حضانة الابداع (صباح السالم)

[كوكو لاتي]

منو تعرف حضانة الابداع اللي بصباح السالم شلون نظامهم وجم ياخذون بالشهر واشلونها بشكل عام ؟؟؟؟؟؟؟؟؟ظ

 

[باونتى]

انا رحت وشفت الحضانه وبصراحه عجبتنى من ناحية الاهتمام والرعاية بس ما سجلت بنتى لان ابوها ما رضى يقول صغيره .. عندج المشرفه رفرف مسجله بنتها هناك وتقدر تفيدج ؟​

 

[الكادي 1981]

أب أب أب أضم صوتي لج أفيدونا أفادكم لله

 

[حضاره]

مساءالورد00انا مسجله بنتي عندهم من شهر 12

تدفعين اول شهر شي وتسعين منها 12 دينار اغراض(فوطه ومريول اكل) ويمكن 10 تسجيل و65 اشتراك شهري

الحضانه وااااااايد ممتازه والستاف كله حلو كويتيات يهبلون 00تعاملهم مريح 00يدرسون عدل انجلش وعربي ويودون رحلات

شغلهم مبين مع بنتي يعني تغني وتتكلم انجليزي وتقرا ايات قرآنيه قصيره00انا راضيه عنها ولله الحمد00والله يبارك لهم فيها

 

[mr000]

حضاره كم عمرها بنتج اسم الله عليها لما سجلتيها؟؟ واشلون عالحمام تكرمين؟؟ احنا قعد نعلمها ألحين عالحمام على أساس لي شهر 9 تكون ان شاءالله تعلمت بس توها سنتين ساعات تخوره..

 

[كوكو لاتي]

مشكورين بنات بس وين اي قطعه بصباح السالم؟

 

[باونتى]

العنوان صباح السالم قطعه 5 شارع 1 جاده 14

 

[حضاره]

مرووو 00سجلتها شهر 12 وميلادها شهر 3 تقريبا سنتين و9 شهور

وعلى الحمام لاتحاتين هم يعلمونها عدل00انا بنتي راحت لهم معلمتها بس مو معطيتها الثقه00يعني تلاقيني كل ساعتين قاشتها ورايحه فيها الحمام00لان ماعندي استعداد تخورها 00كافي علي جم مره سوتها00بس هم عززوا ثقتها بنفسها00والحمدلله00

حتى كنت اذا بروح سوق البسها البامبرز احتياط عشان مااتوهق00قالتلي (ترى اذا لبستيني حفاظه ازعل منج)قلت خلاص اثق فيج وامري لله

وماشاءالله صارت زينه رغم اني مازلت اوديها كل ساعتين!!!

 

[Miss_Tiger79]

انا بنتي فيها
وماشالله ستاف الابلات والاداره كلها كويتيات
ويهتمون بالياهل
واذا شفتي اي شي غلط او عندج مكلاحظات يهتمون فيها

عن تجربه

 

[ليلى الميكي]

مشكورين بنات وما قصرتوا

 

[كوكو لاتي]

مشكورين بنات

بس صج اهيا تابعه حق مدرسة الابداع؟؟؟؟؟؟

 

[Miss_Tiger79]

لا مو تابعه للمدرسه

 

[حضاره]

مشكورين بنات

بس صج اهيا تابعه حق مدرسة الابداع؟؟؟؟؟؟

لأ حبيبتي هي موتابعه لأكاديمية الابداع00هي مستقله بذاتها00

بس اللي تابعه للابداع00حضانة سمارت كيدز اللي بالشاميه!!

 

[كوكو لاتي]

اها مشكوووورين

 

[sharoof]

اخوااني اثنيين فيها واحد سنتين والثاني ثلاث واااايد زييينه .. صغار بس يعرفون الالوان والارقام بالانقليزي وكل شي وحتى الحيوانات يعرفون اساميهم بالانقليزي والعربي :> ..

 

[كوكو لاتي]

اخوااني اثنيين فيها واحد سنتين والثاني ثلاث واااايد زييينه .. صغار بس يعرفون الالوان والارقام بالانقليزي وكل شي وحتى الحيوانات يعرفون اساميهم بالانقليزي والعربي :> ..

مشكوره حياتي بس بعرف لهم لبس معين ولا البسها اي شي عادي؟

 

[sharoof]

لا يعطونهم هدوم لونه بنفسجي فاتح وابيض ..

 

[كوكو لاتي]

امممممممم حلو خوش لون

 

[الكادي 1981]

بنات هذا بالنسبة للحضانه أشلون على أولى روضه عندهم ؟؟؟؟؟؟

 

[ام كوكه]

يا خذون سنه ونص ولالا