حضانة الارتقاء النورانيه

[AL-BaNDry]

مرحبا

منو ولدها او بنتها بحضانة الارتقاء النورانية ؟؟

وياليت تقولون اشرايكم بالحضانة

بتكلم عنها باختصار بما ان بنتي فيها اولى روضه

بصراحه الله يجزاه خير اللي أسسها وخاصة عندنا بمنطقة الجهراء اعيالنا استفادو منها حيل .. كان فيه حضانه بنفس المنطقه ماشفت اي تقدم في بنتي باستثناء كثرة شكاويها من كثر الهواش والضرب اللي اتعرض له

عموما بنتي حافظه اجزاء من القرآن الكريم والدعاء دايما تذكرني انا وابوها بدعاء ركوب السيارة واذا ادخلت الحمام كرمكم الله واذا كلت تسمي واذا اخلصت من الاكل تشكر وتدعي يديم النعمه ودايما ذكر الله على السانها وانا مرتاحه حيل منها

والدراسه عندهم تونس الياهل وترغبه بالدراسه والمعلمه تنزل لي مستوى تفكير الطفل مايعتمدون ولاحظت اهتمامهم في بنتي ماتطلع لي الا وهي مرتبه ومتعطره :dddds:

وكل يوم اكتشف في بنتي شي يديد ويعلمونهم الصلاة والوضوء والنظافه والانجليزي والرياضيات ورسم وانشطه ويومين بالاسبوع للرياضه وتقريبا كل شهر رحله واللي تقيمهم بالنهاية دكتوره نفسيه متخصصه بالاطفال والاحلا مافيه موسيقى وخرابيط

مره عطيت بنتي حلاو عشان تاكله في البريك ردته وقالت ماما هذا سكر عطيني تفاحه بداله

قلت لها ماما منو اللي علمج ؟؟ قالت الابله وتقول جيبو تفاح او موز احسن
وقبل بحضانتها الاوليةلاقومتها تبجي وماتبي تروح ودايما ابوها يغيبها يقول مولازم حرام البنت اتعبت نفسيتها ماتروح الا وهي تبجي ولارديناها تقول باجر بغيب ؟؟؟ الحين اسم الله عليها لاقومتها تقوم بسرعه وتقول ابي احيي العلم وياهم !!!

على حسب معلوماتي مقرهم بغرب الجليب وهالسنه افتحو فرع لهم بالجهرا بمنطقة سعد العبدالله

ومره ثانيه الله يجزاه الف خير اللي اسسها وفتح فرع بالجهرا
اشرايكم فيها واذا فيها عيوب قولولي يمكن انا مالاحظت

 

[الطموح]

الله يجزاهم خير ( خيركم من تعلم العلم وعلمه )

 

[أميرة]

اقتعنت فيها وبالجهرا امممممممم يبيله درب



شكلي بروح لهم وبشوووفهم

 

[غير كل الناس]

الله يجزاش خير

 

[(تـــــــروفه)]

الله يجزاها خير

 

[عاشقة متعب]

والله انا ولدي العام كان فيها بس اللي بغرب الجليب
علموه الحمام وقران والاحرف مشالله والارقام
وقسما بالله يموووووووووووت عليهم وبدخله روضتهم بعد لاني ارتحت لهم بعد

 

[@انترلاكن@]

والله انا ولدي العام كان فيها بس اللي بغرب الجليب
علموه الحمام وقران والاحرف مشالله والارقام
وقسما بالله يموووووووووووت عليهم وبدخله روضتهم بعد لاني ارتحت لهم بعد

الحقيني برقمهم الله يخليج :yaaaaaarb:

 

[توته احلى بنوته]

بنات ابي رقمهم اللي بغرب الجليب

 

[ديمة الليمونة]

هااااي بنات رقم اللي بغرب الجليب 97451994 انا بودي بنتي لهم اليوم بشوف تعاملهم انا ناسب بنتي بدخلها ان شاء الله

 

[مشغوله و محتاسه]

هذا موقعهم ..

http://alirtiqa-alhoraniyah.com/

 

[~خطر~]

انا عمتي تشتغل فيها اذا تبون اي شي اي معلومه انا حاضر
وهذا رقمهم وعنوانهم :97667173
عبد الله مبارك
قطعه 3

 

[~خطر~]

انا عمتي تشتغل فيها اذا تبون اي شي اي معلومه انا حاضر
وهذا رقمهم وعنوانهم :97667173
عبد الله مبارك
قطعه 3
وعندهم حفلة تخرج تاريخ : 27\5\2010
في صالة التنمية في العارضيه
وفيها فقرات حلوة اسلاميه دينيه هادفه
وبحضوركم يتم الفرح والسرور

 

[ام علاوي وعزوز]

مشكوووووورة حبيبتي جزاك الله خير
بس في ناس يقولون ان فيها كثافة بالاطفال يعني اهي زينة والطفل يطلع بنتيجة بس مكوديين فوق بعض
انا بصراحة محتارة اي حضااانه ادخل ولدي السنة الياااااايه ابي تكون بغرب الجليب

 

[توتاتوتا]

الموقع حقهم كاتبين فيه بس فرعين في سعد العبدالله و عبدالله مبارك

شلون الجهراء عندهم فرع يعني مو مسجلينه و لا اسم على اسم ؟؟

و فيه لها فرع بالصباحيه او مناطق قريبه منها؟؟

 

[fife4ever]

رد : حضانة الارتقاء النورانيه

اب اب

 

[قمر الكويتية]

رد : حضانة الارتقاء النورانيه

الله يجعله في ميزان أعمالهم

 

[عشق]

رد : حضانة الارتقاء النورانيه

بنات رفيجتي في غرب الجليب الحين وحده بالروضه والثانيه بالحضانه وايد تمدحهم

 

[خفة دم]

السلام
مديرة الحضانة : منى الشريدة أظن انها كانت معلمة متقاعدة متدينة طيبة
والأبلات غالبيتهم من فئة البدون أعمارهم فوق العشرين نشطات وحيويات وحبوبات
والحضانة 70% دراسة والباقي وناسة ههههههه
أنا بنتي فيها والله تعلمت مهارات واشياء أحسن من أخوها اللي بالإبتدائي

 

[fife4ever]

رد : حضانة الارتقاء النورانيه

بس سؤال انا شفت الحضانه زحمه تهقون يقدرون ينتبهون على الاطفال الصغار

 

[خفة دم]

انا ما أحس ان المكان زحمة أنا صف بنتي فية 8 أطفال وأبلتين