مس هيثرو ..
مبروووك .. جم عمر بنتج ؟؟
اذا كبيرة وتفهم كلميها بالبيت مو تنصدم قوليلها انا بوديج سكول حلوة فيها اطفال والعاب وتيجر حلوة تحبج واروح شوي عندي شغل انتي لعبي معاهم شوية وايي اخذج ..
ولي وصلتيها عادي ردي عيدي انج بتخلينها عندج شغل وبترجعين لها ولا تخلين احد غيرج ياخذها علشان ما تحس انج جذبتي عليها او انج بتخلينها وما تردين ترى الياهل يخاف ..
عادي بتبجي هديها وامشي .. قوي قلبج شوي اذا فيج بجية طلعي ابجي بالسيارة مثلي انا لووووول لا تبجين جدامها ترا تزيد ..
دقي عليهم عقب 5 دقايق سألي عنها تبجي ولا ساكتة ؟؟ اذا تبجي هم نطري شوي وردي دقي ..
اذا طافت نص ساعة او اكثر والبنت تبجي حرام ردي اخذيها .. اذا ساكتة خلاص خليها وتطمني ..
بتظل ساكتة وما تتجاوب وجنها مصدومة بس دام ما تبجي عادي يعني تستكشف الوضع اهيه مكان غريب وناس غرب ..
ولي خذيتيها قوليلها ها المدرسة حلوة ؟. الاطفال حلوين ؟ لعبتو بالالعاب بره ؟ سولفي معاها ويكون احسن لو تودين هدية من وراها تخلينهم يعطونها بس انا اشوف ان بنتي مرات وايدة ترد بهدية اهمه ما يقصرون ..
ووووشوفي عاد عقب اسبوع بتظل تبجي لي وديتيها ولا عادي حسب شخصيتها ..
انا بنتي ظلت اسبوع تبجي بس بسرعة تسكت تعبت نفسيتي كل يوم ابجي بالسيارة لي قطيتها واروح الدوام عيوني مورمة واكمل بجي .. الحين بالويكيند تسحب جنطتها على كبر البيت وبيدها اليونيفورم يالله ودووووني السكوووول .. اصلا قاعدة احاتيها بالعطلة شبتسوي ..
