حضانة جاردنر في مشرف

[Hessa.Om-M7md]

السلام عليكم
بنات في حضانة يديده في مشرف صوب الدوار الي يم الجمعية اسمها جاردنر
منو منكم شافها ؟ و اشرايكم فيها ؟ اهي اشتراكها 150 دينار بالشهر يعني أغلى حضانه في مشرف لأن الباجي تتراوح أسعارهم من 80 لي 100 دينار فشنو الشي الاضافي الي فيها عشان يكون سعرها أغلى
بلييز اذا ممكن تفيدوني لأاني ناويه أدخل فيها ولدي من الأسبوع الياي

 

[لولوة عيد]

رد : حضانة جاردنر في مشرف

السلام عليكم
بنات في حضانة يديده في مشرف صوب الدوار الي يم الجمعية اسمها جاردنر
منو منكم شافها ؟ و اشرايكم فيها ؟ اهي اشتراكها 150 دينار بالشهر يعني أغلى حضانه في مشرف لأن الباجي تتراوح أسعارهم من 80 لي 100 دينار فشنو الشي الاضافي الي فيها عشان يكون سعرها أغلى
بلييز اذا ممكن تفيدوني لأاني ناويه أدخل فيها ولدي من الأسبوع الياي

السلام عليكم
انا عيال اختي بالحضانة من الكورس اللي طاف .. الصراحة وااااااااايد قوية وتستاهل ال 150 كافي الموقع واهي بعد شرحة حيل ونظيفة وراقية وتعامل الادارة غير عن كل الحضانات وفيها منهج امريكي قوي ومنهج عربي ممتاز..
انصح اي ام تدخل عيالها عندهم اختي شافت كل حضانات مشرف وبيان بس ما لقت بهالمستوى .. الصراحة ال 150 شوية على مستوى خدمتهم

 

[كاكاو مارس]

رد: رد : حضانة جاردنر في مشرف

السلام عليكم
انا عيال اختي بالحضانة من الكورس اللي طاف .. الصراحة وااااااااايد قوية وتستاهل ال 150 كافي الموقع واهي بعد شرحة حيل ونظيفة وراقية وتعامل الادارة غير عن كل الحضانات وفيها منهج امريكي قوي ومنهج عربي ممتاز..
انصح اي ام تدخل عيالها عندهم اختي شافت كل حضانات مشرف وبيان بس ما لقت بهالمستوى .. الصراحة ال 150 شوية على مستوى خدمتهم

صاحبة الحضانه اسمها لطيفة عيد وانتي اسمج لولوة عيد , شكلها تصيرلج :080402ask_prv:

 

[سفرجل]

انا رحت لها الصراحه ماتسوى هالمبلغ غالي على الفاضي
مو نفس الحضانات الي فيها مواد مثل منتسوري وبروي والعاب داخل وبره الحضانه
ماعجبتني الصراحه في احسن منها وارخص
دام عجبتج انتي كيفج

 

[ام ناصر2]

وايد حلوه بس غاليه

 

[مستغربه]

السلام عليكم

انا مدخله بنتي فيها صراحه واااااااايد استفادت منها خاصه بالانجليزي كلام بنتي صار روعه

بس الترفيه عندهم شويه وشي ثاني المفروض يوفرون الاكل على هالسعر لان وايد غاليه

بس من ناحيه النظافه والاستقبال والتعليم روووووعه والله

 

[Hessa.Om-M7md]

السلام عليكم بنات
ماشاء الله الموضوع من زمااان نزلته توه يالله اشوف الردود
انا توكلت على الله و دخلت ولدي فيها الكورس الي طاف بصراحه اتهبببببببببببببببببببببببببببببل
ولدي وايد قام يحب الحضانه و حتى ساعات بالليل نمر يمها يبجي يبي يدخل و بالصيف بعد خليته يكمل معاهم في النادي الصيفي مدرساتهم واااااااايد زينين و مستواهم قوي ولدي واااايد استفاد من ناحية التدريس و همن شخصيته تغيرت و الحين اسم الله عليه دخلته مدرسه بريطانيه و مدرساته وايد مستانسين من مستواه و الخلفيه الي عنده
و لي اليوم يسأل عن مدرساته الي بالحضانه و يذكرهم بالاسم
و كفايه مديره الحضانه الاستاذه حصه البحوه عسل و الله عسل

 

[الدرر55]

مشكوره ام محمد على هذا الإطراء ... والله انت العسل والله يكثر من امثالك ويحفظلك ولدك محمد وتشوفينه دكتور بالجامعه