرة بالخير <<<<< صارت محاضرة : )

بس حبيبتى عندى سؤال ... ألحين كل جم يوم يعنى تحطين بالحصالة ال 5 او 10 او 20 يعنى كل اسبوع ولا اسبوعين ولا شكثر بالضبط ؟؟

 

[دنيا رديه]

انا جربت الحصله بصرااحه عجيبه بس المشكله اذا فلست اروح اكسرها
الحين مسوياا استقطااع كل شهر بالبنك وماستلمت البطاقه عشان ماصرفهم
وهذااحسن حل صدقووني
ويعطييييييييييج العااااااافيه

 

[أوهـ وردية ـام]

حلوه الفكره بس مولازم حصاله ماديه
يعني ليش مايكون حساب توفير
ونحط كلساع بالبنك هالمبالغ ..
منها توفير و منها يعطونا ارباح كل سنه لووول